भारत-ब्रिटन FTA तून भारतीयांना काय मिळणार?, मद्यपींसाठी गुड न्यूज काय, जाणून घ्या काय स्वस्त होणार?

India UK Free Trade Agreement, Modi UK tour : पंतप्रधान नरेंद्र मोदी हे सध्या युनायटेड किंग्डम (UK) दौऱ्यावर आहेत. भारताने गुरुवारी (२४ जुलै २०२५ रोजी) ब्रिटनसोबत बहुप्रतीक्षित मुक्त व्यापार करारावर (FTA) स्वाक्षरी करून एक ऐतिहासिक पाऊल टाकले.

ब्रिटनचे पंतप्रधान केअर स्टारमर यांनी चेकर्स हाऊसमध्ये पंतप्रधान मोदींचे स्वागत केले. या महत्त्वपूर्ण प्रसंगी भारताचे वाणिज्य मंत्री पियुष गोयल आणि त्यांचे ब्रिटिश समकक्ष जोनाथन रेनॉल्ड्स यांनी करारावर स्वाक्षरी केली.

या करारामुळे दोन्ही देश द्विपक्षीय संबंधांमध्ये एक नवा अध्यायाला प्रारंभ झालाय. यामुळे दोन्ही देशांमध्ये गुंतवणूक वाढेल आणि सामान्य लोकांसाठी रोजगाराच्या नवीन संधीही निर्माण होतील. तर या निर्णयामुळे भारतीयांच्या खिशावर परिणाम पडणार आहे, दुसरं म्हणजे, या कराराने अनेक गोष्टी स्वस्त होणार आहेत. तर काही वस्तू मात्र महागणार आहे.

(Image source- Narendra Modi X Account)

कोणत्या गोष्टी स्वस्त होतील?, कोणत्या व्यवसायाला गती मिळेल..!

एफटीएचा गुजरात-महाराष्ट्राला फायदा!

एफटीएमुळे गुजरात आणि महाराष्ट्र या प्रमुख औद्योगिक केंद्रांमधून कृषी रसायने, प्लास्टिक आणि विशेष रसायनांवर कमी दरात निर्यात वाढेल. या करारांतर्गत भारताने २०३० पर्यंत यूकेला होणारी रासायनिक निर्यात दुप्पट करण्याचे उद्दिष्ट ठेवले आहे.

मद्यपींसाठी आनंदाची बातमी

भारत आणि यूकेमधील एफटीए करार आता मद्यपींसाठी आनंदाचा ठरेल. कारण भारत पुढील १० वर्षांत स्कॉच व्हिस्कीवरील १५० टक्के शुल्क कमी करून फक्त ३० टक्के करेल. यामुळे भारतातील ब्रिटनचा बाजारातील वाटा लक्षणीयरीत्या वाढेल आणि भारतातील वाइन प्रेमींना व हॉटेल व्यवसायात गुंतलेल्या लोकांना परवडणाऱ्या किमतीत वाइन उपलब्ध होईल.

The talks with PM Keir Starmer were outstanding, particularly in the wake of the successful signing of the Comprehensive Economic and Trade Agreement. In addition to economic cooperation, this agreement sets the stage for boosting shared prosperity. @Keir_Starmer… pic.twitter.com/PQD1f2zu2M

— Narendra Modi (@narendramodi) July 24, 2025

कापड व्यापाराला फायदा

भारतातून ब्रिटनमध्ये निर्यात होणाऱ्या कपडे आणि घरगुती कापड उत्पादनांवरील सध्याचा ८ ते १२ टक्के कर आता रद्द केला जाईल. यामुळे भारताचे कापड बांगलादेश आणि व्हिएतनामसारख्या देशांपेक्षा अधिक स्पर्धात्मक होईल. याचा थेट फायदा भारतीय वस्त्रोद्योगाला तसेच निर्यातदारांना होणार आहे.

रत्ने, दागिने आणि चामडे उद्योग

भारत ब्रिटन एफटीएच्या निर्णयाने, सोने आणि हिऱ्यांच्या दागिन्यांसारख्या उच्च मूल्याच्या उत्पादनांसह चामड्याच्या वस्तू ब्रिटनमध्ये शुल्कमुक्त केल्या जातील. यावर कोणतेही अतिरिक्त शुल्क भरावे लागणार नाही. हे पाऊल विशेषतः भारताच्या सूक्ष्म, लघु आणि मध्यम उद्योगांना आणि लक्झरी ब्रँडना फायदेशीर ठरेल.

अभियांत्रिकी वस्तू आणि ऑटो पार्ट्स

ब्रिटन आता भारतात बनवलेल्या यंत्रसामग्री, अभियांत्रिकी साधने आणि ऑटो पार्ट्सवरील आयात शुल्क रद्द करेल. यामुळे ब्रिटन आणि युरोपच्या औद्योगिक पुरवठा साखळीत भारताचा सहभाग वाढेल, ज्यामुळे भारतीय उत्पादनांना आंतरराष्ट्रीय बाजारपेठेत मोठी संधी मिळेल.

आयटी आणि व्यावसायिक सेवा

एफटीएमुळे व्हिसा नियम सुलभ होतील आणि अभियांत्रिकी, आर्किटेक्चर आणि अकाउंटिंगसारख्या क्षेत्रातील व्यावसायिक पात्रतांना मान्यता मिळेल. यामुळे भारतीय व्यावसायिकांना यूकेमध्ये सहजपणे जाऊन काम करणे शक्य होईल.
या करारामुळे, आयटी, वित्त, कायदा आणि आरोग्यसेवा यांसारख्या क्षेत्रात पुढील पाच वर्षांत सुमारे ६०,००० हून अधिक नोकऱ्यांची संधी उपलब्ध होणार आहे.

औषधे आणि वैद्यकीय उपकरणे

मुक्त व्यापार करारामुळे यूकेमधील नियामक प्रक्रिया सुलभ करून आणि औषधे, विशेषतः जेनेरिक औषधे स्वस्त करून, भारतीय औषध कंपन्यांना फायदा होईल. यामुळे राष्ट्रीय आरोग्य सेवा मध्ये प्रवेश सुलभ होईल आणि भारतीय कंपन्यांसाठी औषधांच्या मान्यतेची प्रक्रिया देखील वेगवान होऊ शकते.

अन्न प्रक्रिया, सागरी उत्पादनांना फायदा

बासमती तांदूळ, कोळंबी, प्रीमियम चहा आणि मसाल्यांसारख्या सागरी उत्पादनांसह भारतातील अनेक कृषी आणि अन्न निर्यात वस्तूंवरील आयात शुल्क रद्द केले जाईल. यामुळे आसाम, गुजरात, केरळ आणि पश्चिम बंगालसारख्या राज्यांमधील निर्यात-संबंधित व्यवसायांना मोठा फायदा होईल.

ग्रीन एनर्जी आणि क्लीनटेक

या करारामुळे सौर ऊर्जा, ग्रीन हायड्रोजन आणि इलेक्ट्रिक व्हेईकल (EV) पायाभूत सुविधांसह अक्षय ऊर्जेच्या क्षेत्रात भारत-ब्रिटन संयुक्त उपक्रमांसाठी मार्ग मोकळा होईल. यामुळे भारतातील स्वच्छ ऊर्जा क्षेत्रात यूकेची गुंतवणूक वाढेल आणि संयुक्तपणे नवीन नाविन्यपूर्ण तंत्रज्ञान विकसित करण्यास प्रोत्साहन मिळेल अशी अपेक्षा आहे. एकंदरीतच, हा एफटीए करार दोन्ही देशांसाठी आर्थिक विकासाच्या नव्या संधी घेऊन येईल. भारतीय उद्योगांना युरोपियन बाजारपेठेत प्रवेश मिळवणे सोपे होईल, तर भारतीयांनाही काही परदेशी वस्तू स्वस्त मिळतील.