एकीकडे मुसळधार पाऊस अन् दुसरीकडे भूकंपाचे जोरदार धक्के; लोक रस्त्यावर आले, 'या' राज्यात घडला थरार!

delhi earthquake Update News : दिल्ली, नोएडा, गाझियाबाद येथे सकाळी 9.04 वाजता भूकंपाचे धक्के जोरदार धक्के जाणवले. भूकंपाचे केंद्र हरियाणातील झज्जर या ठिकाणचे असल्याचे सांगितले जाते.

रिश्टर स्केलवर त्याची तीव्रता 4.4 होती. भूकंपाच्या धक्क्यांना घाबरून लोक घरे आणि कार्यालयांमधून बाहेर पळाले. तर सुमारे 10 ते 12 सेकंद जमीन, घर हालत असल्याचे देखील लोकांना जाणवले.

दिल्लीतील अनेक भागात पंखे आणि इतर घरातील वस्तू थरथर कापू लागल्याने लोक घराबाहेर पडले. नोएडा आणि गुरुग्राममधील कार्यालयीन भागातही भूकंपाचे धक्के जाणवले, जिथे संगणक प्रणालीला धक्के जाणवले त्यावेळी कर्मचाऱ्यांनाही भूकंपाचे धक्के जाणवले व त्यांनी थेट मोकळ्या जमीनीवर धावत जाण्याचा निर्णय घेतला.

6 महिन्यांत तिसऱ्यांदा भूकंप झाला...

विशेष बाब म्हणजे, दिल्ली एनसीआर या भागात मागील सहा महिन्यात तिसऱ्यांदा भूकंपाचे धक्के जाणवले आहेत. विशेष म्हणजे, अगदी 19 एप्रिल रोजी दिल्ली-एनसीआरमध्ये भूकंप झाला.

19 एप्रिल रोजी दुपारी 12.17 वाजता अफगाणिस्तानात 5.8 रिश्टर स्केलचा भूकंप झाला. जम्मू-काश्मीर आणि दिल्ली-एनसीआरपर्यंत त्याचा परिणाम जाणवला. तथापि, कोणतीही जीवित किंवा वित्तहानी झाली नाही.

राष्ट्रीय भूकंपशास्त्र केंद्राच्या मते, जम्मू-काश्मीरच्या काही भागातही भूकंपाचा परिणाम जाणवला होता. श्रीनगरमधील एका व्यक्तीने सांगितले- मला भूकंपाचा धक्का जाणवला. मी ऑफिसमध्ये होतो, तेव्हा माझी खुर्ची हादरली. काही भागात लोक घरे आणि ऑफिसमधून बाहेर पळताना दिसले होते.

An earthquake with a magnitude of 4.4 on the Richter Scale hit Jhajjar, Haryana today at 9:04 am IST. Strong tremors felt in Delhi-NCR.

(Pic: National Center for Seismology (NCS) pic.twitter.com/wR3es0JJWh

— ANI (@ANI) July 10, 2025

भूकंप का होतो?

पृथ्वीच्या आत सात टेक्टोनिक प्लेट्स आहेत. या प्लेट्स सतत फिरत राहतात. जेव्हा या प्लेट्स एकमेकांशी आदळतात तेव्हा त्या घासतात. जेव्हा दोन लाटा एकमेकांवर चढतात किंवा एकमेकांपासून दूर जातात तेव्हा जमीन हादरू लागते. याला भूकंप म्हणतात. भूकंप मोजण्यासाठी रिश्टर स्केल वापरला जातो. ज्याला रिश्टर मॅग्निट्यूड स्केल म्हणतात.

भूकंपाची तीव्रता कशी मोजली जाते?

रिश्टर मॅग्निट्यूड स्केल 1 ते 9 पर्यंत असतो. भूकंपाची तीव्रता त्याच्या केंद्रापासून म्हणजेच केंद्रबिंदूपासून मोजली जाते. म्हणजेच त्या केंद्रातून बाहेर पडणारी ऊर्जा या स्केलवर मोजली जाते.

एक पॉईंट म्हणजे कमी तीव्रतेची ऊर्जा बाहेर पडत आहे. 9 म्हणजे सर्वात जास्त. अत्यंत भयानक आणि विनाशकारी लाटा. दूर जाताना या कमकुवत होतात. जर रिश्टर स्केलवर तीव्रता 7 पाहिली तर त्याच्या सभोवतालच्या 40 किलोमीटर त्रिज्येत त्याचा जोरदार हादरा बसतो.