Bihar Election 2025: बापरे! 'एवढी' आश्वासनं बिहार निवडणुकीसाठी NDA चं 'संकल्पपत्र' जाहीर, जाणून घ्या

Bihar Election 2025 marathi news NDA Manifesto out : बिहार विधानसभा निवडणूक २०२५ च्या पार्श्वभूमीवर एनडीए - भाजप आणि मुख्यमंत्री नितीश कुमार यांच्या नेतृत्वाखालील युतीने आज, शुक्रवारी, (३१ ऑक्टोबर) रोजी आपला महत्त्वाकांक्षी 'संकल्प पत्र' जारी केले. पटना येथील हॉटेल मौर्यामध्ये आयोजित या कार्यक्रमाला भाजपचे राष्ट्रीय अध्यक्ष जे. पी. नड्डा, मुख्यमंत्री नितीश कुमार, जीतन राम मांझी, चिराग पासवान आणि उपेंद्र कुशवाहा यांसारखे NDA चे सर्व दिग्गज नेते उपस्थित होते.

या जाहीरनाम्यात बिहारच्या विकासासाठी २५ मोठे वादे करण्यात आले असून, यात प्रामुख्याने रोजगार, महिला सक्षमीकरण आणि पायाभूत सुविधांवर लक्ष केंद्रित करण्यात आले आहे.

जाहीरनाम्यातील दोन महत्त्वाचे 'महा-घोषणा'

NDA ने आगामी पाच वर्षांत बिहारला विकसित राज्यांच्या यादीत आणण्यासाठी रोडमॅप सादर केला आहे. जाहीरनाम्यातील दोन सर्वात मोठ्या आणि लक्षवेधी घोषणा खालीलप्रमाणे आहेत:

१ कोटी रोजगाराचा 'महा-वादा':

युतीने पुढील ५ वर्षांच्या आत बिहारच्या तरुणांना १ कोटींहून अधिक सरकारी आणि खासगी रोजगार उपलब्ध करून देण्याचे मोठे आश्वासन दिले आहे. बेरोजगारीच्या प्रश्नाला उत्तर देण्यासाठी ही सर्वात मोठी घोषणा मानली जात आहे.

१ कोटी 'लखपती दीदी' योजना:

महिला सक्षमीकरणावर भर देत १ कोटी महिलांना 'लखपती दीदी' बनवण्याची महत्त्वाकांक्षी योजना जाहीर करण्यात आली आहे.

या योजनेअंतर्गत महिलांना स्वयंरोजगार आणि छोटे उद्योग सुरू करण्यासाठी ₹२ लाख रुपयांपर्यंतची वित्तीय मदत (आर्थिक सहाय्यता) दिली जाईल.

या व्यतिरिक्त शिक्षण, आरोग्य सेवा, कृषी आणि पायाभूत सुविधा (एक्सप्रेस-वे, मेट्रो सेवा विस्तार) सुधारणांवर अनेक महत्त्वाच्या घोषणांचा समावेश या २५ सूत्री जाहीरनाम्यात आहे.

बिहार NDA जाहीरनामा: टॉप १० प्रमुख घोषणा

१. १ कोटींहून अधिक रोजगार

५ वर्षांत १ कोटींहून अधिक सरकारी आणि खासगी नोकऱ्या देण्याचे आश्वासन.

प्रत्येक जिल्ह्यात 'मेगा स्किल सेंटर' बनवून बिहारला ग्लोबल स्किलिंग हब बनवले जाईल.

२. पंचामृत गॅरंटी (पंचामृत गारंटी)

मोफत धान्य, १२५ युनिट मोफत वीज, ५ लाख रुपयांपर्यंत मोफत उपचार, ५० लाख पक्की घरे आणि सामाजिक सुरक्षा पेन्शन.

३. महिलांसाठी २ लाख मदत (महिलाओं की आत्मनिर्भरता)

'मुख्यमंत्री महिला रोजगार योजने'अंतर्गत ₹२ लाख पर्यंतची मदत.

१ कोटी महिलांना 'लखपती दीदी' बनवण्याचे लक्ष्य.

४. ₹१ लाख कोटी गुंतवणूक (औद्योगिक निवेश)

'विकसित बिहार औद्योगिक मिशन' अंतर्गत ₹१ लाख कोटींची औद्योगिक गुंतवणूक आकर्षित करणे. यामुळे लाखो नवीन नोकऱ्या निर्माण होतील.

५. वार्षिक ₹९,००० सन्मान निधी

'कर्पूरी ठाकूर किसान सन्मान निधी' अंतर्गत प्रत्येक शेतकऱ्याला दरवर्षी ₹९,००० मिळतील.

सर्व प्रमुख पिकांची एमएसपीवर (MSP) खरेदी सुनिश्चित केली जाईल.

६. केजी ते पीजी मोफत शिक्षण

गरीब कुटुंबातील विद्यार्थ्यांना केजी (बालवाडी) पासून पदव्युत्तर (PG) पर्यंत मोफत शिक्षण मिळेल.

शाळांमध्ये पौष्टिक नाश्ता आणि आधुनिक स्किल लॅबची सुविधा.

७. ७ नवीन एक्सप्रेसवे

'बिहार गती शक्ती मास्टर प्लॅन' अंतर्गत ७ नवीन एक्सप्रेसवे आणि ३,६०० किमी रेल्वे ट्रॅकचे आधुनिकीकरण.

८. ग्लोबल बॅक-एन्ड हब

बिहारला "ग्लोबल बॅक-एन्ड हब" म्हणून स्थापित केले जाईल.

₹५० लाख कोटींची गुंतवणूक आकर्षित करण्याचे उद्दिष्ट.

९. न्यू पटना Greenfield City विकास

'न्यू पटना' शहर ग्रीनफील्ड सिटीच्या रूपात विकसित केले जाईल.

प्रमुख शहरांमध्ये सॅटेलाइट टाऊनशिप (Satellite Townships) ची निर्मिती.

१०. अतिमागासवर्गीयांना ₹१० लाख मदत

तांती, मल्लाह, निषाद, लोहार, तेली यांसारख्या अतिमागासवर्गीयांना ₹१० लाखांची आर्थिक मदत.