Ashadhi Gupta Navratri 2025: आषाढी गुप्त नवरात्रीला आजपासून सुरुवात; जाणून घ्या पूजा विधी अन् महत्व

Ashadhi Gupta Navratri 2025 starts from today : अनेकजणांना फक्त शारदीय नवरात्री महोत्सव माहित आहे ज्यानंतर विजयादशमी दसरा येतो, पण वर्षात एकूण चार नवरात्री असतात हे फार कुणाला माहीत आहे असे नाही... नवरात्र म्हटले की, देवीची आराधना आणि पुजेचा उत्सवच. वर्षातील चार नवरात्रांपैकी दोन प्रकट नवरात्र आणि दोन गुप्त नवरात्र आहेत.

चारमध्ये प्रकट नवरात्र चैत्र आणि अश्विन महिन्यांत येते, ज्यांना अनुक्रमे चैत्री आणि शारदीय नवरात्र म्हणतात. तर गुप्त नवरात्र माघ आणि आषाढात येते. यावेळी आषाढातील गुप्त नवरात्र आजपासून सुरू झाली आहे आणि ती ४ जुलै रोजी संपेल. गुप्त नवरात्राच्या सुरुवातीच्या दिवशी ध्रुव आणि सर्वार्थसिद्धी योग तयार होत आहेत. या शुभ योगांमध्ये देवीची पूजा, ध्यान, पूजा केल्याने अतुलनीय फळ मिळेल.

गुप्त नवरात्र सिद्धींसाठी खास आहेत. म्हणून, यावेळी देवीच्या सिद्ध शक्तीपीठांमध्ये तांत्रिक आणि साधकांचा मेळा भरतो. शेकडो भाविक माँ कामाख्या मंदिरात पोहोचतात आणि देवीला प्रसन्न करण्याचा प्रयत्न करतात.

हे आहेत गुप्त नवरात्रीचे नऊ दिवस

26 जून : मां शैलपुत्री उपासना, चंद्रदर्शन, सर्वार्थसिद्धी योग
27 जून: माँ ब्रह्मचारिणी पूजा, जगदीश रथयात्रा पुरी, सर्वार्थसिद्धी
28 जून: माँ चंद्रघंटा उपासना, विनायक चतुर्थी, रवियोग,
29 जून : माँ कृष्मांडा पूजन, रवियोग
30 जून : माँ ब्रह्मचारिणी पूजा स्कंदमाता उपासना, स्कंद षष्ठी, रवियोग
1 जुलै: मां कात्यायनी उपासना, विवस्वत सप्तमी, रवियोग
2 जुलै: माँ कालरात्रीची पूजा, सर्वार्थसिद्धी योग
3 जुलै: माँ महागौरी पूजा, दुर्गाष्टमी, रवियोग
4 जुलै: माँ सिद्धिदात्रीची पूजा, नवरात्री नवरात्री

गुप्त नवरात्रीत कोणत्या गोष्टी कराव्यात

• जे भक्त गुप्त नवरात्रात उपवास इत्यादी करू शकत नाहीत, विशेषतः गृहस्थांनी या नवरात्रात दररोज दुर्गा देवीला लाल फुले अर्पण करावीत.
• नैवेद्य म्हणून गुळ अर्पण करावा आणि देसी तुपाचा दिवा लावून देवीचे मंत्र जप करावेत.
• दुर्गा चालीसा दररोज पठण करावी. दुर्गा सहस्रनामाचे पठण केल्याने सर्व त्रास दूर होतील.
• ज्यांना वाचता येते त्यांनी दररोज दुर्गा सप्तशतीचे पठण करावे.

फलदायी असा ध्रुव योग

ध्रुव योग हा एक अतिशय शुभ फलदायी योग असल्याचे म्हटले जाते. या योगात कोणतेही काम सुरू केले तर कोणतेही नुकसान किंवा हानी होत नाही.

गुप्त नवरात्राच्या सुरुवातीच्या दिवशी हा योग येणे शुभ आहे. या दिवशी, जर कोणत्याही विशेष उद्देशाच्या पूर्ततेसाठी देवीची पूजा केली तर ते काम यशस्वी होते.