"एअरइंडिया विमान अपघाताचे निष्कर्ष निराधार! सखोल तपासापुर्वी ठरवले दोषी!" हे कुणी म्हटले, जाणून घ्या

Air India plane crash : अहमदाबादमध्ये एअर इंडियाच्या विमान AI-171 च्या दुःखद अपघातासंदर्भातील प्राथमिक निष्कर्ष आणि सार्वजनिक चर्चेवर फेडरेशन ऑफ इंडियन पायलट्स (FIP) ने चिंता व्यक्त केली आहे, आणि या निष्कर्षावर विश्वास न ठेवू नये असे आवाहन केले आहे. एफआयबीने एक निवेदन जारी केले आहे. यात "सर्वप्रथम, आम्ही तपास प्रक्रियेतून पायलट प्रतिनिधींना वगळल्याबद्दल आमचा असंतोष व्यक्त करू इच्छितो... संपूर्ण, पारदर्शक आणि डेटा-आधारित चौकशीपूर्वी दोष देणे अकाली आणि बेजबाबदार आहे..." असे म्हटले आहे.

12 जून 2025 रोजी अहमदाबादहून लंडनला जाणाऱ्या एअर इंडियाच्या AI -171 विमानाचा अपघात होऊन 260 जणांचा बळी गेल्यानंतर, या हृदयद्रावक घटनेच्या चौकशीसाठी स्थापन करण्यात आली. एअरक्राफ्ट ॲक्सिडेंट इन्व्हेस्टिगेशन ब्युरो (AAIB) ने आपला प्राथमिक अहवाल सादर केला आहे. त्यानंतर आता एफआयपीचे निवेदन आले आहे. एनआयच्या वृत्तानुसार, गेल्या महिन्यात एअर इंडियाच्या विमान AI-171 च्या दुःखद अपघातासंदर्भातील प्राथमिक निष्कर्ष आणि सार्वजनिक चर्चेवर भारतीय पायलट्स फेडरेशन (FIP) ने गंभीर चिंता व्यक्त केली आहे.

The Federation of Indian Pilots (FIP) expresses concern regarding the preliminary findings and public discourse surrounding the tragic crash of Air India flight AI-171 in Ahmedabad.

Says, "... At the outset, we would like to register our dissatisfaction with the exclusion of… pic.twitter.com/5VRsTMG0LR

— ANI (@ANI) July 17, 2025

AI -171 अपघातावरील FIP अधिकृत विधान

एफआयपीने जारी केलेल्या निवेदनात म्हटले आहे की, सर्वप्रथम, आम्ही तपास प्रक्रियेतून पायलट प्रतिनिधींना वगळल्याबद्दल आमचा असंतोष व्यक्त करू इच्छितो. ज्या पद्धतीने प्राथमिक अहवालाचा अर्थ लावला गेला आहे आणि तो जनतेसमोर सादर केला गेला आहे त्यावरही आमचा तीव्र आक्षेप आहे, असे त्यांनी म्हटले आहे.

अहवालात व्यापक डेटाचा अभाव - एफआयपी

एफआयपीने म्हटले की, प्रसिद्ध केलेल्या अहवालात व्यापक डेटाचा अभाव आहे आणि वैमानिकाच्या चुका सूचित करण्यासाठी आणि विमान कर्मचाऱ्यांच्या व्यावसायिक क्षमता आणि प्रामाणिकपणावर प्रश्नचिन्ह उपस्थित करण्यासाठी कॉकपिट व्हॉइस रेकॉर्डिंगवर निवडकपणे अवलंबून असल्याचे दिसून येते. हा दृष्टिकोन वस्तुनिष्ठ किंवा पूर्ण नाही. म्हणून आम्ही आमच्या सदस्यांना आणि सामान्य जनतेला अशा अकाली निष्कर्षांवर अवलंबून राहू नये असे आवाहन करतो.

संपूर्ण, पारदर्शक आणि डेटा-चालित चौकशीसमोर दोष देणे अकाली आणि बेजबाबदार आहे. अशा गोष्टी उच्च प्रशिक्षित क्रू सदस्यांच्या व्यावसायिकतेला कमी लेखतात आणि त्यांच्या कुटुंबियांना आणि सहकाऱ्यांना अनावश्यक त्रास देतात असेही निवेदनात म्हटले आहे.

निराधार गृहीतके लावू नका..-एफआयपी

एफआयपी मीडिया, टीकाकार आणि अधिकाऱ्यांसह सर्व भागधारकांना आंशिक विधाने प्रसारित करण्यापासून किंवा निराधार गृहीतके लावण्यापासून परावृत्त करण्याचे जोरदार आवाहन करते. विमान वाहतूक सुरक्षेसाठी तथ्ये, सचोटी आणि योग्य प्रक्रियेसाठी दृढ वचनबद्धतेची आवश्यकता असते. आम्ही क्रू आणि त्यांच्या कुटुंबियांच्या पाठीशी एकजुटीने उभे आहोत आणि कोणताही निश्चित निष्कर्ष काढण्यापूर्वी निष्पक्ष, पारदर्शक आणि पुराव्यावर आधारित चौकशीचे आमचे आवाहन पुन्हा करतो असे एफआयपीचे अध्यक्ष कॅप्टन सी.एस. रंधावा यांनी म्हटले आहे.