प्रजासत्ताक दिनाचा जल्लोष! दिल्लीत कर्तव्यपथ सजला; यंदाच्या दिनाचे आकर्षण अन् वैशिष्ट्ये जाणूुन घ्या

77th Republic Day 2026 Updates : भारत आज आपला ७७ वा प्रजासत्ताक दिन अत्यंत उत्साहात आणि अभिमानाने साजरा करत आहे. राजधानी दिल्लीतील कर्तव्यपथावर भारताचे लष्करी सामर्थ्य, सांस्कृतिक वारसा आणि प्रगतीचे दर्शन घडवणारा भव्य सोहळा पार पडत आहे. यावर्षीचा सोहळा 'वंदे मातरम'च्या १५० वर्षांच्या पूर्ततेच्या विशेष संकल्पनेवर (Theme) आधारित असून, राष्ट्रपती द्रौपदी मुर्मू यांनी या ऐतिहासिक सोहळ्याचे नेतृत्व केले.

पंतप्रधान नरेंद्र मोदींचा 'विकसित भारताचा संकल्प

पंतप्रधान नरेंद्र मोदी यांनी सोशल मीडिया प्लॅटफॉर्म 'X' वरून देशवासीयांना संस्कृत श्लोकासह शुभेच्छा दिल्या. ते म्हणाले, "स्वातंत्र्य मिळवण्यासाठी ऐक्य हेच महत्त्वाचे साधन आहे. प्रजासत्ताक दिनाच्या सर्व देशवासीयांना खूप खूप शुभेच्छा! हा राष्ट्रीय उत्सव आपल्या सर्वांच्या जीवनात नवीन ऊर्जा आणि उत्साह घेऊन येवो. 'विकसित भारता'चा आपला संकल्प अधिक दृढ होवो, हीच माझी कामना आहे."

गणतंत्र दिवस हमारी स्वतंत्रता, संविधान और लोकतांत्रिक मूल्यों का सशक्त प्रतीक है। यह पर्व हमें एकजुट होकर राष्ट्र निर्माण के संकल्प के साथ आगे बढ़ने की नई ऊर्जा और प्रेरणा देता है।

पारतन्त्र्याभिभूतस्य देशस्याभ्युदयः कुतः।

अतः स्वातन्त्र्यमाप्तव्यमैक्यं स्वातन्त्र्यसाधनम्॥ pic.twitter.com/i0XjjgL38x

— Narendra Modi (@narendramodi) January 26, 2026

राष्ट्रपती द्रौपदी मुर्मू यांचा संरक्षणाबाबत मोठा संदेश

देशाला संबोधित करताना राष्ट्रपती द्रौपदी मुर्मू यांनी देशातील शांतता आणि सुरक्षिततेवर भर दिला. त्यांनी गेल्या वर्षीच्या दहशतवादविरोधी कारवायांचा उल्लेख करत म्हटले की, "प्रजासत्ताक दिनानिमित्त मी तुम्हा सर्वांना हार्दिक शुभेच्छा देते. मला ठाम विश्वास आहे की तुमचे जीवन सुख, शांती आणि समृद्धीने भरलेले असेल. गेल्या वर्षी भारताने 'ऑपरेशन सिंदूर' अंतर्गत दहशतवादी तळांवर अचूक स्ट्राइक करून ते उद्ध्वस्त केले आहेत. आपले राष्ट्र सुरक्षित ठेवण्यासाठी आपण सदैव कटिबद्ध आहोत."

मैं आप सभी को गणतन्त्र दिवस के राष्ट्रीय पर्व की हार्दिक बधाई देती हूं। pic.twitter.com/RHxP154uKL

— President of India (@rashtrapatibhvn) January 25, 2026

कर्तव्यपथावरील सोहळ्याची वैशिष्ट्ये

थीम: यंदाची परेड 'वंदे मातरम' गीताला १५० वर्षे पूर्ण झाल्याच्या निमित्ताने समर्पित आहे.

शक्तिप्रदर्शन: भारतीय लष्कराच्या विविध तुकड्या, स्वदेशी बनावटीची शस्त्रे आणि हवाई दलाच्या चित्तथरारक 'फ्लायपास्ट'ने उपस्थितांच्या डोळ्यांचे पारणे फेडले.

चित्ररथ: विविध राज्यांच्या चित्ररथांतून भारताच्या विविधतेचे आणि 'एक भारत, श्रेष्ठ भारत' या संकल्पनेचे दर्शन घडले.

प्रजासत्ताक दिन सोहळ्याचे यंदाचे सर्वात मोठे आकर्षण अन् वैशिष्ट्ये

२०२६ च्या ७७ व्या प्रजासत्ताक दिन सोहळ्याचे सर्वात मोठे आकर्षण म्हणजे भारतीय लष्कराची वाढलेली ताकद आणि स्वदेशी बनावटीच्या शस्त्रास्त्रांचे प्रदर्शन हे आहे. या सोहळ्याची प्रमुख वैशिष्ट्ये जाणून घेऊया.

१. 'चरणबद्ध युद्ध संरचना' प्रदर्शन

भारतीय सेना प्रथमच कर्तव्यपथावर 'चरणबद्ध युद्ध संरचना' या विशेष युद्धनीतीचे प्रदर्शन करणार आहे. यात आधुनिक युद्धभूमीवर लष्कर कशा प्रकारे टप्प्याटप्प्याने शत्रूवर हल्ला करते, याचे थरारक प्रात्यक्षिक पाहायला मिळेल.

२. 'ब्रह्मोस, आकाश आणि सूर्यास्त्र'चा जलवा

• यावर्षीच्या संचलनात भारताची सर्वात शक्तिशाली शस्त्रे एकाच वेळी दिसून येतील.
• ब्रह्मोस क्षेपणास्त्र: जगातील सर्वात वेगवान सुपरसोनिक क्रूझ क्षेपणास्त्र.
• आकाश क्षेपणास्त्र यंत्रणा: स्वदेशी बनावटीची जमिनीवरून हवेत मारा करणारी संरक्षण प्रणाली.
• सूर्यास्त्र (Suryastra): भारताच्या ताफ्यात नव्याने सामील होणारे अत्यंत प्रगत अस्त्र, जे लांब पल्ल्याचा अचूक मारा करण्यासाठी ओळखले जाते.

३. 'वंदे मातरम'च्या १५० व्या वर्षाची थीम

यंदाचा सोहळा 'वंदे मातरम' या राष्ट्रगीताच्या १५० व्या वर्षाला समर्पित आहे. यामुळे संपूर्ण कर्तव्यपथावर सांस्कृतिक कार्यक्रम आणि सादरीकरण या थिमवर आधारित असेल.

४. महिला शक्तीचे वर्चस्व (Nari Shakti)

गेल्या काही वर्षांप्रमाणेच याही वर्षी लष्कर, नौदल आणि हवाई दलाच्या महिला तुकड्यांचे नेतृत्व आणि सहभाग विशेष आकर्षणाचा केंद्रबिंदू असेल. 'नारी शक्ती'चे दर्शन घडवणारे विशेष चित्ररथही यात सामील आहेत.

५. विदेशी पाहुण्यांची उपस्थिती

२०२६ च्या प्रजासत्ताक दिनासाठी युरोपियन कौन्सिलचे अध्यक्ष अँटोनियो कोस्टा आणि युरोपियन कमिशनच्या अध्यक्षा उर्सुला वॉन डेर लेन यांची प्रमुख पाहुणे म्हणून उपस्थिती, भारताच्या मजबूत जागतिक मुत्सद्देगिरीचे प्रतीक आहे.

६. हवाई दलाचा चित्तथरारक 'फ्लायपास्ट'

हवाई दलाचे राफेल, सुखोई-३० एमकेआय आणि तेजस ही विमाने आकाशात 'त्रिशूल' आणि 'व्हिक्टरी' फॉरमेशन तयार करून भारताच्या हवाई सामर्थ्याचे प्रदर्शन करतील.