गर्भनिरोधक गोळ्यांच्या सेवनामुळे महिलांना 'या' आजारांचा धोका, वेळीच व्हा सावध

मुंबई : गर्भनिरोधक गोळ्या हा नको असलेली गर्भधारणा टाळण्यासाठी ही आपत्कालीन गर्भनिरोधक पद्धत आहे. असुरक्षित शारिरीक संबंधानंतर 72 तासांच्या आत त्याचा वापर केल्यास गर्भधारणा होत नाही. म्हणून, महिला याला सर्वात सोयीस्कर मार्ग मानतात आणि त्याचे सेवन करतात.

जागतिक आरोग्य संघटनेच्या 2022 च्या अहवालानुसार, 18 ते 30 वर्षे वयोगटातील महिलांमध्ये ओव्हर-द-काउंटर गर्भनिरोधक गोळ्यांचा वापर गेल्या 5 वर्षांत 25 टक्क्यांनी वाढला आहे, जो अतिशय धक्कादायक आहे. त्याच वेळी, यामुळे महिलांच्या आरोग्याशी संबंधित चिंता देखील वाढत आहे ज्यामुळे त्यांना भविष्यात अनेक समस्यांना सामोरे जावे लागू शकते.

गर्भनिरोधक गोळ्या प्रत्यक्षात हार्मोन्सवर परिणाम करतात, ज्यामुळे गर्भधारणा रोखली जाते. पण त्याच्या वारंवार वापरामुळे हार्मोन्सवर मोठ्या प्रमाणात परिणाम होतो आणि मासिक पाळी अनियमित होते. त्यामुळे याचे जास्त सेवन करू नये, असे तज्ज्ञांचे मत आहे.

गर्भनिरोधक गोळ्या कधी घ्याव्यात

एक्सपर्ट्सच्या मते, तुम्ही इमर्जन्सीमध्ये एकदा किंवा दोनदा याचा वापर करू शकता, परंतु ह्या गोळया पुन्हा पुन्हा घेतल्याने अनेक दुष्परिणाम होतात, त्यामुळे तुमच्या हार्मोन्सवर परिणाम होतो आणि तुमची मासिक पाळी अनियमित होते, ज्यामुळे तुम्हाला भविष्यात अनेक गुंतागुंतींना सामोरे जावे लागेल. या गोळ्यांच्या अतिवापरामुळे गर्भाशयाच्या मुखाचा कर्करोग, एक्टोपिक गर्भधारणा (फॅलोपियन ट्यूबमधील गर्भधारणा), उच्च जोखमीची गर्भधारणा किंवा नंतर गर्भधारणा होण्यात अडचण यासारख्या समस्या महिलांमध्ये दिसून आल्याचे अनेक वेळा दिसून आले आहे.

आज स्त्रिया डॉक्टरांचा सल्ला न घेता गर्भनिरोधक गोळ्या घेत असल्याने, आजकाल महिलांमध्ये गर्भधारणेशी संबंधित अनेक गुंतागुंत वाढल्या आहेत. म्हणून, हे फक्त बॅकअप परिस्थितीत विचारपूर्वक वापरले पाहिजे पण वारंवार नाही, कारण हे देखील स्त्रियांमध्ये लठ्ठपणाचे एक प्रमुख कारण आहे. ज्याचे इतर अनेक दुष्परिणाम आहेत. म्हणून, इतर सर्व पद्धती अयशस्वी झाल्यावरच डॉक्टरांचा सल्ला घेतल्यानंतरच याचे सेवन करा.

गर्भनिरोधक गोळ्यांचे दुष्परिणाम

- मळमळ

- उलट्या

- थकवा

- चक्कर येणे

- डोकेदुखी

- ओटीपोटीत वेदना किंवा आकडी येणे

- स्तनांमध्ये वेदना किंवा कोमलता

- मासिक पाळीत जास्त रक्तस्त्राव यांसारखी लक्षणे समाविष्ट आहेत.

याशिवाय, त्याचा वापर केल्यानंतर एक आठवड्यानंतर तुम्हाला रक्ताचे डाग येऊ शकतात आणि तुमची पुढील मासिक पाळी लवकर किंवा उशीरा येऊ शकते. म्हणून, जेव्हा तुम्ही या गोळ्या वापरता तेव्हा एकदा तुमच्या डॉक्टरांशी बोला, ही औषधे डाॅक्टरच्या सल्ल्याशिवाय विकत घेऊ नका आणि वापरू नका.

(वरील लेख इंटरनेटवर असलेल्या माहितीच्या आधारे लिहिण्यात आला आहे. कोणताही माहीत किंवा सल्ला उपयोगात आणण्याआधी तज्ञांशी चर्चा करा)