सावधान! पहाटे 6 ते दुपारी 12 दरम्यान 'हार्ट अटॅक'चा धोका 40 टक्क्यांनी जास्त; जाणून घ्या कारणे, उपाय

Why Heart Attacks Happen in the Morning Causes and Prevention Tips : सध्याच्या काळात हृदयविकाराचा झटका येण्याचे प्रमाण चिंताजनकरीत्या वाढले आहे. केवळ वृद्धच नाही, तर तरुण पिढीही याला बळी पडत आहे. अमेरिकन कॉलेज ऑफ कार्डिओलॉजीच्या संशोधनानुसार, दिवसाच्या इतर वेळेपेक्षा पहाटे ६ ते दुपारी १२ या वेळेत हार्ट अटॅक येण्याची शक्यता तब्बल ४० टक्क्यांनी जास्त असते. नक्की या काळात शरीरात असे काय घडते, ज्यामुळे हृदयावर ताण येतो? हे समजून घेणे प्रत्येकासाठी गरजेचे आहे.

"पहाटेची वेळ ही निसर्गरम्य आणि शांत मानली जाते, पण याच शांत वेळेत तुमच्या शरीरात एक मोठे 'जैविक युद्ध' सुरू असते. जेव्हा जग झोपेतून जागे होत असते, तेव्हा तुमचे हृदय मात्र एका मोठ्या ताणाखाली असते. रक्ताच्या गुठळ्या होण्यापासून ते रक्तदाब वाढण्यापर्यंतच्या अनेक प्रक्रिया याच काळात वेगाने घडतात. जर तुम्हाला असे वाटत असेल की व्यायामशाळेत जाणे किंवा सकाळी लवकर उठणे नेहमीच सुरक्षित असते, तर तुम्ही काही गोष्टी पडताळून पाहणे विचार करणे आवश्यक आहे."

पहाटेच अटॅक का येतो? - प्रमुख कारणे

१. बायोलॉजिकल क्लॉक

सकाळी ६ च्या सुमारास शरीरात 'कोर्टिसोल' हार्मोनची पातळी वाढते. यामुळे रक्तदाब (BP) वाढतो आणि हृदयाला जास्त ऑक्सिजनची गरज लागते.

२. रक्त घट्ट होणे

पहाटेच्या वेळी मानवी शरीरातील रक्त नैसर्गिकरित्या जास्त घट्ट असते. यामुळे रक्तवाहिन्यांत गुठळ्या होण्याचा धोका वाढतो.

३. प्लेटलेट्सची सक्रियता

सकाळी रक्तातील प्लेटलेट्स जास्त सक्रिय होतात, ज्यामुळे रक्ताचा प्रवाह अडथळा निर्माण होण्याची शक्यता वाढते.

'ही' लक्षणे दिसताच सावध व्हा!

• छातीत सतत दुखणे किंवा जडपणा जाणवणे.
• डाव्या हाताला, खांद्याला किंवा जबड्याला मुंग्या येणे किंवा दुखणे.
• अचानक श्वास घेण्यास त्रास होणे.
• थंड घाम येणे आणि चक्कर येणे.
• प्रचंड थकवा किंवा मळमळ जाणवणे.

बचावासाठी 'हे' नक्की करा

हळूहळू उठा: सकाळी उठल्याबरोबर तातडीने कामाला किंवा व्यायामाला न लागता शरीराला स्थिरावण्यासाठी वेळ द्या.

पुरेशी झोप: रात्री किमान ७-८ तास शांत झोप घ्या.

कोमट पाणी: सकाळी उठल्यावर कोमट पाणी प्या, ज्यामुळे रक्ताभिसरण सुलभ होईल.

नियमित तपासणी: हाय बीपी, मधुमेह किंवा कोलेस्ट्रॉल असल्यास नियमित औषधे घ्या आणि डॉक्टरांच्या संपर्कात राहा.