मुलाच्या तोंडात थर्मामीटर फुटला! डॉक्टरांनी पाऱ्याच्या विषापासून वाचवले प्राण, वाचा पारा किती डेंजर?

Thermometer exploded boy's mouth : दिल्लीत एक धक्कादायक घटना समोर आली आहे. मुलाने खेळता खेळता थर्मामीटर गिळला पारा गिळला अन् तो फुटलाही! त्यानंतर पाराच्या विषबाधेमुळे मुलाचा मृत्यू होण्याची भीती होती, एका डॉक्टरने आपल्या चातुर्याने 2 वर्षाच्या चिमुरडीचे प्राण वाचवले.

एचसीएमसीटी मणिपाल हॉस्पिटलच्या तज्ज्ञांच्या मते, सुरुवातीला मुलामध्ये वेदना किंवा उलट्यासारखी कोणतीही स्पष्ट लक्षणे दिसून आली नाहीत. त्यामुळे दोन वर्षांच्या मुलाने पाऱ्यासारख्या घातक धातूचे सेवन केले होते की नाही हे शोधणे कठीण झाले तरीही योग्य निदान आणि प्रसंगावधान राखून डॉक्टरांनी बाळाचा जीव वाचवला.

असा वाचवला जीव!

एक्स रे मध्ये दोन वर्षीय मुलाच्या आतड्यात डॉक्टरांना पारा दिसून आला. त्यानंतर डॉ. सुफला सक्सेना आणि त्यांच्या टीमने ताबडतोब कोलोनोस्कोपी आणि आतडे साफ करण्याची प्रक्रिया सुरू केली, ज्यामुळे मुलाच्या आतड्यातून पारा काढता आला.

पाऱ्याची विषबाधा आरोग्यासाठी किती घातक?

थर्मामीटरमधील पारा, जर गिळला असेल तर, सामान्यतः पचनमार्गाद्वारे उत्सर्जित केला जातो. तथापि, पारा वाष्प अधिक धोकादायक आहे आणि फुफ्फुसात श्वास घेतल्यास ते प्राणघातक ठरू शकते. वास्तविक, पारा शरीरात प्रवेश केल्यानंतर धोकादायक बनतो, परंतु तो द्रव अवस्थेत पचनसंस्थेत लगेच शोषला जात नाही. म्हणूनच थर्मामीटर तुटल्यास किंवा पाराच्या संपर्कात आल्यास त्वरित वैद्यकीय मदत घेणे अत्यंत महत्वाचे आहे.

पारा विषबाधेची लक्षणे

FDA (अन्न आणि औषध प्रशासन) नुसार, पाऱ्याच्या विषबाधामुळे सामान्यतः गंभीर न्यूरोलॉजिकल परिणाम होतात. काही घातक लक्षणे खाली प्रमाणे आहेत.

• चिंता
• नैराश्य
• स्मरणशक्तीशी संबंधित समस्या
• हात आणि पाय सुन्न होणे
• अंगाला थरथर
• मुलांमध्ये आकलनशक्ती समस्या
• ऐकण्यात आणि बोलण्यात अडचण
• दिसण्यात अडचण
• मुलांमध्ये बोलणे आणि भाषेसंदर्भात समस्या

या लक्षणांमुळे पारा विषबाधा झाल्याचे स्पष्ट होते. शारीरिक आणि मानसिक कार्यांवर गंभीर परिणाम होऊ शकतो. याशिवाय जर प्रकरण गंभीर झाले तर स्मरणशक्ती कमी होणे, किडनी खराब होणे आणि हृदयविकाराचा झटका यांसारख्या धोकादायक स्थिती येऊ शकतात.

गर्भवती आणि स्तनदा मातांसाठी सल्ला

डॉक्टरांनी सल्ला दिला की, गर्भवती किंवा स्तनपान देणाऱ्या महिलांनी उच्च पारा असलेले मासे (उदा. शार्क, तिलापिया इ.) टाळावेत. पारा आईच्या दुधाद्वारे गर्भातील गर्भ आणि नवजात बाळापर्यंत पोहोचू शकतो, ज्यामुळे मुलाच्या आरोग्याच्या गंभीर समस्या उद्भवतात.

थर्मामीटर मुलांपासून दूर ठेवा

थर्मामीटर किंवा इतर धोकादायक वस्तू मुलांच्या हातात पडणार नाही याची काळजी घ्या. आधुनिक डिजिटल थर्मामीटर हे पारा थर्मामीटरसाठी एक चांगला आणि सुरक्षित पर्याय आहे.