कांस्यपदक जिंकण्यापूर्वी अमनचे वजन 4 किलोने वाढले होते,मग 10 तासात असं केलं वजन कमी

Aman Sehrawat Lost More than 4.6kg in 10 Hours : भारतीय कुस्तीपटू अमन सेहरावतने पॅरिस ऑलिम्पिक 2024 मध्ये कांस्यपदक जिंकून देशाला सहावे पदक मिळवून दिले. मात्र, ही स्पर्धा त्याच्यासाठी सोपी नव्हती. कुस्तीपटू विनेश फोगटप्रमाणेच अमन सेहरावतनेही सामन्यापूर्वी शेवटच्या क्षणी वजन वाढले ​​होते. एका रिपोर्टनुसार अमनने 10 तासांत 4.6 किलो वजन कमी केलं. रात्री अहोरात्र मेहनत करून त्याने वजन कमी करुन आणि अपात्र होण्याचे टाळले.

पुरुषांच्या 57 किलो गटातील लढतीत 21 वर्षीय अमन सेहरावतने पोर्तो रिकोच्या डेरियन तोई क्रूझचा 13-5 अशा फरकाने पराभव करून कांस्यपदक जिंकले. 10 तासात अमनने 4 किलोपेक्षा जास्त वजन कसे कमी केले ते जाणून घेऊया.

कसे कमी केले वजन

उपांत्य फेरीचा सामना हरल्यानंतर अमनचे वजन तपासले असता त्याचे वजन 61.5 किलो होते, तर अमन 57 किलो गटात खेळतो आणि हे वजन त्याच्या श्रेणीपेक्षा 4.5 किलो जास्त होते. यानंतर अमन सेहरावतचे वजन कमी करण्यासाठी त्याच्या प्रशिक्षकाने खूप मेहनत घेतली. मोठी गोष्ट म्हणजे त्याच्याकडे फक्त 10 तास उरले होते.

पैलवानाने घेतली खूप मेहनत

वजन कमी करण्यासाठी अमन सेहरावतला आधी दीड तासाचे मॅट सेशन देण्यात आले, ज्यामध्ये त्याला स्टँडिंग रेसलिंग करायला लावले. यानंतर एक तास गरम स्नान सत्र देण्यात आले. रात्री 12 वाजल्यानंतर अमन सेहरावतने जिममध्ये तासभर ट्रेडमिल रनिंग केली.

अमनला विश्रांतीसाठी 30 मिनिटांचा ब्रेक मिळाला आणि त्यानंतर प्रत्येकी 5 मिनिटांच्या सौना बाथचे 5 सत्र देण्यात आले. अशा प्रकारे त्याने 3.6 किलो वजन कमी केले. शेवटी, अमनला मसाज देण्यात आला आणि यानंतर खेळाडूने हलके जॉगिंग आणि 15 मिनिटांचे रनिंग सत्र केले. पहाटे 4.30 पर्यंत अमनचे वजन 56.9 किलो होते, जे निर्धारित मर्यादेपेक्षा 100 ग्रॅम कमी होते.