'छावा'चित्रपटासाठी विकी कौशलने 7 महिन्यांत 25 किलो वजन वाढवलं, बॉडी बनवण्यासाठी घेतली कठोर मेहनत

Vicky Kaushal Transformation: छत्रपती संभाजी महाराजांची शौर्यगाथा सांगणारा बहुचर्चित छावा चित्रपट 14 फेब्रुवारी रोजी देशभरात चित्रपटगृहात प्रदर्शित होणार आहे. अभिनेता विकी कौशल या चित्रपटात छत्रपती संभाजी महाराजांच्या भूमिकेत तर महाराणी येसुबाईंच्या भूमिकेत दाक्षिणात्य सुपरस्टार अभिनेत्री रश्मिका मंदाना झळकणार आहे.

'छावा' चित्रपटाच्या ट्रेलर लाँच कार्यक्रमात विकी कौशलने नुकतेच त्याच्या छत्रपती संभाजी महाराज या व्यक्तिरेखेबद्दल भरभरुन बोलला आहे. सर्जिकल स्ट्राईकनंतर या ऐतिहासिक चित्रपटाचा भाग असणे ही त्यांच्यासाठी अभिमानाची गोष्ट असल्याचे त्यांनी सांगितले. त्याने चित्रपटासाठी स्वतःला पूर्णपणे तयार केलं आहे.

या चित्रपटात सिंहासारखे शरीर मिळवण्यासाठी विकी कौशलने खूप मेहनत घेतली आहे. या संदर्भात अभिनेताने स्वतः आपला अनुभव शेअर केला आहे. या विक्कीने त्याचे वजन 80 किलोवरून 105 किलोपर्यंत वाढवलं आहे. अभिनेत्याच्या या परिवर्तन प्रवासाबद्दल जाणून घेऊया.

7 महिने बॉडी बनवण्यासाठी घेतली मेहनत

चित्रपटाबद्दल बोलताना विकी कौशलने सांगितले की, या चित्रपटासाठी त्याने सतत 7 महिने त्याच्या शरीरावर मेहनत घेतली आहे. या दरम्यान त्याने 25 किलो वजन वाढवलं आहे. विकी म्हणाला, "जेव्हा मला या चित्रपटाची ऑफर देण्यात आली तेव्हा मला हे पात्र कसे साकारता येईल हे समजत नव्हते. माझ्या दिग्दर्शकाने मला सांगितले की मला चित्रपटात सिंहासारखे दिसावे लागेल. हे ऐकून मी घाबरलो कारण मला वाटले की हे कसे शक्य आहे. मग मी संभाजी महाराजांचा फोटो पाहिला आणि ते खरोखर सिंहासारखे दिसत होते. मला वाटलं की मी हे करू शकणार नाही." ही प्रक्रिया विकीसाठी एक मोठे आव्हान होते, पण तो त्यात यशस्वी झाला.

चित्रपटासाठी 4 वर्षांपासून तयारी

विकी कौशलने सांगितले की, या चित्रपटाची तयारी चार वर्षांपूर्वी सुरू झाली होती. टीम स्क्रिप्टवर रिसर्च करत होती आणि ती तयार करण्यासाठी अडीच वर्षे लागली. विकीने 7 महिने शरीरयष्टी वाढवण्यात, वजन वाढवण्यात आणि घोडेस्वारी शिकण्यात घालवले. या दरम्यान विक्कीने 25 किलो वजन वाढवले ​​आणि ते एक आव्हान म्हणून स्वीकारलं, जे अखेर यशस्वी झाले.

अचानक वजन वाढल्याने समस्या निर्माण होऊ शकतात का?

तज्ज्ञांच्या मते, अचानक वजन वाढणे कठीण होऊ शकते. हा बदल घडवून आणण्यासाठी शरीराला वेळ आणि योग्य पोषण आवश्यक आहे. जर योग्य मार्गदर्शनाशिवाय वजन वाढवले ​​तर त्यामुळे शारीरिक असंतुलन, पचन समस्या किंवा इतर आरोग्य समस्या उद्भवू शकतात.

वजन वाढवण्यासाठी संतुलित आहार आणि नियमित व्यायाम आवश्यक आहे. त्यात उच्च-कॅलरीयुक्त पदार्थ, प्रथिने आणि निरोगी चरबी समाविष्ट आहेत. याशिवाय, विकी कौशलप्रमाणे, त्याने आपले शरीर आकारात ठेवण्यासाठी अतिरिक्त व्यायाम देखील केले. तज्ञाशिवाय हे करणे कठीण होऊ शकते.