The Sabarmati Report BO Day 3 : तिसऱ्या दिवशी 'द साबरमती रिपोर्ट'च्या कमाईत बंपर वाढ

The Sabarmati Report BO Day 3 : बॉलीवूड अभिनेता विक्रांत मॅसीचा चित्रपट 'द साबरमती रिपोर्ट' 15 नोव्हेंबर रोजी चित्रपटगृहांमध्ये प्रदर्शित झाला आहे. चित्रपटाची कथा 2002 मध्ये घडलेल्या गोध्रा घटनेवर आधारित आहे. ज्यात विक्रांतने पत्रकाराची भूमिका साकारली आहे. या चित्रपटाने तिसऱ्या दिवशी किती कोटींचा गल्ला जमवला ते जाणून घेऊया.

धीर सरना दिग्दर्शित साबरमती रिपोर्टची सुरुवात काहीशी संथ गतीने होती. रिपोर्टनुसार या चित्रपटाने पहिल्या दिवशी केवळ 1.25 कोटी रुपयांची कमाई केली होती. दुस-या दिवशी हा आकडा वाढून 2.10 कोटी झाला. वीकेंडला चित्रपटाच्या कमाईला चांगलाच फायदा झाला. तिसऱ्या दिवशी म्हणजेच रविवारी कलेक्शनबद्दल बोलायचे झाले तर या चित्रपटाने 3 कोटींची कमाई केली.

या तीन दिवसांत 'द साबरमती रिपोर्ट'चे एकूण कमाई 6.35 कोटी रुपये झाली आहे. कार्तिक आर्यनच्या 'भूल भुलैया 3'ला मिळत असलेल्या जबरदस्त प्रतिसादादरम्यान विक्रांत मॅसीचा चित्रपट बॉक्स ऑफिसवर सतत टक्कर देत आहे. 50 कोटींच्या बजेटमध्ये तयार करण्यात आलेल्या साबरमती रिपोर्टला येत्या काही दिवसांत किती प्रतिसाद मिळतो हे पाहणे महत्वाचे ठरणार आहे.

पंतप्रधान नरेंद्र मोदी यांनाही 'द साबरमती रिपोर्ट' चित्रपटाची कथा आवडली आहे. त्याने त्याच्या एक्सवरील पोस्ट शेअर करून चित्रपटाचे कौतुक केले. पोस्टमध्ये लिहिलं होतं, 'चांगलं सांगितलं. हे सत्य बाहेर येत आहे आणि तेही सर्वसामान्यांना दिसेल अशा पद्धतीने हे सत्य बाहेर येत आहे, हे चांगले आहे. खोटे बोलणे हे मर्यादित काळासाठीच टिकते. शेवटी, तथ्य नेहमीच बाहेर येईल!' , असं ट्टिट त्यांनी केलं होतं.

12वी फेल चित्रपटाच्या यशानंतर आता विक्रांत मॅसी द साबरमती रिपोर्टमध्ये ही उत्तम अभिनय केला आहे. गोध्रा घटनेवर आधारित या चित्रपटात 2002 मधील गोध्रा घटनेदरम्यान काय घडले आणि मीडियाने कसे कव्हर केले हे दाखवले आहे. प्रदर्शित होण्यापूर्वीच या चित्रपटाबाबत बरीच चर्चा झाली होती. येत्या काळात हा चित्रपट किती कमाई करतो हे पाहणे महत्वाचं ठरणार आहे.