Sunny Leone : सनी लिओनीने पुन्हा लग्न केलं! मालदीवमध्ये घेतली नवऱ्यासोबत सात जन्माची शपथ

Sunny Leone's Maldives Wedding : एकेकाळची पाॅर्न स्टार आणि नंतर भारतीय सिनेमात आपले नाव कोरणारी सनी लिओनचे भारतात प्रचंड चाहते आहेत. ही अभिनेत्री सोशल मीडियावर खूप सक्रिय असते आणि ती अनेकदा पती आणि मुलांसोबतचे फोटो शेअर करत असते.

सनीने 2011 मध्ये डॅनियलसोबत लग्न केले. मात्र नुकतेच सनीने पुन्हा लग्न केले आहे. सनीच्या लग्नाची बातमी ऐकून चाहतेही थोडे गोंधळले आहेत. अशा परिस्थितीत, हे संपूर्ण प्रकरण काय आहे ते आम्ही तुम्हाला समजावून सांगतो.

पांढऱ्या गाऊनमध्ये सनी लिओनीचा एक फोटो समोर आला आहे, ज्यामध्ये ती खूपच सुंदर दिसत आहे. सनी लिओनीने दिवाळीच्या सुट्ट्यांमध्ये एक निर्णय घेतला, ज्यामुळे चाहत्यांना आश्चर्य आणि आनंद आणि धक्काही बसला आहे पण सनीने पुन्हा कोणाशी आणि का लग्न केले, चला जाणून घेऊया.

दिवाळीच्या सुट्ट्यांमध्ये सनीने डॅनियलसोबतच्या लग्नाच्या आठवणी ताज्या करण्याचा निर्णय घेतला. यावेळी पांढऱ्या रंगाच्या गाऊनमध्ये सनी खूपच सुंदर दिसत होती. सनीचा एक फोटो समोर आला आहे, ज्यामध्ये ती एखाद्या देवदूतापेक्षा कमी दिसत नाही. ती तिचा पती डॅनियलसोबत उभी आहे, याचा अर्थ अभिनेत्रीने तिच्या पतीसोबत पुन्हा लग्न केले आहे.

रिपोर्ट्सनुसार, सनी आणि डॅनियल 31 ऑक्टोबर रोजी पारंपारिक आनंद कारज फंक्शनमध्ये सहभागी झाले होते. सनीने या फंक्शनचा कोणताही फोटो सोशल मीडियावर पोस्ट केला नसला तरी व्हायरल झालेल्या फोटोने लोकांचे लक्ष वेधून घेतले आहे. या कार्यक्रमात त्यांची तीन मुले निशा, नोहा आणि आशर उपस्थित होते. गेल्या काही दिवसांपासून हे जोडपे त्यांच्या लग्नाच्या आठवणी ताज्या करण्याचा विचार करत होते. अशा परिस्थितीत या जोडप्याने पुन्हा एकदा लग्न केल्यावर हा खास प्रसंग आणखीनच खास बनवला.

यावेळी या जोडप्याची मुलंही फंक्शनमध्ये खूप आनंदी दिसत होती. डॅनियलने सनीला नवीन अंगठी भेट देऊन हा कार्यक्रम आणखी संस्मरणीय आणि खास बनवला. या इंटिमेट सोहळ्याचे फोटो शेअर करण्यासाठी चाहते सनीची आतुरतेने वाट पाहत आहेत. मात्र, या सोहळ्याचा कोणताही फोटो अद्याप अभिनेत्रीने शेअर केलेला नाही.

2011 मध्ये झाले लग्न

सनी लिओनीने 9 एप्रिल 2011 रोजी डॅनियल वेबरसोबत लग्न केले. शीख रितीरिवाजानुसार पारंपारिक आनंद कारज समारंभात त्यांचा विवाह झाला. सनी लिओनीचे खरे नाव करनजीत कौर आहे हेही अनेकांना माहीत नाही. 13 वर्षे एकत्र राहिल्यानंतर सनी आणि डॅनियलने त्यांच्या आठवणींना उजाळा देत एकमेकांवरील प्रेम दाखवले आहे. सध्या सनीच्या लग्नाच्या बातमीने चाहते खूप खूश आहेत आणि अभिनेत्रीच्या फोटोंचीही आतुरतेने वाट पाहत आहेत.