इराण-इस्रायल युद्धाचा भडका! पेट्रोल-डीझेल आणि गॅस सिलिंडरच्या किमतीत होणार मोठी वाढ? काय आहेत अंदाज

Petrol diesel lpg price update iran israel war impact india : मध्य पूर्वेतील इस्रायल, अमेरिका आणि इराण यांच्यातील वाढत्या लष्करी तणावाचा थेट परिणाम जागतिक ऊर्जा बाजारावर झाला आहे. आंतरराष्ट्रीय स्तरावर कच्च्या तेलाच्या किमतीत ९ ते १३ टक्क्यांची वाढ झाली असून, नैसर्गिक वायूच्या (LNG) किमतीत ५० टक्क्यांनी उसळली आहे. भारत आपल्या गरजेच्या ८० ते ८८% कच्चे तेल आयात करतो, त्यामुळे या युद्धाचा फटका सामान्यांच्या खिशाला बसण्याची दाट शक्यता आहे.

व्यावसायिक गॅस महागला, घरगुती ग्राहकांना दिलासा

आज ३ मार्च २०२६ रोजी एलपीजी सिलिंडरचे दर

• घरगुती सिलिंडर (१४.२ किलो): दिलासादायक बाब म्हणजे घरगुती गॅस सिलिंडरच्या किमतीत कोणताही बदल झालेला नाही. दिल्लीत हा दर ८५३ रुपयांवर स्थिर आहे.
• कमर्शियल सिलिंडर (१९ किलो): हॉटेल आणि रेस्टॉरंट व्यावसायिकांसाठी वाईट बातमी आहे. १९ किलोच्या कमर्शियल सिलिंडरमध्ये २८ ते ३१ रुपयांची वाढ झाली आहे.
• मुंबई: २८.५० रुपयांच्या वाढीसह आता १,७२०.५० रुपयांना सिलिंडर मिळेल.
• दिल्ली: २८ रुपयांच्या वाढीसह १,७६८.५० रुपये.

पेट्रोल-डिझेलच्या किमती काय?

आंतरराष्ट्रीय बाजारात कच्चे तेल प्रति बॅरल ८० डॉलरवर पोहोचले असले, तरी भारतात आज पेट्रोल आणि डिझेलच्या किरकोळ किमती स्थिर आहेत. रशिया-युक्रेन युद्धाप्रमाणेच सरकार 'बफर स्टॉक'चा वापर करून किमती नियंत्रित ठेवण्याचा प्रयत्न करत आहे. मात्र, कच्चे तेल १०० डॉलरच्या पार गेल्यास किमती वाढवणे अनिवार्य होईल.

युद्धाचा भारतीय अर्थव्यवस्थेवर परिणाम

• रुपयाची ऐतिहासिक घसरण: डॉलरच्या तुलनेत भारतीय रुपया ९१.४९ या विक्रमी नीचांकी पातळीवर पोहोचला आहे.
• शेअर बाजारात 'ब्लड बाथ': गुंतवणूकदारांमध्ये भीतीचे वातावरण असून एकाच दिवसात सुमारे ८ लाख कोटी रुपयांची संपत्ती स्वाहा झाली आहे.
• महागाईचे संकट: इंधन महागल्यास मालवाहतूक खर्च वाढेल, ज्यामुळे डाळ, तांदूळ आणि इलेक्ट्रॉनिक्स वस्तूंच्या किमती वाढू शकतात.

(डिस्क्लेमर: ही माहिती इंटरनेटवर उपलब्ध आकडेवारीवर आधारित आहे. तेल कंपन्यांच्या निर्णयानुसार दर बदलू शकतात.)

हेही वाचा : Iran israel war impact : इराण-इस्रायल युद्धाचा 'भारताच्या 'या' 5 गोष्टींवर परिणाम, महागाईचे संकट