Gold : 7 वर्षांत सोन्याचे दर 67 हजारांनी वाढले! पुढील 5 वर्षांत किती महाग होऊ शकते सोने? जाणून घ्या

Gold prices increased 67 thousand in seven years : सोन्याचे दर गेल्या चार वर्षांत गगनाला भिडले आहेत. आता सोन्याचे भाव लाखांजवळ पोहचले आहेत. त्यामुळे सोन्याचे दर वाढले तेवढे खूप झाले आता वाढणार नाहीत, असे कुणी जर वक्तव्य करत असेल तर ते साफ खोटे ठरणार आहे. कारण सोन्याचे भाव आगामी पाच वर्षात डोळे विस्फारतील एवढे वाढणार असल्याचा तज्ज्ञांचा अंदाज आहे.

किती होऊ शकतात सोन्याचे दर?

मिंटच्या वृत्तानुसार, जागतिक संघर्ष आणि युद्धजन्य भू-राजकीय तणाव आणि अमेरिकन डॉलरपेक्षा मध्यवर्ती बँकेच्या विविधतेमुळे तो वाढतच राहील आणि पाच वर्षांत तो प्रति १० ग्रॅम सव्वा दोन लाखांपर्यंत पोहोचू शकतो, असा तज्ज्ञांचा अंदाज आहे.

सोन्याचा भाववाढीचा प्रवास

२०११८ मध्ये २४ कॅरेट सोने प्रति तोळा अवघ्या ३२ हजारांवर व्यवहार करत होते. २०१९ मध्ये हेच भाव ३४ हजारांवर पोहचले. २०२२ मध्ये सोन्याच्या दरात अनपेक्षित वाढ झाली आणि हे दर प्रति ग्रॅम ५२ हजारांवर तर २०२३ मध्ये ५६ हजारांवर पोहचले. २०२४ मध्ये हेच भाव ६६ हजारांपर्यंत पोहचले तर याच वर्षी नोव्हेंबरपासून सोन्याचे दर गगनाला भिडत आहेत. आज प्रति तोळा सोन्याचे भाव सुमारे एक लाख रुपयांवर पोहचला आहे. म्हणजेच सोन्याचा २०१७ ते २०२५ पर्यंतचा प्रवास पाहता ६७ ते ६८ हजार रुपयांनी दर वाढ झाली आहे.

खास बाब म्हणजे ही दर वाढ गुंतवणूकदारांसाठी फायदेशीर ठरली. २०२५ मध्ये सोन्याच्या किमतींनी गुंतवणूकदारांना चांगला परतावा दिला आहे. एमसीएक्सवर सोन्याचे दर भाव ३० टक्क्यांहून अधिक वाढला आहे. मिंटनुसार, चांदीसारख्या इतर धोकादायक मालमत्तांमध्ये सुमारे ३५ टक्के वाढ झाली आहे आणि निफ्टी ५० निर्देशांकात सुमारे ४.६५ टक्के वाढ झाली आहे.

पाच वर्षांत सोन्याच्या किमतीत किमान ४० टक्के वाढीची शक्यता

कमोडिटी बाजारातील तज्ज्ञांच्या मते, सोन्याच्या किमती धोकादायक मालमत्तांच्या यादीत वर्चस्व गाजवतील अशी अपेक्षा आहे. मंदीचे ट्रेंड पुढील पाच वर्षांत किमतीत किमान ४० टक्के वाढ करू शकतात, तर तेजीचे ट्रेंड १२५ टक्क्यांहून अधिक वाढू शकतात.

सहा वर्षांत सोन्याने जवळजवळ २०० टक्के परतावा दिला

तज्ज्ञ सांगतात, "गेल्या सहा वर्षांत सोन्याने जवळजवळ २०० टक्के चा उत्कृष्ट परतावा दिला आहे, जून २०१९ मध्ये सुमारे ३४ हजार २०० रुपयांवरुन २०२५ मध्ये सुमारे ९७ हजार ८०० रुपये प्रति १० ग्रॅम पर्यंत वाढ झाली आहे. ही वाढ जागतिक स्तरावरील आर्थिक कारणामुळे झाली. यामध्ये कोविड-१९ महामारी, अति-सवलत आर्थिक धोरणे, भू-राजकीय तणाव आणि वित्तीय बाजारपेठेतील वाढती अनिश्चितता यांचा समावेश आहे.

का वाढत आहेत सोन्याचे दर?

सोने भारतात प्रत्येक कुटुंबात भावनिक आणि खरेदीचा मुद्दा असतो. गेल्या दोन वर्षांत, विशेषतः रशिया-युक्रेन संघर्षानंतर रशियाच्या परकीय चलन साठ्याचा मोठा भाग घटला. त्यातच जागतिक संघर्ष, अमेरिकचा धोरणाचा मुद्दा असलेला टॅरिफ वाद यातच मध्यवर्ती बँका सुरक्षित गुंतवणूक म्हणून सोन्याची करत असलेली झपाट्याने खरेदी, चीनचे सोने साठवणूक धोरण यामुळे सोन्याचे दर वाढत आहेत असा आतापर्यंतचा अंदाज आहे.