टीम इंडियाचा पुढील आंतरराष्ट्रीय सामना कधी, कुठे आणि कोणाविरुद्ध होईल? संपूर्ण वेळापत्रक जाणून घ्या

भारताने आयसीसी चॅम्पियन्स ट्रॉफी 2025 मध्ये इतिहास रचला आहे. दुबईत खेळल्या गेलेल्या या शानदार अंतिम सामन्यात भारताने न्यूझीलंडचा 4 गडी राखून पराभव करत चॅम्पियन्स ट्रॉफीचे विजेतेपद पटकावले आहे. कर्णधार रोहित शर्माच्या नेतृत्वाखालील टीम इंडियाने भारतासाठी तिसरी चॅम्पियन्स ट्रॉफी जिंकली आहे. रोहित शर्माने गेल्या 9 महिन्यांत दुसरे आयसीसी विजेतेपद जिंकले आहे.

टीम इंडियाने विजेतेपद पटकावल्यानंतर जगभरातून टीम इंडियावर कौतुकाचा वर्षाव होत आहे. देशभरात ही टीम इंडियाच्या विजयाचं जोरदार सेलीब्रेशन करण्यात आलं आहे. आता प्रश्न असा आहे की, टीम इंडियाचा पुढील प्रवास काय आहे. भारतीय संघ त्यांचा पुढचा सामना कधी खेळणार आहे आणि कोणत्या संघाचे खेळाडू त्यांच्यासमोर असतील? याबद्दलची माहिती येथे जाणून घेऊया.

चॅम्पियन्स ट्रॉफीनंतर टीम इंडियाचे खेळाडू आयपीएलमध्ये व्यस्त असतील. आयपीएलमध्ये खेळल्यानंतर भारतीय संघ पुन्हा एकदा आंतरराष्ट्रीय क्रिकेटमध्ये मैदानावर उतरण्यास सज्ज होईल.

भारताचा पुढील आंतरराष्ट्रीय सामना कधी आहे?

टीम इंडियाच्या पुढील आंतरराष्ट्रीय सामन्यासाठी अजूनही काही महिने शिल्लक आहेत. भारतीय संघ आता 20 जून रोजी आपला पुढचा सामना खेळण्यासाठी मैदानात उतरणार आहे. तोपर्यंत चाहत्यांना आयपीएलचा आनंद घेण्याची संधी मिळेल.

भारताचा पुढचा सामना कुठे आणि कोणाविरुद्ध होईल?

भारतीय संघ इंग्लंड दौऱ्यावर जाणार आहे. जूनमध्ये टीम इंडिया तिथे कसोटी मालिकेसाठी जाईल. पहिला सामना 20 जून रोजी हेडिंग्ले येथे खेळला जाईल. ही पाच कसोटी सामन्यांची मालिका आहे. हा दौरा 31 जुलैपर्यंत चालणार आहे. म्हणजे आता पांढऱ्या चेंडूवरून लाल चेंडूकडे स्थलांतर होईल.

रोहित शर्मा भारतीय संघाचा कर्णधार असेल. ऑस्ट्रेलियातील दारुण पराभवानंतर त्याच्यावर प्रश्न उपस्थित केले जात होते, पण चॅम्पियन्स ट्रॉफी जिंकल्यानंतर रोहितने पुन्हा एकदा स्वतःला एक अद्भुत कर्णधार असल्याचे सिद्ध केले आहे.

भारताच्या इंग्लंड दौऱ्याचे वेळापत्रक

पहिली कसोटी- 20 जून - हेडिंग्ले
दुसरी कसोटी- 2 जुलै - बर्मिंगहॅम
तिसरी कसोटी- 10 जुलै - लॉर्ड्स
चौथी कसोटी- 23 जुलै - मँचेस्टर
पाचवी कसोटी- 31 जुलै - केनिंग्टन ओव्हल, लंडन