सानिया मिर्झाने उघड केले सर्वात मोठे रहस्य; 'या' दोघी आहेत तिच्या आयुष्यातील खऱ्या मैत्रिणी!

Sania Mirza best friends post : प्रसिद्ध टेनिस स्टार सानिया मिर्झाने नुकतेच इंस्टाग्रामवर एक भावनिक पोस्ट शेअर करून तिच्या आयुष्यातील सर्वात जवळच्या व्यक्तींबद्दल सांगितले आहे. फ्रेंडशिप डेच्या निमित्ताने तिने तिच्या आई आणि बहिणीसोबतचा एक सुंदर फोटो पोस्ट करत, त्या दोघींना तिच्या 'जगातील सर्वात चांगल्या मैत्रिणी' म्हटले आहे.

घटस्फोटानंतर या दोघ्या बनल्या सर्वात मोठा आधार

सानिया मिर्झाचे वैयक्तिक आयुष्य गेल्या काही काळापासून चर्चेत आहे. पाकिस्तानी क्रिकेटपटू शोएब मलिकसोबत घटस्फोट घेतल्यानंतर ती कठीण काळातून जात होती.

मात्र, या परिस्थितीत ती खंबीरपणे उभी राहिली. तिने स्वतःला तुटू दिले नाही आणि पुढे जाण्याचा निर्णय घेतला. तिच्या या प्रवासात तिची आई नसीमा मिर्झा आणि बहीण अनम मिर्झा यांनी तिला भक्कम साथ दिली.

फ्रेंडशिप डे निमित्त शेअर केलेल्या पोस्टमध्ये सानियाने लिहिले आहे की, "आई आणि बहिणीसारखे नाते आयुष्यातील प्रत्येक अडचणीत सर्वात मजबूत आधार असते."

यावरून हे स्पष्ट होते की, सानिया तिच्या कुटुंबाला केवळ कुटुंब म्हणून नाही, तर तिच्या आयुष्यातील सर्वात महत्त्वाच्या मैत्रिणी म्हणून पाहते. घटस्फोटानंतर जग तिला एकटे समजत असताना, तिचे कुटुंब तिच्या पाठीशी खंबीरपणे उभे राहिले.

निवृत्तीनंतरही सानियाची वाटचाल कशी?

टेनिसमधून निवृत्ती घेतल्यानंतरही सानिया मिर्झाचे आयुष्य खूप व्यस्त आणि यशस्वी आहे. ती आता एक प्रेरणादायी वक्ता, फॅशन आयकॉन आणि व्यावसायिक महिला म्हणूनही ओळखली जाते.

अनेक मोठ्या ब्रँड्ससोबत ती काम करत असून, महिला सक्षमीकरणाच्या अनेक प्रकल्पांमध्येही ती सक्रिय आहे. सानियाची एकूण संपत्ती 25 दशलक्ष डॉलर्स (सुमारे 200 कोटी रुपये) पेक्षा जास्त असल्याचा अंदाज आहे, ज्यामुळे तिची व्यावसायिक यशस्वीता सिद्ध होते.