पॅरिस ऑलिम्पिकमध्ये बॉक्सर प्रीती पवारने किम आन्हाचा पराभव करत उपांत्यपूर्व फेरीत मिळवलं स्थान

Paris Olympics 2024 : पॅरिस ऑलिम्पिकमध्ये भारतीय बॉक्सर प्रीती पवारने चमकदार कामगिरी केली आहे. महिला बॉक्सिंगच्या 54 किलो वजनी गटात चमकदार कामगिरी करत 16 व्या फेरीत प्रवेश मिळवला आहे. 27 जुलैच्या संध्याकाळी तिने व्हिएतनामच्या वो थि किम आन्हाचा 5-0 ने पराभव करत उपांत्यपूर्व फेरीत स्थान मिळवलं आहे.

किम एन विरुद्धची लढतीची सुरुवात 3:2 च्या विभाजनाच्या निर्णयाने पहिली फेरी जिंकून सुरू केली. प्रितीने पुढच्या फेरीत आपली जिद्द आणि कौशल्य दाखवून दिले. दुस-या फेरीत तिने अचूक पंचेस मारत लढतीच्या वेगावर नियंत्रण ठेवत रिंगवर वर्चस्व राखले. आक्रमक हल्ला करत प्रितीने सामना आपल्या बाजूने वळवला.

प्रीतीने शेवटच्या फेरीत बाजी मारली

अंतिम फेरीत प्रीतीने आपला वेग कायम ठेवत प्रतिस्पर्ध्याला उत्कृष्ट तंत्र आणि अथक दबावाने पराभूत केले. चढाओढीच्या शेवटी, पाचही न्यायाधीशांनी प्रितीच्या बाजूने निर्णय दिला आणि तिला एकमताने विजयी घोषित केले.

प्रितीला 30 जुलै रोजी आणखी एका आव्हानाचा सामना करावा लागणार

प्रितीच्या या विजयामुळे तिला 16 च्या फेरीत प्रवेश मिळेला आहे, जिथे तिची जागतिक बॉक्सिंग चॅम्पियनशिपमधील रौप्यपदक विजेता द्वितीय मानांकित येनी एरियासशी सामना होईल. हा बहुप्रतिक्षित सामना 30 जुलैला संध्याकाळी होणार आहे.