नेमबाज मनू, चेस चॅम्पियन डी गुकेशसह 4 खेळाडूंना खेलरत्न पुरस्कार प्रदान, राष्ट्रपतींनी केले सन्मानित

राष्ट्रपती भवनात शुक्रवारी क्रीडा मंत्रालयाच्या वतीने जाहीर झालेल्या राष्ट्रीय क्रीडा पुरस्कार 2024 चे वितरण झाले. राष्ट्रपती द्रौपदी मुर्मू यांनी विजेत्यांना पुरस्कार देऊन सन्मानित केले. यात 4 खेळाडूंना खेलरत्न तर 34 जणांना अर्जून पुरस्काराने सन्मानित करण्यात आले.

चौघांना मिळाला मेजर ध्यानचंद खेलरत्न पुरस्कार

मुर्मू यांनी प्रथम भारतीय ग्रँडमास्टर डी गुकेश यांना मेजर ध्यानचंद खेलरत्न पुरस्कार प्रदान केला. त्याच्याशिवाय, ऑलिंपिक दुहेरी पदक विजेती नेमबाज मनू भाकर, हॉकी संघाचा कर्णधार हरमनप्रीत सिंग आणि पॅरा अॅथलीट प्रवीण कुमार यांना मेजर ध्यानचंद खेलरत्न पुरस्काराने सन्मानित करण्यात आले.

34 खेळाडूंना अर्जून पुरस्कार प्रदान

त्याचबरोबरीने, पॅरिस पॅरालिम्पिकमध्ये भालाफेकीत सुवर्णपदक जिंकणाऱ्या नवदीपसह 34 खेळाडूंना अर्जुन पुरस्कार प्रदान करण्यात आला. यापैकी 17 पॅरा-अ‍ॅथलीट्स आहेत, तर 2 आजीवन कामगिरीसाठी आहेत. याशिवाय 5 प्रशिक्षकांना द्रोणाचार्य पुरस्कार प्रदान करण्यात आला.

#WATCH | President Droupadi Murmu presents National Sports and Adventure Awards 2024 at Rashtrapati Bhavan

(Source: President of India's Twitter handle) pic.twitter.com/3N9hxJ7p43

— ANI (@ANI) January 17, 2025

पॅरिसमध्ये मनूने दुहेरी पदके जिंकले

ऑगस्ट-सप्टेंबरमध्ये पॅरिस ऑलिंपिकमध्ये मनू भाकरने दुहेरी ऑलिंपिक पदके जिंकली. तिने 10 मीटर एअर पिस्तूल वैयक्तिक आणि मिश्र दुहेरीत तिसरे स्थान पटकावले. त्याच्या दोन पदकांच्या मदतीने भारताने पॅरिस ऑलिंपिकमध्ये एकूण 6 पदके जिंकली.

हे ही वाचा : Khel Ratna Prize Money: खेलरत्न पुरस्कारात खेळाडूंना किती रक्कम दिली जाते?, त्यात 4 पटीने वाढ झाली?

डी गुकेश बुद्धिबळाचा नवा विश्वविजेता

18 वर्षीय भारतीय ग्रँडमास्टर डी गुकेशने 11 डिसेंबर रोजी सिंगापूरमध्ये जागतिक बुद्धिबळ अजिंक्यपद स्पर्धेचे विजेतेपद जिंकले. त्याने अंतिम फेरीत गतविजेत्या चीनच्या डिंग लिरेनचा 7.5-6.5 असा पराभव केला. इतक्या कमी वयात हे विजेतेपद जिंकणारा गुकेश हा जगातील पहिला खेळाडू ठरला आहे.

हे ही वाचा : Khel Ratna Award : मनू भाकर अन् डी गुकेशला खेलरत्न पुरस्कार, 32 खेळाडूंना अर्जुन पुरस्कार जाहीर