IPL 2025 Final: 9 वर्षांनंतर इतिहास घडणार! या वेळी आयपीएल फायनल विशेष ठरणार, कारण काय माहिती आहे का?

इंडियन प्रीमियर लीगच्या (IPL) 2025 च्या अंतिम सामन्याचा थरार 3 जून रोजी अहमदाबादमधील नरेंद्र मोदी स्टेडियमवर रंगणार आहे. रॉयल चॅलेंजर्स बंगळुरू (RCB) आणि पंजाब किंग्ज (PBKS) हे दोन संघ यंदा पहिल्यांदाच विजेतेपद जिंकण्यासाठी आमने-सामने येणार आहेत. हे सामनं फक्त दोन्ही संघांसाठी नव्हे, तर संपूर्ण आयपीएलसाठी ऐतिहासिक ठरणार आहे.

9 वर्षांनंतर आयपीएलमध्ये नवा मोड!

2025 च्या अंतिम सामन्याचं खास वैशिष्ट्य म्हणजे हे असे दोन संघ एकमेकांशी भिडणार आहेत, ज्यांनी आजवर आयपीएल ट्रॉफी जिंकलेली नाही. याआधी असं दृश्य 2016 मध्ये पाहायला मिळालं होतं, जेव्हा RCB आणि सनरायझर्स हैदराबाद यांच्यात अंतिम सामना झाला होता. त्या वेळेस हैदराबादने पहिल्यांदाच विजेतेपद पटकावले होते.

2025 मध्ये नवा चॅम्पियन ठरणं निश्चित

तत्कालीन 2016 च्या नंतर प्रत्येक वर्षी अंतिम फेरीत कमीतकमी एक अशा संघाचा समावेश होता ज्यांनी पूर्वी ट्रॉफी जिंकली होती - जसे की चेन्नई सुपर किंग्ज, मुंबई इंडियन्स, किंवा कोलकाता नाइट रायडर्स. मात्र यंदा, दोन्ही संघ ट्रॉफीपासून वंचित आहेत, त्यामुळे जो कोणी विजय मिळवेल, तो आयपीएलचा आठवा नवा चॅम्पियन ठरणार आहे.

2022 नंतर प्रथमच मिळणार नवा विजेता

IPL च्या इतिहासात 2022 मध्ये गुजरात टायटन्सने आपल्या पदार्पणाच्या वर्षीच ट्रॉफी जिंकत नवा चॅम्पियन ठरवला होता. त्यानंतर 2023 मध्ये चेन्नई आणि 2024 मध्ये कोलकाताने पुन्हा विजेतेपद मिळवले. आता 2025 मध्ये पुन्हा एकदा नवा संघ इतिहासात आपलं नाव कोरणार आहे.

आतापर्यंतचे आयपीएल विजेते संघ:

राजस्थान रॉयल्स - 2008
डेक्कन चार्जर्स - 2009
चेन्नई सुपर किंग्ज - 2010, 2011, 2018, 2021, 2023
कोलकाता नाइट रायडर्स - 2012, 2014, 2024
मुंबई इंडियन्स - 2013, 2015, 2017, 2019, 2020
सनरायझर्स हैदराबाद - 2016
गुजरात टायटन्स - 2022

2025 मध्ये कोणता संघ होणार चॅम्पियन?

रॉयल चॅलेंजर्स बंगळुरूला त्याच्या 17 वर्षांच्या वाटचालीत अनेकदा अंतिम फेरी गाठूनही ट्रॉफी मिळवता आलेली नाही. दुसरीकडे, पंजाब किंग्जही कायमच चढ-उतारांनी भरलेला प्रवास करत आली आहे. आता दोघांनाही संधी आहे ती सुवर्णक्षण साकारण्याची!
जगभरातील क्रिकेटप्रेमी या ऐतिहासिक लढतीकडे उत्सुकतेने पाहत आहेत. या सामन्याचा परिणाम केवळ विजेतेपदापुरता मर्यादित नसून, आयपीएलच्या इतिहासात एका नव्या यशोगाथेची नोंद होणार आहे!