CSK VS DC : दिल्लीचा सलग तिसरा विजय, नाही चालली धोनीची बॅट, चाहतेही झाले नाराज, वाचा हायलाईट्स

IPL 2025 : CSK VS DC : इंडियन प्रीमियर लीग (IPL) 2025 च्या सामन्या क्रमांक 17 मध्ये चेन्नई सुपर किंग्ज (CSK) आणि दिल्ली कॅपिटल्स (DC) यांच्यात सामना झाला. चेन्नईतील एमए चिदंबरम स्टेडियम (चेपॉक) येथे खेळलेला हा सामना दिल्ली कॅपिटल्सने 25 धावांनी जिंकला. दिल्लीने यजमान संघाला विजयासाठी 184 धावांचे लक्ष्य दिले होते, परंतु त्यांना 5 विकेटच्या मोबदल्यात फक्त 158 धावाच करता आल्या.

चेन्नई सुपर किंग्जकडून महेंद्रसिंग धोनीने नाबाद 30 धावा केल्या. तर विजय शंकर 69 धावांवर नाबाद राहिला. या हंगामात चेन्नई सुपर किंग्जचा चार सामन्यांमधील हा तिसरा पराभव होता. तर दिल्लीचा हा सलग तिसरा विजय होता.

लक्ष्याचा पाठलाग करताना, चेन्नई सुपर किंग्जची सुरुवातही चांगली झाली नाही आणि त्यांनी 14 धावांच्या आत दोन विकेट गमावल्या. रचिन रवींद्र (३) ला वेगवान गोलंदाज मुकेश कुमारने धावबाद केले.

दरम्यान, कर्णधार ऋतुराज गायकवाड (५) ला वेगवान गोलंदाज मिचेल स्टार्कने झेलबाद केले. त्यानंतर विपराज निगमने दुसरा सलामीवीर डेव्हॉन कॉनवे (१३) ला स्वस्तात बाद केले.

'इम्पॅक्ट सब' म्हणून मैदानात उतरताना, शिवम दुबेने आक्रमक दृष्टिकोन बाळगण्याचा प्रयत्न केला पण फिरकीपटू विप्राजने 18 धावांच्या वैयक्तिक धावसंख्येवर त्याला बाद केले. रवींद्र जडेजाकडून चांगली कामगिरी अपेक्षित होती पण त्याला कुलदीप यादवने फक्त 2 धावा काढून बाद केले.

जडेजा बाद झाला तेव्हा चेन्नईची धावसंख्या 5 बाद 74 धावा होती. येथून चेन्नईला विजयासाठी आक्रमक फलंदाजीची आवश्यकता होती, परंतु विजय शंकर आणि एमएस धोनी काही विशेष कामगिरी करू शकले नाहीत.

केएल राहुलची दमदार खेळी...

• नाणेफेक जिंकून प्रथम फलंदाजी केल्यानंतर, दिल्ली कॅपिटल्सने 6 विकेटच्या मोबदल्यात 183 धावा केल्या. दिल्ली कॅपिटल्सची सुरुवात खराब झाली कारण त्यांनी पहिल्याच षटकात जेक फ्रेझर-मॅकगर्कची विकेट गमावली.
• जेकला त्याचे खातेही उघडता आले नाही आणि तो खलील अहमदचा बळी ठरला. यानंतर, अभिषेक पोरेल आणि केएल राहुल यांनी दुसऱ्या विकेटसाठी 54 धावांची भागीदारी केली आणि डावाची सूत्रे हाती घेतली.
• फिरकी गोलंदाज रवींद्र जडेजाने पोरेलला बाद करून ही भागीदारी मोडली.
• पोरेलने 20 चेंडूंत 4 चौकार आणि १ षटकारासह 33 धावा केल्या. त्यानंतर दिल्ली कॅपिटल्सचा कर्णधार अक्षर पटेल चौथ्या क्रमांकावर आला. अक्षर आणि केएल राहुल यांनी चौथ्या विकेटसाठी 36 धावांची भागीदारी केली.
• 21 धावा काढल्यानंतर अक्षर नूर अहमदच्या गोलंदाजीवर बोल्ड झाला. अक्षर बाद झाल्यानंतर समीर रिझवीने केएल राहुलला चांगली साथ दिली.
• चौथ्या विकेटसाठी दोघांनी 56 धावांची भागीदारी केली, ज्यामुळे दिल्लीला गती मिळाली.