ऑस्ट्रेलिया दौऱ्यासाठी भारतीय महिला संघाची घोषणा! 'या' स्टार खेळाडूचे पुनरागमन, संपूर्ण संघ बघा

India Women's Squad Australia Tour 2026 Announced : भारतीय क्रिकेट नियामक मंडळाने (BCCI) शनिवारी ऑस्ट्रेलियाविरुद्धच्या आगामी मर्यादित षटकांच्या मालिकेसाठी भारतीय महिला संघाची घोषणा केली आहे. १५ फेब्रुवारीपासून सुरू होणाऱ्या या दौऱ्यात भारत ३ टी-२० आणि ३ एकदिवसीय (ODI) सामने खेळणार आहे. त्यानंतर ६ मार्चपासून पर्थमध्ये एकमेव कसोटी सामना खेळवला जाईल, ज्याचा संघ नंतर जाहीर केला जाईल.

संघात मोठे बदल आणि नवीन चेहरे

या दौऱ्यासाठी भारतीय निवड समितीने काही धाडसी निर्णय घेतले आहेत. त्यानुसार संघात दोन नवीन चेहऱ्यांना संधी दिली जात आहे तर स्टार खेळाडूचे पुनरागमन झाले आहे.

टी-२० संघ: ऑफ-स्पिनर श्रेयंका पाटील आणि फलंदाज भारती फुलमाळी यांनी संघात पुनरागमन केले आहे. त्यांच्या समावेशामुळे भारताची मधली फळी आणि फिरकी विभाग अधिक मजबूत झाला आहे.

एकदिवसीय संघ: यष्टीरक्षक जी. कमलिनी आणि डावखुरी फिरकीपटू वैष्णवी शर्मा यांना प्रथमच राष्ट्रीय संघात स्थान मिळाले आहे. वेगवान गोलंदाज काश्वी गौतमचाही १५ सदस्यीय संघात समावेश करण्यात आला आहे.

Presenting #TeamIndia’s squad for ODI & T20I series against Australia Women 🙌

Details ▶️ https://t.co/UCScQnfJdi#AUSvIND pic.twitter.com/afB4dqfNco

— BCCI Women (@BCCIWomen) January 17, 2026

'या' खेळाडूंना डच्चू

बीसीसीआयने काही खेळाडूंना डच्चूही दिला आहे. वेगवान गोलंदाज अरुंधती रेड्डी आणि फिरकीपटू राधा यादव यांना एकदिवसीय संघातून वगळले आहे, तर हरलीन देओलला टी-२० संघातून बाहेर ठेवण्यात आले आहे.

ऑस्ट्रेलिया दौऱ्याचे वेळापत्रक

• टी-२० आणि वनडे मालिका: १५ फेब्रुवारी ते १ मार्च २०२६
• एकमेव कसोटी (पर्थ): ६ ते ९ मार्च २०२६

भारतीय महिला संघ (संपूर्ण स्क्वॉड)

भारतीय महिला टी-२० संघ (T20I Squad)

हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, रेणुका ठाकूर, श्री चरणी, वैष्णवी शर्मा, क्रांती गौड, स्नेह राणा, दीप्ती शर्मा, रिचा घोष (यष्टीरक्षक), जी. कमलिनी (यष्टीरक्षक), अरुंधती रेड्डी, अमनजोत कौर, जेमिमा रॉड्रिग्स, भारती फुलमाळी, श्रेयंका पाटील.

भारतीय महिला एकदिवसीय संघ (ODI Squad)

हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, रेणुका ठाकूर, श्री चरणी, वैष्णवी शर्मा, क्रांती गौड, स्नेह राणा, दीप्ती शर्मा, रिचा घोष (यष्टीरक्षक), जी. कमलिनी (यष्टीरक्षक), काश्वी गौतम, अमनजोत कौर, जेमिमा रॉड्रिग्स, हरलीन देओल.