भारत-दक्षिण आफ्रिका सामना कोण जिंकेल? सामन्यापूर्वी हेड-टू-हेड रेकॉर्ड जाणून घ्या

IND vs SA, 3rd T20I: दक्षिण आफ्रिका आणि भारत यांच्यातील तीन सामन्यांची टी-20 मालिका सध्या 1-1 अशी बरोबरीत आहे. मालिकेतील तिसरा सामना आज भारतीय वेळेनुसार रात्री 8.30 वाजता सेंच्युरियनमध्ये होणार आहे. दक्षिण आफ्रिकेने शेवटच्या सामन्यात निसटता विजय मिळवत भारताची विजयी घोडदौड थांबवली. आजच्या सामन्यांपूर्वी हेड-टू-हेड रेकॉर्ड्सवर एक नजर टाकूया.

दक्षिण आफ्रिकेविरुद्ध भारत मजबूत स्थितीत

दोन्ही संघांच्या हेड-टू-हेड रेकॉर्डवर एक नजर टाकली तर सूर्यकुमार यादवचा संघ मजबूत स्थितीत आहे. या मालिकेतील दुसऱ्या सामन्यातील विजय हा या फॉरमॅटमधील दक्षिण आफ्रिकेचा 12वा विजय आहे. एकूणच या दोन संघांनी 29 टी-20 सामने खेळले आहेत. त्यापैकी भारताने 16 जिंकले आहेत,तर एक सामना निकालाविना संपला आहे.

तिसऱ्या सामन्याबद्दल क्रिकेटप्रेमींना उत्सुकता

भारताने शुक्रवारी किंग्समीडवर दणदणीत विजय नोंदवला. रविवारी सेंट जॉर्ज पार्कवर दक्षिण आफ्रिकेने कडवी झुंज देत सामना बरोबरीत सोडवला.आता बुधवारी सेंच्युरियनमध्ये होणाऱ्या सामन्यावर चाहत्यांच्या नजरा खिळल्या आहेत.

स्टब्स आणि सॅमसनवर लक्ष

दक्षिण आफ्रिकेच्या खेळाडूंना पहिल्या सामन्यापेक्षा चांगली फलंदाजी करावी लागेल. ट्रिस्टन स्टब्सची 41 चेंडूत नाबाद 47 धावा केली आहे. जी सेंट जॉर्ज पार्कवर विजयासाठी महत्त्वपूर्ण होती.स्टब्सची ही खेळी या मालिकेतील सर्वोच्च धावसंख्या आहे. किंग्समीडवर संजू सॅमसनने 50 चेंडूत 107 धावा केल्या होत्या. भारताची पुढील सर्वोत्तम कामगिरी म्हणजे सेंट जॉर्ज पार्कवर हार्दिक पंड्याने 45 चेंडूत नाबाद 39 धावा केल्या होत्या.

वरुण चक्रवर्ती हा सर्वात घातक गोलंदाज

वरुण चक्रवर्तीच्या 25 धावांत 3 आणि 17 धावांत 5 बळी घेतले होते. ही त्याची सलग कारकिर्दीतील सर्वोत्तम कामगिरीमुळे तो मालिकेतील सर्वात धोकादायक गोलंदाज ठरला आहे. वेगवेगळ्या परिस्थिती असूनही चक्रवर्तीने पुन्हा एक कठीण गोलंदाज असल्याचे सिद्ध केलं आहे. जेराल्ड कोएत्झी आणि मार्को जेन्सन हे वेगवान गोलंदाज आहेत जे भारतीय फलंदाजांना सर्वात जास्त त्रास देऊ शकतात.

तिसरा सामना कोण जिंकणार?

दक्षिण आफ्रिकेने दुसऱ्या सामन्यात चमकदार कामगिरी करत भारतीय फलंदाजांविरुद्ध चांगली गोलंदाजी केली. या कामगिरीची पुनरावृत्ती करण्याकडे त्यांचे लक्ष असेल. या कामगिरीची पुनरावृत्ती करण्याकडे दक्षिण आफ्रिकेचे लक्ष असेल. मात्र पुन्हा अशी कामगिरी करणे सोपे जाणार नाही. दुसरीकडे भारत प्रोटीज गोलंदाजांना सामोरे जाण्याचा प्रयत्न करेल. हेड-टू-हेड आणि सध्याचा फॉर्म पाहिल्यानंतर टीम इंडिया हा सामना जिंकू शकेल, अशी शक्यता आहे.

भारतीय संघ : संजू सॅमसन (यष्टीरक्षक), अभिषेक शर्मा, सूर्यकुमार यादव (कर्णधार), तिलक वर्मा, अक्षर पटेल, हार्दिक पंड्या, रिंकू सिंग, अर्शदीप सिंग, रवी बिश्नोई, वरुण चक्रवर्ती, आवेश खान, जितेश शर्मा, विजयकुमार विशाख, रमणदीप सिंग , यश दयाल.

आफ्रिकेचा संघ: रायन रिकेल्टन, रीझा हेंड्रिक्स, एडन मार्कराम (कर्णधार), ट्रिस्टन स्टब्स, मार्को जॅन्सेन, हेनरिक क्लासेन (यष्टीरक्षक), डेव्हिड मिलर, अँडिले सिमेलेन, गेराल्ड कोएत्झी, केशव महाराज, न्काबायोमझी पीटर, पॅट्रिक क्रुगर, मिराव्हान फेरेना, पॅट्रिक क्रुगर , ओटनीएल बार्टमन.