भारत दौऱ्यासाठी न्यूझीलंडचा संघ जाहीर! 'या' दिग्ग्ज खेळाडूंना संघातून वगळले, कोण बनले कर्णधार? वाचा

India vs new zealand tour 2026 nz squad announcement : नवीन वर्षात भारतीय क्रिकेट चाहत्यांना मेजवानी मिळणार असून, न्यूझीलंडचा संघ भारत दौऱ्यासाठी सज्ज झाला आहे. या महत्त्वाच्या मालिकेसाठी न्यूझीलंड क्रिकेट बोर्डाने आपला संघ जाहीर केला असून, यामध्ये मोठे बदल पाहायला मिळत आहेत. दिग्गज फलंदाज केन विल्यमसन आणि नियमित कर्णधार टॉम लॅथम या मालिकेचा भाग नसतील. त्यांच्या अनुपस्थितीत दोन अनुभवी अष्टपैलू खेळाडूंकडे नेतृत्वाची धुरा सोपवण्यात आली आहे.

मायदेशातील खेळपट्ट्यांवर टीम इंडियाचा सामना करण्यासाठी किवी संघाने 'तरुण आणि अनुभवी' अशा नव्या फॉर्म्युल्यासह मैदानात उतरण्याचे ठरवले आहे. २०२७ च्या विश्वचषकाच्या तयारीसाठी ही मालिका दोन्ही संघांसाठी अत्यंत निर्णायक मानली जात आहे.

दोन मालिकेत दोन वेगवेगळे कर्णधार

वनडे मालिकेत

तीन सामन्यांच्या वनडे मालिकेसाठी अष्टपैलू मायकेल ब्रेसवेल याच्याकडे कर्णधारपद सोपवण्यात आले आहे. टॉम लॅथमच्या अनुपस्थितीत ब्रेसवेल संघाचे नेतृत्व करेल.

टी-२० मालिका

पाच सामन्यांच्या टी-२० मालिकेसाठी अनुभवी मिचेल सँटनर संघात परतला असून, त्याच्याकडे कमान सोपवण्यात आली आहे.

जेडन लेनॉक्सची एन्ट्री आणि नवीन चेहरे

न्यूझीलंडने आपल्या संघात जेडन लेनॉक्स या फिरकीपटूला प्रथमच स्थान दिले आहे. त्याच्या घरगुती क्रिकेटमधील कामगिरीमुळे त्याला भारतीय खेळपट्ट्यांवर संधी मिळाली आहे. तर भारतीय संघाचे नेतृत्व टी-२० मध्ये सूर्यकुमार यादव करणार आहे.

मालिकेचे पूर्ण वेळापत्रक

• पहिला वनडे: ११ जानेवारी - वडोदरा
• दुसरा वनडे: १४ जानेवारी - राजकोट
• तिसरा वनडे: १८ जानेवारी - इंदूर

टी-२० मालिका: २१ जानेवारीपासून सुरू (नागपूर, रायपूर, गुवाहाटी, विशाखापट्टणम आणि तिरुवनंतपुरम)

न्यूझीलंडचा अधिकृत संघ

वनडे संघ : मायकेल ब्रेसवेल (कर्णधार), आदी अशोक, क्रिस्टियन क्लार्क, जोश क्लार्कसन, डेव्हन कॉनवे, झॅक फॉल्क्स, मिच हे, काइल जेमीसन, निक केली, जेडन लेनॉक्स, डॅरिल मिचेल, हेन्री निकोल्स, ग्लेन फिलिप्स, मायकेल रे, विल यंग.

टी-२० संघ : मिचेल सँटनर (कर्णधार), मायकेल ब्रेसवेल, मार्क चॅपमन, डेव्हन कॉनवे, जेकब डफी, झॅक फॉल्क्स, मॅट हेन्री, काइल जेमीसन, बेवन जॅकोब्स, डॅरिल मिचेल, जेम्स नीशम, ग्लेन फिलिप्स, रचिन रवींद्र, टिम रॉबिन्सन, ईश सोढी.