India vs Bangladesh Test Match : रविचंद्रन अश्वीनने ठोकलं शतक! बांगलादेशविरुद्ध 339/6 धावा
India vs Bangladesh Test Match : टीम इंडियाचा अष्टपैलू रविचंद्रन अश्विनने या कसोटी हंगामात भारतासाठी पहिले कसोटी शतक झळकावले आहे. चेन्नईत बांगलादेशविरुद्धच्या पहिल्या कसोटीच्या पहिल्या दिवशी 38 वर्षीय अश्विनने 108 चेंडूत शतक पूर्ण केले.
अश्विनचे हे सहावे कसोटी शतक असून घरच्या मैदानावरील दुसरे शतक आहे. बांगलादेशविरुद्धच्या पहिल्या कसोटी सामन्यात रविचंद्रन अश्विन आणि रवींद्र जडेजा यांनी पुन्हा रेकॉर्ड केले आहे. त्यांच्या भागीदारीमुळे भारताला केवळ कठीण परिस्थितीतून बाहेर काढलेच नाही तर बांगलादेशविरुद्ध कसोटी क्रिकेटमध्ये भारतासाठी सातव्या विकेटसाठी सर्वोच्च भागीदारीचा नवा मानकही प्रस्थापित केला, जो सौरव गांगुली आणि सुनील जोशी यांनी 2000 पासून स्थापित केला होता.
जुना विक्रम मोडला
या शानदार डावात दोघांनी नाबाद 195 धावांची भागीदारी केली. गांगुली आणि सुनील जोशीने बनवलेला 24 वर्षांचा जुना विक्रम मोडला. 2004 मध्ये सचिन तेंडुलकर आणि झहीर खान यांनी दहाव्या विकेटसाठी केलेल्या 133 धावांना मागे टाकत त्यांची भागीदारी आता बांगलादेशविरुद्ध भारताच्या कसोटी क्रिकेट इतिहासातील सातव्या किंवा त्यापेक्षा कमी विकेटसाठीची सर्वोच्च भागीदारी आहे.
कठीण काळात दोघांची भागिदारी
ही भागीदारी अशा वेळी झाली जेव्हा भारत 144/6 धावांवर खेळत होता. अश्विन आणि जडेजाच्या पलटवाराने विशेषत: डावाच्या सुरुवातीला वर्चस्व गाजवल्यानंतर बांगलादेशच्या गोलंदाजांची चांगलीच दमछाक झाली. जसजसा सामन्यातील षटकं संपत गेली तसतसे या दोघांनी मैदान गाजवत आपले वर्चस्व स्पष्ट असल्याचे दाखवून दिले.
पडझडीनंतर भारताची धावसंख्या भक्कम
या जोडीने शेवटच्या सत्रात 163 धावा जोडल्या आणि दिवसाचा खेळ संपला तेव्हा भारताला 339/6 अशी भक्कम धावसंख्या केली. अश्विनने आपले सहावे कसोटी शतक पूर्ण केले अश्विनचे योगदान उत्कृष्ट होते, तर जडेजा 86 धावांवर नाबाद आहे. या दोघांच्या प्रयत्नांमुळे भारताला केवळ अडचणीतून बाहेर काढलेच नाही तर भारताला कमी धावसंख्येपर्यंत रोखण्याच्या बांगलादेशच्या आशा धुळीस मिळवल्या आणि सन्मानजनक धावसंख्येवर नेऊन ठेवले.
डब्ल्यूटीसीच्या इतिहासात 1000 धावा पूर्ण करणारा अश्विन जगातील दुसरा क्रिकेटर बनला आणि त्याच्या नावावर 100 हून अधिक विकेट्स आहेत. अश्विनच्या आधी जडेजानेही ही कामगिरी केली आहे.
Click it and Unblock the Notifications
Sign in with Google