जाता जाता विराट-रोहितने केले हे विक्रम, भारताने फायनलमध्ये मोडले अनेक रेकॉर्ड

भारत आणि दक्षिण आफ्रिका यांच्यातील T20 विश्वचषकाचा अंतिम सामना ब्रिजटाउन (बार्बडोस) येथील केन्सिंग्टन ओव्हल स्टेडियमवर खेळला गेला. क्षणोक्षणी बदलणाऱ्या या दमदार सामन्यात भारताने दक्षिण आफ्रिकेचा 7 धावांनी रोमहर्षक पराभव करत टी ट्वेंटी विश्वचषक आपल्या नावे केला.

प्रथम खेळताना भारतीय संघाने 7 गड्यांच्या मोबदल्यात 176 धावा केल्या. प्रत्युत्तरात दक्षिण आफ्रिकेने 20 षटकांत 8 बाद 169 धावा केल्या. 76 धावांची निर्णायक खेळी करणारा विराट कोहली 'प्लेअर ऑफ द मॅच' ठरला.

तर आपल्या गोलंदाजीने फलदांजाना जेरीस आणणारा जसप्रीत बुमराह 'प्लेअर ऑफ द सिरीज' ठरला. विशेष बाब म्हणजे T20 विश्वचषकाचा हा अंतिम सामना रोहित शर्मा आणि विराट कोहली यांचा T20 मधील शेवटचा सामना होता, आता हे दोन्ही खेळाडू या फॉर्मेटमध्ये भारतीय संघाकडून खेळताना दिसणार नाहीत.

हा अंतिम सामना जिंकून भारतीय संघाने अनेक विक्रम आपल्या नावावर केले, तर विराट कोहली आणि रोहित शर्मा यांनीही टीम इंडियाच्या ज्युनियर खेळाडूंसाठी अनेक अनोखे विक्रम मोडीत काढले आहेत. तुम्हाला अशाच काही रेकॉर्डबद्दल आम्ही सांगणार आहोत.

संपूर्ण स्पर्धेत भारत अजिंक्य राहिला, नोंदवला हा विक्रम

लक्ष्याचा बचाव करत भारताने T20 विश्वचषक फायनल जिंकली आहे. संपूर्ण स्पर्धेत अपराजित राहून T20 विश्वचषक जिंकणारा भारत पहिला संघ बनला आहे.

T20 वर्ल्डकपच्या इतिहासातील "प्लेअर ऑफ द टुर्नामेंट" खेळाडू

शाहिद आफ्रिदी
तिलकरत्ने दिलशान
केविन पीटरसन
शेन वॉटसन
विराट कोहली (2 वेळा)
डेव्हिड वॉर्नर
सॅम करन
जसप्रीत बुमराह

आंतरराष्ट्रीय T20 मध्ये सर्वाधिक सामनावीर पुरस्कार

16 - विराट कोहली (125 सामने)
15 - सूर्यकुमार यादव (68)
15 - रोहित शर्मा (159)
14 - सिकंदर रझा (86)
14 - मोहम्मद नबी (129)
14 - वीरनदीप सिंग (78)

दोन वेळा T20 विश्वचषक जिंकणारे संघ

वेस्ट इंडीज (2012 आणि 2016)
इंग्लंड (2010 आणि 2022)
भारत (2007 आणि 2024)

T20 विश्वचषक हंगामात सर्वाधिक विजय

8 - भारत (2024)
8 - दक्षिण आफ्रिका (2024)
6 - श्रीलंका (2009)
6 - ऑस्ट्रेलिया (2010)
6 - ऑस्ट्रेलिया (2021)

T20 विश्वचषकातील सर्वाधिक सलग विजय

8 - भारत (२०२४)
8 - दक्षिण आफ्रिका (2024)
8 - ऑस्ट्रेलिया (2022-2024)
7 - इंग्लंड (2010-2012)
7 - भारत (2012-2014)

T20 मध्ये कर्णधार म्हणून सर्वाधिक विजय

50 - रोहित शर्मा (भारत)
48 - बाबर आझम (PAK)
45 - ब्रायन मसाबा (UGA)
44 - इऑन मॉर्गन (ENG)

T20 वर्ल्डकपच्या या हंगामातील सर्वात कमी इकोनॉमी रेट

4.17 - जसप्रीत बुमराह (2024)
4.60 - सुनील नरेन (2014)
5.20 - वानिंदू हसरंगा (2021)
5.32 - शाहिद आफ्रिदी (2009)
5.33 - डॅनियल व्हिटोरी (2007)

T20 विश्वचषक हंगामात सर्वाधिक विकेट्स

17 - फजलहक फारुकी (AFG, 2024)
17 - अर्शदीप सिंग (IND, 2024)
16 - वानिंदू हसरंगा (SL, 2021)
15 - अजंथा मेंडिस (श्रीलंका, 2012)
15 - वानिंदू हसरंगा (श्रीलंका, 2022)
15 - एनरिक नॉर्क्विआ (दक्षिण आफ्रिका, 2024)
15 - जसप्रीत बुमराह (भारत, 2024)

T20 विश्वचषक 2024 मध्ये भारताचा प्रवास

सामना क्रमांक 1: भारताने 46 चेंडू शिल्लक असताना आयर्लंडचा 8 गडी राखून पराभव केला.
सामना क्रमांक 2: न्यूयॉर्कमध्ये भारताने पाकिस्तानचा 6 धावांनी पराभव केला
सामना क्रमांक 3: भारताने अमेरिकेविरुद्धचा सामना 10 चेंडू शिल्लक असताना 7 विकेटने जिंकला.
सामना क्रमांक 4: फ्लोरिडामध्ये कॅनडासोबतचा भारताचा सामना पावसामुळे रद्द झाला
सामना क्रमांक 5: भारताने अफगाणिस्तानचा 47 धावांनी पराभव केला.
सामना क्रमांक 6: भारताने बांगलादेशचा 50 धावांनी पराभव केला.
सामना क्रमांक 7: भारताने ऑस्ट्रेलियाचा 24 धावांनी पराभव केला.
सामना क्रमांक 8: भारताने उपांत्य फेरीत इंग्लंडचा 68 धावांनी पराभव केला.
सामना क्रमांक 9: भारताने अंतिम सामन्यात दक्षिण आफ्रिकेचा 7 धावांनी पराभव केला.

English summary

the indian team won the t20 world cup final against south africa and created many records, while Virat Kohli and Rohit Sharma also broke many unique records for the junior players of Team India. We are going to tell you about some such records.