अंतिम सामन्यात भारताविरुद्ध न्यूझीलंडची काय आहे तयारी? केन विल्यमसनने सामन्यापूर्वी केला खुलासा

IND vs NZ Final: आयसीसी चॅम्पियन्स ट्रॉफी 2025 चा अंतिम भारत विरुद्ध न्यूझीलंड (IND vs NZ) यांच्यात खेळला जाईल. हा सामना 9 मार्च रोजी दुबई क्रिकेट स्टेडियमवर खेळला जाणार आहे. अंतिम सामन्याची तयारी करत असताना भारताला दुबईतील परिस्थितीची माहिती आहे याबद्दल केन विल्यमसनला कोणतेही काळजी नसल्याचं त्याने म्हटलं आहे. न्यूझीलंडने इतर घटकांपेक्षा त्यांच्या खेळावर लक्ष केंद्रित करावे, असं मत विल्यमसन व्यक्त केलं आहे.

दरम्यान काल 5 मार्च रोजी दक्षिण आफ्रिकेवर 50 धावांनी रोमांचक विजय मिळवून न्यूझीलंडने अंतिम फेरीत आपले स्थान निश्चित केले. या विजयात विल्यमसन आणि रचिन रवींद्र यांच्या शतकी खेळी करुन महत्त्वाची भूमिका बजावली. न्यूझीलंड संघचा आता भारताशी सामना होणार आहे. भारतीय संघाने मागील सामन्यात गट टप्प्यात त्यांना 44 धावांनी पराभूत केले होते.

परिस्थितीशी जुळवून घेणे भारताला त्यांचे सर्व सामने दुबईत खेळण्याचा फायदा असूनही विल्यमसनला कोणतेही काळजी नाही. स्पर्धेत परिस्थिती वेगळी असते आणि मागील सामन्यांमधून शिकण्यावर भर देतो, असे विल्यमसन याने म्हटलं आहे. पुढे बोलताना विल्यमसन म्हणाला की, पण तुम्हाला माहिती आहे की, कोणत्याही स्पर्धेचे स्वरूप असे असते की, परिस्थिती थोडी बदलत राहते. आमच्यासाठी भारताविरुद्ध शेवटचा सामना खेळणे चांगले होते.

भारत हा एक उत्तम संघ आहे आणि तो खूप चांगला खेळत आहे. 'हे बघा, आपण शेवटच्या सामन्यातून काहीतरी शिकून पुढे जाणे महत्त्वाचे आहे.' या सामन्याला विसरून गेल्यास अंतिम सामन्यात काहीही होऊ शकते. आणि शेवटच्या सामन्यात खूप चांगले वातावरण होते, मला खात्री आहे की पुढचा सामनाही चांगला होईल" असं मत त्याने व्यक्त केलं आहे.

भारतीय फिरकी गोलंदाजांचे वर्चस्व

भारत आणि न्यूझीलंड यांच्यातील शेवटच्या सामन्यात दुबईच्या फिरकीला अनुकूल खेळपट्टीवर भारतीय फिरकीपटूंनी वर्चस्व गाजवले. जरी विल्यमसनने 81 धावा केल्या असल्या तरी वरुण चक्रवर्तीच्या पाच विकेट्सने न्यूझीलंडच्या फलंदाजीला धक्का देण्यात महत्त्वाची भूमिका बजावली आहे .

9 मार्च रोजी त्याच मैदानावर अंतिम सामना होणार असल्याने न्यूझीलंडला भारताच्या मजबूत फिरकी आक्रमणाविरुद्ध त्यांची रणनीती बदलावी लागेल. चक्रवर्तीसह, कुलदीप यादव आणि रवींद्र जडेजा हे न्यूझीलंडच्या फलंदाजांसाठी मोठे आव्हान उभे करू शकतात.