'Breast ला संत्रा...लाज वाटली पाहिजे तुला',युवराज सिंगवर लोक का चिडले? काय आहे संपूर्ण प्रकरण?

People angry on Yuvraj Singh : 'सिक्सर किंग' म्हणून प्रसिद्ध असलेला भारताचा माजी अष्टपैलू खेळाडू युवराज सिंग वर मोठ्या प्रमाणात टीका करण्यात येत आहे. सोशल मीडियावर लोक त्याच्यावर टीका करत आहेत. त्यामुळे त्याला ट्रोल देखील केले जात आहे.

खरं तर युवराज सिंग ब्रेस्ट कॅन्सरबद्दल जागरूकता निर्माण करण्याच्या मोहिमेशी संबंधित आहे. ज्यासाठी YouWeCan फाऊंडेशनने एक पोस्टर तयार केले आहे. ज्यामध्ये संत्राला स्तन म्हणून सूचित केले आहे. ज्यामुळे यूजर त्याच्यावर संताप व्यक्त करत आहेत.

त्या पोस्टरमध्ये एका महिलेच्या हातात संत्रा दाखवण्यात आली आहे. ती बसमध्ये उभा आहे आणि त्या महिलेकडे अनेक महिला पाहत आहेत. ज्यात अनेक वृद्ध महिला आहेत. क्रिएटिव्ह पोस्टरमध्ये म्हटलं आहे की 'तुमची संत्रा प्रत्येक महिन्यात एकदा तपासा' असं लिहिले आहे. या पोस्टरचा अर्थ असा आहे की, प्रत्येक महिलेने महिन्यात एकदा आपले स्तन तपासले पाहिजे.

परंतु सोशल मीडियावर युवराज सिंगवर त्याचे उलटे पडसाद उमटले आहेत. यूजर त्याच्यावर संतप्त झाले असून त्याच्यावर टीका करण्यास सुरुवात केली आहे. यावरून केवळ युवराज सिंगवरच टीका होत नाही तर दिल्ली मेट्रोवर लोक टीका करीत आहेत. तो पोस्ट तातडीने हटवावा, अशी मागणी नागरिकांनी केली आहे.

'आपण स्तनांला ते काय आहे हे देखील म्हणू शकत नाही' एका सोशल मीडिया यूजरने लिहिले की, 'एखादा देश स्तनाच्या कर्करोगाबाबत जागरुकता कशी वाढवेल, जेव्हा आपण स्तनांना ते काय आहे हे देखील म्हणू शकत नाही.' दिल्ली मेट्रोत हे पाहिलं आणि वाटलं काय रे? तुमची संत्री तपासा? या मोहिमा कोण बनवतो, कोण मंजूर करतो? हे पोस्टर सार्वजनिक होऊ देणाऱ्या अशा मूर्खांचे राज्य आमच्यावर आहे का? लज्जास्पद आणि लज्जास्पद.'

तर दुस-या एका यूजरने लिहिले की @YUVSTRONG12 मला आत्ताच कळले की, ही तुमच्या फाउंडेशनची मोहीम आहे. तुमचा हेतू चांगला असला तरी मी तुम्हाला ही मोहीम बंद करण्याचा सल्ला देतो. हे खरोखरच खूप अपमानास्पद आहे.

जर कोणी तुम्हाला पैसे दिले तर तुम्ही काही जाहिरात चालवाल का? एका यूजरने लिहिले की, @OfficialDMRC ही जाहिरात मी पाहिलेल्या सर्वात निराधार जाहिरातींपैकी एक आहे. जर कोणी तुम्हाला पैसे दिले तर तुम्ही काही जाहिरात चालवाल का? कृपया ते काढून मेट्रोमधून काढून टाका.@YOUWECAN- ही जाहिरात अजिबात नाही.या पोस्टर आणि युवराज सिंगबाबत सोशल मीडियावर सातत्याने टीका केली जात आहेत. सध्या तरी युवी आणि मेट्रोकडून यासंदर्भात कोणतेही प्रतिक्रिया आलेले नाही.

युवराज सिंगने स्वतः कॅन्सरशी झुंज दिली आहे

2011 च्या वर्ल्ड कपचा 'मॅन ऑफ द टूर्नामेंट' ठरलेला युवराज सिंग स्वतः कॅन्सरशी झुंज दिली आहे आणि तो यातून सावरण्यात यशस्वी ठरला. कर्करोग या आजाराविषयी जागरुकता निर्माण करण्यासाठी युवराज सिंग सतत काम करत आहे. म्हणूनच त्यांनी YouWeCan फाऊंडेशनची स्थापना केली आहे. जी कर्करोग जनजागृती कार्यक्रम चालवते. जनजागृती कार्यक्रमामुळे तो पहिल्यांदाच टीकेच्या केंद्रस्थानी आला आहे.