सिडनी कसोटीत विराट कोहलीच्या विकेटवरुन वाद, स्टीव्ह स्मिथने उघडपणे आपली नाराजी व्यक्त केली

AUS vs IND, 5th Test: भारताचा स्टार फलंदाज विराट कोहलीला सिडनी क्रिकेट ग्राउंडवर ऑस्ट्रेलियाविरुद्धच्या पाचव्या कसोटी सामन्याच्या पहिल्या दिवशी अनमोल जीवनदान मिळालं. पाच सामन्यांच्या मालिकेतील शेवटच्या कसोटीसाठी कर्णधार रोहित शर्माला विश्रांती देण्यात आल्याने आणि स्टार वेगवान गोलंदाज जसप्रीत बुमराहला कार्यकारी कर्णधार बनवण्यात आल्याने जगभरातील चाहत्यांना धक्का बसला.

सिडनी कसोटीच्या पहिल्या दिवशी स्लिपमध्ये विराट कोहलीचा झेल पकडतानाचा प्रयत्न करताना स्टीव्हन स्मिथला 100 टक्के खात्री आहे की, बॉल पकडताना त्याचा हात जमीनला चिटकला होता . मात्र, टीव्ही अंपायरच्या निर्णयामुळे शेवटी नाबाद ठरवलं. या संपूर्ण प्रकरणावर स्टीव्ह स्मिथने मैदानावर उघडपणे आपली नाराजी व्यक्त केली.

फोटो सौजन्य- पीटीआय

स्टीव्ह स्मिथला कॅचबद्दल 100 टक्के आत्मविश्वास आहे

स्मिथने लंच ब्रेक दरम्यान फॉक्स स्पोर्ट्सशी बोलताना त्याला विचारण्यात आलं की, तुझा हात बॉलखाली गेला आहे का ? त्यावर स्मिथ म्हणाला की 100% हे नाकारता येत नाही, पण तोपर्यंत पंचांनी निर्णय घेतला होता. आम्ही पुढे जाऊ.' 17/2 वर बाद झालेल्या कोहलीने दुसऱ्या स्लिपमध्ये स्कॉट बोलंडच्या चेंडूला स्मिथकडे वळवला आणि स्मिथने पकडला.

Just missed a beat there! 🥶

ICYMI, #ViratKohli was dropped by #SteveSmith on the very first ball he faced!#AUSvINDOnStar 👉 5th Test, Day 1 LIVE NOW! | #ToughestRivalry #BorderGavaskarTrophy pic.twitter.com/iLhCzXCYST

— Star Sports (@StarSportsIndia) January 3, 2025

MCC कायदा 33 नुसार फेयर कॅच नाही

मात्र कोहली आपल्या भूमिकेवर ठाम राहिला. रिव्ह्यू केल्यावर, तिसरे पंच जोएल विल्सन यांनी ठरवले की स्मिथच्या हातातील चेंडू पकडण्याच्या प्रक्रियेदरम्यान जमिनीवर आदळला होता, त्यामुळे MCC कायदा 33 नुसार योग्य कॅच पकडण्याच्या अटी पूर्ण होत नाहीत.

विविध रीप्ले अँगलच्या मर्यादांमुळे असा निर्णय झाला, ज्यामुळे क्रिकेट समुदायामध्ये वादाला तोंड फुटले. चॅनल 7 वर बोलताना, माजी आयसीसी पंच सायमन टॉफेल यांनी टिप्पणी केली की 'तेथे तिसऱ्या पंचाने काय केले हे त्यांना नक्कीच समजू शकते.'

ऑस्ट्रेलियाचा माजी कर्णधारही या निर्णयाशी असहमत

ऑस्ट्रेलियाचा माजी कर्णधार रिकी पाँटिंगनेही तिसऱ्या पंचाच्या निर्णयाशी पूर्णपणे असहमती दर्शवली. पॉन्टिंगने 7 क्रिकेटवर समालोचन करताना ऑन-एअर म्हणाला, 'माझ्या प्रश्नानुसार, जर (बॉल) (स्मिथच्या) हातातून गेला असता, तर तो तो उचलू शकला नसता. मी तेच म्हणतोय, मला वाटते की त्याची बोटे बॉलच्या खाली स्पष्टपणे आहेत.