पूजा मोरेमुळे वादग्रस्त ठरलेल्या प्रभागाचा निकाल काय? भाजपला बसला सर्वात मोठा फटका...

पुणे | १७ जानेवारी २०२६ पुणे महानगरपालिकेच्या प्रभाग क्रमांक २ (फुलेनगर-नागपूर चाळ) या अत्यंत वादग्रस्त आणि गाजलेल्या प्रभागात राष्ट्रवादी काँग्रेसने विजयाचा गुलाल उधळला आहे. या प्रभागात भाजपने केलेल्या पूजा मोरे यांना उमेदवारी दिली होती. मात्र मोठी टीका झाल्यानंतर पूजा मोरे यांना आपला अर्ज मागे घ्यावा लागला होता. दुसरीकडे, मात्र राष्ट्रवादीच्या पॅनेलने भाजपच्या उमेदवारांना धूळ चारली आहे.

प्रभाग २: राष्ट्रवादी काँग्रेसचा 'क्लीन स्वीप'

या प्रभागातून राष्ट्रवादी काँग्रेसचे संपूर्ण पॅनेल विजयी झाले आहे.

१. नंदिनी सिद्धार्थ धेंडे
२. रवि टिंगरे
३. शीतल सावंत
४. सुहास टिंगरे

का गाजला हा प्रभाग?

भाजपने या प्रभागातून पूजा मोरे यांना उमेदवारी दिल्याने सोशल मीडियावर मोठा गदारोळ झाला होता. भाजपकडून पूजा मोरे यांना उमेदवारी दिल्यानंतर त्यांना प्रचंड ट्रोल करण्यात आले, ज्याचा परिणाम पक्षाच्या प्रतिमेवर झाला. अखेर जनक्षोभ पाहून पूजा मोरे यांनी अर्ज मागे घेतला, परंतु तोपर्यंत होणारे नुकसान झाले होते. परिणामी, भाजपच्या इतर चारही उमेदवारांना येथे पराभवाचा सामना करावा लागला.

महत्वाचे निकाल आणि हायलाईट्स

• भाजपचा 'विजयरथ': पुण्यात एकूण ४१ प्रभागांपैकी सुमारे १८ प्रभागांमध्ये भाजपने 'विजयी चौकार' (संपूर्ण पॅनेल) लगावला आहे. कसबा, कोथरूड, पर्वती आणि शिवाजीनगर या बालेकिल्ल्यांमध्ये भाजपने आपले वर्चस्व कायम राखले आहे.
• शहराध्यक्षांना फटका: या निवडणुकीत भाजपचे धीरज घाटे आणि काँग्रेसचे अरविंद शिंदे वगळता, राष्ट्रवादी (अजित पवार), मनसे आणि शिवसेना (दोन्ही गट) यांच्या शहराध्यक्षांना पराभवाचा धक्का बसला आहे.
• महायुतीची स्थिती: जरी पुणे महापालिकेत महायुतीतील पक्ष (भाजप, शिंदे सेना, राष्ट्रवादी-अजित पवार) एकत्रित सत्तेत असले, तरी अनेक जागांवर ते स्वतंत्रपणे लढले होते, ज्याचा सर्वाधिक फायदा भाजपला झाल्याचे दिसत आहे.