नाद करायचा नाही ! 26 हजारांपेक्षा जास्त लीडने विजय, कोण आहे हा नगरसेवक?

पुणे महानगरपालिका निवडणुकीच्या निकालांनी संपूर्ण महाराष्ट्राचे लक्ष वेधून घेतले आहे. यामध्ये प्रभाग क्रमांक २५ मधील भाजपाचे उमेदवार राघवेंद्र (बाप्पू) मानकर यांनी केवळ विजयच मिळवला नाही, तर 'मॅसिव्ह' मताधिक्य घेत एक नवा इतिहास रचला आहे.

राज्यात 'नंबर वन' विजय

आतापर्यंत जाहीर झालेल्या राज्यातील सर्व महापालिकांच्या निकालांचा विचार करता, बाप्पू मानकर यांनी मिळवलेले मताधिक्य राज्यात सर्वाधिक ठरले आहे. त्यांच्या या कामगिरीमुळे पुण्याच्या राजकीय वर्तुळात त्यांची चर्चा 'किंग ऑफ व्होट्स' म्हणून होऊ लागली आहे.

आकडेवारी काय सांगते?

प्रभाग २५ मधील लढत ही सुरुवातीपासूनच एकतर्फी दिसून आली. मानकर यांनी आपल्या प्रतिस्पर्ध्यांचा मोठ्या फरकाने पराभव केला:

बाप्पू मानकर (भाजप): ३१,९८१ मते

समीर गायकवाड (शिवसेना उबाठा): ५,४८४ मते

विजयी मताधिक्य: २६,४९७ मते

जनतेचा कौल, विकासाची साथ

शिवसेना (उबाठा) पक्षाचे समीर गायकवाड यांना केवळ ५ हजारांच्या आसपास मते मिळाली, तर मानकर यांनी तब्बल ३१ हजारांचा टप्पा ओलांडून विरोधकांचे डिपॉझिट जप्त करण्यासारखी स्थिती निर्माण केली. हा विजय म्हणजे गेल्या पाच वर्षांत केलेल्या कामाची पावती असल्याची भावना कार्यकर्त्यांकडून व्यक्त होत आहे.

"हा ऐतिहासिक विजय प्रभाग क्रमांक २५ मधील प्रत्येक नागरिकाचा आहे. मतदारांनी माझ्यावर जो अभूतपूर्व विश्वास टाकला आहे, त्याला सार्थ ठरवत प्रभागाचा कायापालट करणे हेच माझे ध्येय असेल." - राघवेंद्र (बाप्पू) मानकर

या विजयामुळे पुणे महानगरपालिकेत भाजपचे वजन वाढले असून, बाप्पू मानकर यांचे नाव आता राज्याच्या पातळीवर चर्चेत आले आहे.