मोठी बातमी! पुढील 3 तासांत मुंबई शहर, उपनगरात मुसळधार पावसाची शक्यता! नागरिकांना सतर्कतेच्या सुचना

Mumbai Rain Alert : मुंबईत मुसळधार पावसाची शक्यता असून पुढील तीन तासांत मुंबई शहर उपनगरातील जिल्ह्यात मुसळधार पाऊस पडणार आहे, यासंदर्भात मंत्रालयाकडून माहिती जारी करण्यात आल्याचे सुत्रांनी सांगितले आहे.

दरम्यान हवामान विभागानेही मुंबई शहर आणि मुंबई उपनगर, ठाणे आणि इतर ठिकाणी मुसळधार पावसाची शक्यता व्यक्त केलेली आहे. संभाव्य मुसळधार पावसाच्या पार्श्वभुमीवर नागरिकांनी सतर्क राहावे असे आवाहनही मंत्रालयाने केले असल्याचे सुत्रांनी सांगितले.

मुंबईत ५ जुलैपर्यंत येलो अलर्ट

भारतीय हवामान खात्याने (IMD) मुंबईसाठी ५ जुलैपर्यंत येलो अलर्ट जारी केला आहे. त्यामुळे आजपासून मुंबईत पावसाच्या सरींची संततधार राहील असा अंदाज आहे.

मुंबई हवामान अंदाज ५ जुलै पर्यंत २ जुलै: एकाकी ठिकाणी "मुसळधार" पावसाची "खूप" शक्यता ३ जुलै: एकाकी ठिकाणी "मुसळधार" पावसाची "खूप" शक्यता ४ जुलै: "मध्यम" पावसाची "खूप" शक्यता ५ जुलै: शहरात "खूप" शक्यता हवामान अंदाजकर्त्याने रायगड, सिंधुदुर्ग, रत्नागिरी, साता या जिल्ह्यांसाठी ऑरेंज अलर्ट देखील जारी केला आहे.

मुंबई, ठाणे, पुण्यात आता या क्षणी ऑरेंज अलर्ट

हवामान विभागाने बुधवारी दुपारी एक ते दीड वाजेपर्यंत मुंबई, ठाणे आणि पुण्यासाठी ऑरेंज अलर्ट जारी केला आहे. यामध्ये मुसळधार पावसाचा इशारा देण्यात आला आहे.

१५ मिमीपेक्षा जास्त पाऊस पडू शकतो

यादरम्यान मुंबई-पुण्यात मुसळधार पाऊस प्रति तास १५ मिमी पेक्षा जास्त पडू शकतो असे हवामान विभागाने ताज्या अंदाजात म्हटले आहे.

हेही वाचा : सर्वात जास्त पाऊस पडणाऱ्या चेरापुंजीला पुण्याने टाकले मागे! ताम्हिणी घाटात यंदा पावसाचा विक्रम

राज्यात काय असेल पावसाची स्थिती

आगामी सात दिवसांत महाराष्ट्रातील घाटमाथा, मध्य महाराष्ट्र, कोकण, विदर्भ आणि मराठवाडा या चारही विभागातील अनेक जिल्ह्यांमध्ये मध्यम ते मुसळधार आणि अती मुसळधार पावसाचा अंदाजही हवामान खात्याने वर्तवला आहे. महाराष्ट्रासह गोवा आणि इतर राज्यातही अशीच स्थिती राहणार आहे. आम्ही तुम्हाला सांगतो की, देशात जुलै महिन्यात सर्वात जास्त पाऊस पडतो. पावसाची सध्याचा सुर बघता, यंदाही सरासरीनुसार पाऊस पडण्याची दाट शक्यता आहे.

गोव्यात काय राहील पावसाची स्थिती

आयएमडी गोवा द्वारे जारी केलेला नॉवकास्ट हवामानाच्या इशाऱ्यानुसार, पुढील १-३ तासांत उत्तर गोवा, दक्षिण गोव्यात अनेक ठिकाणी ३०-४० किमी प्रतितास वेगाने वाहणाऱ्या जोरदार वाऱ्यांसह हलक्या ते मध्यम स्वरूपाचा पाऊस पडण्याची शक्यता आहे तसेच आगामी सात दिवस गोव्यात मुसळधार ते अतिमुसळधार पावसाची शक्यता आहे.