मोठी बातमी : धारावीमध्ये गॅस सिलिंडर वाहून नेणाऱ्या ट्रकला आग, एकामागून एक होताहेत स्फोट, व्हिडीओ

मुंबईतील धारावी परिसरात सोमवारी रात्री साडेदहा वाजेच्या सुमारास एक भयंकर घटना घडली. गॅस सिलेंडर वाहून नेणाऱ्या ट्रकला आग लागून त्यातील गॅस सिलेंडरचा स्फोट झाला. एका सिलेंडरचा स्फोट झाल्यानंतर एकामागून एक अनेक गॅस सिलेंडरचे स्फोट घडत आहेत. सिलेंडर स्फोट कशामुळे होत आहेत, ही माहिती अद्याप समोर आलेली नाही. घटनेनंतर पोलीस आणि अग्निशमन दलाचे पथक घटनास्थळी रवाना झाले आहेत. आग विझवण्याचे प्रयत्न सुरू आहेत. धारावी हा आशियातील सर्वात मोठा झोपडपट्टी क्षेत्र मानला जातो.

गॅस सिलेंडर ट्रकला आग

मुंबईतील धारावी परिसरातील बस डेपोजवळ गॅस सिलेंडर ट्रकला भीषण आग लागली. गॅस सिलिंडर भरलेल्या ट्रकमध्ये ही आग लागली आहे. आग इतकी भीषण होती की आजूबाजूच्या परिसरात गोंधळ उडाला. अग्निशमन दलाच्या अनेक गाड्या घटनास्थळी पोहोचल्या आहेत आणि आग विझवण्याचा प्रयत्न करत आहेत. आतापर्यंत कोणत्याही जीवितहानीबद्दल कोणतीही माहिती नाही. आगीचे कारण अद्याप समजू शकलेले नाही.

एकामागून एक स्फोट

मुंबईतील धारावी परिसरात गॅसच्या ट्रकला आग लागली आहे. ट्रकमध्ये ठेवलेल्या सिलेंडरचे एकामागून एक स्फोट होत आहेत. एकामागून एक अनेक सिलेंडर फुटले असल्याची माहिती मिळत आहे. त्याचा आवाज अनेक किलोमीटर अंतरापर्यंत ऐकू येत होता. धारावीत दोन्ही बाजूंचा रस्ता बंद होता आणि वाहतूक बंद होती. आगीवर नियंत्रण मिळविण्यासाठी अग्निशमन दलाच्या १५ गाड्या घटनास्थळी उपस्थित आहेत, अशी माहिती समोर येत आहे.