राज ठाकरेंची मुख्यमंत्री एकनाथ शिंदेंशी 'वर्षा'वर बंद दाराआड चर्चा, राजकीय वर्तुळात तर्कवितर्क सुरु

मुंबई : विधानसभा निवडणुकीपूर्वी मनसे अध्यक्ष राज ठाकरे यांनी मुख्यमंत्री एकनाथ शिंदे यांची त्यांच्या शासकीय निवासस्थानी वर्षा बंगल्यावर भेट घेतली. आगामी विधानसभा निवडणुकीच्या पार्श्वभूमीवर ही बैठक महत्त्वाची मानली जात आहे. राज ठाकरे आणि मुख्यमंत्री एकनाथ शिंदे यांच्यात जवळपास 20 मिनिटे बंद दाराआड चर्चा झाल्याचे सांगण्यात येत आहे. आता की, मनसेप्रमुख पुन्हा विधानसभा निवडणुकीत महायुतीला पाठिंबा देण्याच्या मनस्थितीत आहेत का? अशी राजकीय वर्तुळात चर्चा सुरु झाली आहे.

जागा वाटपावरुन चर्चा?

राज ठाकरे आणि एकनाथ शिंदे यांच्यात विधानसभा निवडणुकांच्या अनुषंगाने चर्चा झाल्याचे बोललं जात आहे. या दोन्ही नेत्यांमध्ये जागा वाटपावरून चर्चा झाल्याची प्राथमिक माहिती समोर येत आहे. तसेच राज ठाकरेंनी राज्यातील विकास कामांबाबतही दोन्ही नेत्यांमध्ये चर्चा केल्याची माहिती समोर येत आहे. मात्र या भेटीमुळे आता राजकीय वर्तुळात खळबळ उडाली आहे.

राज ठाकरेंची मनसे पदाधिकाऱ्यांसोबत बैठक

मुख्यमंत्री एकनाथ शिंदे यांची भेट घेतल्यानंतर मनसे अध्यक्ष राज ठाकरे वर्षा बंगल्यातून बाहेर आले. यावेळी दोघांमध्ये विविध मुद्द्यांवर चर्चा झाली. आता राज ठाकरे आपल्या पक्षाच्या पदाधिकाऱ्यांची भेट घेणार आहेत. सुमारे 30 मिनिटे चाललेल्या या बैठकीत मुख्यमंत्री शिंदे यांच्याशी जी काही चर्चा झाली, ती आता पक्षाच्या पदाधिकाऱ्यांपर्यंत पोहोचवणार आहेत.

विधानसभा निवडणूक स्वतंत्र लढणार?

विशेष म्हणजे महाराष्ट्र नवनिर्माण सेनेचे अध्यक्ष राज ठाकरे यांनी काही दिवसांपूर्वी विधानसभेची निवडणूक आपण कोणाशीही युती न करता स्वबळावर लढणार असल्याची घोषणा केली होती. मात्र, निवडणुकीपूर्वी मुख्यमंत्री एकनाथ शिंदे यांची ही भेट अनेक प्रकारचे तर्क लढवणारी आहे.

मनसेने लोकसभा निवडणूक लढविली नाही

राज ठाकरे यांनी लोकसभा निवडणुकीत महायुतीला पाठिंबा देण्याचा निर्णय घेतला होता. त्यावेळी त्यांनी मनसेकडे दोन जागांची मागणी केली होती, मात्र भाजप त्यांना एकच जागा देण्यास तयार होता. लोकसभा निवडणुकीदरम्यान राज ठाकरे भाजपच्या रॅलींमध्ये आणि जाहीर भाषणांमध्ये सहभागी होताना दिसले आणि भाजप नेत्यांसोबत स्टेज शेअरही केले. मात्र, राज ठाकरेंना हा करार मान्य नसल्याने त्यांनी भाजपने दिलेली ऑफर धुडकावून लावली आणि मनसेने लोकसभेची निवडणूक लढविली नाही.