MHADA Mumbai: म्हाडाची मुंबईत घर घेण्याची संधी; पण 5 फेब्रुवारीची प्रक्रिया लांबणीवर! नवी तारीख कधी?

MHADA Mumbai Lottery 2026 : मुंबईत स्वतःच्या हक्काच्या घराचे स्वप्न पाहणाऱ्यांसाठी म्हाडाने (MHADA) आनंदाची बातमी दिली आहे. म्हाडाच्या मुंबई गृहनिर्माण व क्षेत्र विकास मंडळाने मुंबई शहर आणि उपनगरात १२० सदनिका 'प्रथम येईल त्यास प्रथम प्राधान्य' (First Come First Served) या तत्त्वावर विक्रीसाठी उपलब्ध करून दिल्या आहेत. मात्र, ५ फेब्रुवारी २०२६ रोजी सुरू होणारी ही ऑनलाइन प्रक्रिया तांत्रिक कारणांमुळे तूर्त लांबणीवर टाकण्यात आली आहे.

तांत्रिक कारणामुळे प्रक्रियेला ब्रेक

म्हाडाच्या सूत्रांनी दिलेल्या माहितीनुसार, ५ फेब्रुवारी रोजी सकाळी ११ वाजल्यापासून https://bookmyhome.mhada.gov.in या अधिकृत संकेतस्थळावर ही सुविधा सुरू होणार होती. मात्र, काही तांत्रिक अडचणींमुळे ही तारीख पुढे ढकलण्यात आली आहे. या प्रक्रियेची नवीन तारीख आणि वेळ म्हाडाच्या अधिकृत सोशल मीडिया पेजेस आणि वेबसाइटवर लवकरच जाहीर करण्यात येईल.

अर्ज प्रक्रिया आणि घराचे बुकिंग कसे होईल?

• १. नोंदणी: इच्छुकांनी म्हाडाच्या संकेतस्थळावर जाऊन आधी आपली नोंदणी पूर्ण करणे आवश्यक आहे.
• २. सदनिका निवड: म्हाडाने जाहीर केलेल्या नवीन तारखेला लॉगिन करून उपलब्ध सदनिकांमधून आपल्या आवडीचे घर निवडता येईल.
• ३. अनामत रक्कम: सदनिका निश्चित करण्यासाठी ऑनलाइन अर्ज, अनामत रक्कम आणि अर्ज शुल्क भरावे लागेल.
• ४. १०% रक्कम भरणे बंधनकारक: सदनिका निवडून ती बुक केल्यानंतर, ४८ तासांच्या आत विक्री किमतीच्या १०% रक्कम भरणे बंधनकारक आहे, अन्यथा बुकिंग रद्द होऊ शकते.

संपर्क आणि मदत

या सोडतीबद्दल अधिक माहितीसाठी किंवा शंकांचे निरसन करण्यासाठी म्हाडाने खालील संपर्क साधने उपलब्ध करून दिली आहेत.

• हेल्पलाइन क्रमांक: ९८६९९८८०००
• ई-मेल: [email protected] (उपमुख्य अधिकारी - पणन, मुंबई मंडळ)

विलंबाचे कारण: अर्ज पोर्टलमध्ये तांत्रिक समस्या

५ फेब्रुवारी २०२६ पर्यंत, नोंदणीची नवीन तारीख अद्याप जाहीर करण्यात आलेली नाही. अर्जदारांना अद्यतनांसाठी म्हाडाच्या अधिकृत वेबसाइट (bookmyhome.mhada.gov.in) आणि अधिकृत घोषणांवर लक्ष ठेवण्याचा सल्ला देण्यात आला आहे. यापूर्वी, महानगरपालिका निवडणुकीदरम्यान लागू झालेल्या आचारसंहितेमुळे ही योजना एकदा पुढे ढकलण्यात आली होती, ज्यामुळे वेळापत्रक आधीच बदलले होते.