Maharashtra Board Supply result 2025: SSC व HSCचा पुरवणी निकाल जाहीर, कसा चेक करणार?

Maharashtra Board Supply result 2025 : महाराष्ट्र राज्य माध्यमिक आणि उच्च माध्यमिक शिक्षण मंडळाने (MSBSHSE) जून महिन्यात झालेल्या SSC (दहावी) आणि HSC (बारावी) पुरवणी परीक्षांचे निकाल २०२५ आज जाहीर केले आहेत. जे विद्यार्थी या पुरवणी परीक्षांना बसले होते, ते आता आपले निकाल MSBSHSE च्या अधिकृत वेबसाइट mahahsscboard.in वर तपासू शकतात.

गुणपत्रिका कशी चेक करायची, जाणून घ्या खालील स्टेप..!

महाराष्ट्र बोर्ड पुरवणी निकाल २०२५: तुमचा निकाल कसा तपासाल?

• सर्वात आधी, महाराष्ट्र राज्य माध्यमिक आणि उच्च माध्यमिक शिक्षण मंडळाच्या अधिकृत वेबसाइट mahahsscboard.in वर भेट द्या.
• होम पेजवर, "महाराष्ट्र बोर्ड पुरवणी निकाल २०२५: SSC आणि HSC लिंक्ससाठी" उपलब्ध असलेल्या संबंधित लिंकवर क्लिक करा.
• एक नवीन पेज उघडेल. येथे तुम्हाला तुमचा लॉगिन तपशील (उदा. सीट नंबर, आईचे नाव) प्रविष्ट करावा लागेल.
• माहिती भरल्यानंतर 'सबमिट' बटणावर क्लिक करा.
• तुमचा पुरवणी परीक्षेचा निकाल स्क्रीनवर दिसेल.
• तो निकाल काळजीपूर्वक तपासा आणि भविष्यातील संदर्भासाठी डाऊनलोड करून प्रिंट काढून घ्या.

कधी पार पडली होती पुरवणी परीक्षा?

महाराष्ट्र SSC पुरवणी परीक्षा ही 24 जून 2025 सुरू झाली होती तर 8 जुलै 2025 रोजी त्याचा समारोप झाला होता. ही परीक्षा सकाळी 11 ते दुपारी 2 आणि दुपारी 3 ते संध्याकाळी 6 या दोन शिफ्ट मध्ये पार पडली.

महाराष्ट्र HSC पुरवणी परीक्षा (सामान्य आणि बायफोकल)

सुरुवात: २४ जून २०२५
समाप्ती: १६ जुलै २०२५
शिफ्ट्स: सकाळी ११ ते दुपारी २ आणि दुपारी ३ ते संध्याकाळी ६.

महाराष्ट्र HSC व्यावसायिक पुरवणी परीक्षा

सुरुवात: २४ जून २०२५
समाप्ती: ११ जुलै २०२५
शिफ्ट्स: सकाळी ११ ते दुपारी २ आणि दुपारी ३ ते संध्याकाळी ६