ब्रेकिंग! लाडकी बहिण योजनेची e-KYC पुन्हा सुरु! आदिती तटकरेंनी सांगितली 'ही' शेवटची तारीख

Ladki Bahin Yojana e-KYC : लाखो लाभार्थी असलेल्या 'मुख्यमंत्री माझी लाडकी बहिण योजना' (Mukhyamantri Majhi Ladki Bahin Yojana) मध्ये पारदर्शकता आणि सुसूत्रता आणण्यासाठी राज्य सरकारने पुन्हा एकदा ई-केवायसी (e-KYC) प्रक्रिया अनिवार्य केली आहे.महिला आणि बाल विकास मंत्री आदिती तटकरे यांनी यासंबंधीची माहिती दिली आहे.

ई-केवायसी करा, आदिती तटकरे यांचे आवाहन

आदिती तटकरे यांनी 'एक्स' (पूर्वीचे ट्विटर) या समाज माध्यमावर पोस्ट करून, ज्या लाभार्थ्यांनी ई-केवायसी केली नाही अशा सर्व उर्वरित लाभार्थी भगिनींना १८ नोव्हेंबर २०२५ पूर्वी ही प्रक्रिया पूर्ण करण्याचे आवाहन केले आहे. ई-केवायसी न केल्यास पुढील हप्ते थांबण्याची शक्यता असल्याने ही प्रक्रिया तातडीने पूर्ण करणे आवश्यक आहे.

ई-केवायसीची अंतिम मुदत जाहीर

पारदर्शकतेसाठी e-KYC सक्तीचेलाडकी बहिण योजनेत लाभार्थ्यांना नियमित आणि योग्य व्यक्तींनाच आर्थिक लाभ मिळावा यासाठी ई-केवायसीची सुविधा उपलब्ध करून देण्यात आली आहे. मंत्री आदिती तटकरे यांनी काल (२८ ऑक्टोबर २०२५) मंत्रालयात या प्रक्रियेत अधिक सुसूत्रता आणण्याबाबत बैठक घेतली.

तटकरे म्हणाल्या, 'या' वेबसाईटवर ईकेवायसी करा

मंत्री आदिती तटकरे यांनी आपल्या 'X' पोस्टमध्ये माहिती दिली की, "दिनांक १८ सप्टेंबर २०२५ पासून https://ladakibahin.maharashtra.gov.in या अधिकृत संकेतस्थळावर e-KYC सुविधा उपलब्ध आहे. यासाठी २ महिन्यांचा कालावधी देण्यात आला असून आतापर्यंत बहुतांश लाडक्या बहिणींनी ही प्रक्रिया पूर्ण केली आहे. उर्वरित लाभार्थी भगिनींनीही १८ नोव्हेंबर २०२५ पूर्वी ई-केवायसी प्रक्रिया पूर्ण करावी."हा निर्णय योजनेतील अपात्र लाभार्थ्यांना वगळून, गरजू आणि पात्र महिलांनाच मदत मिळावी या उद्देशाने घेण्यात आला आहे.

ई-केवायसी (e-KYC) कुठे आणि कशी करायची? (सोपी पद्धत)

लाडकी बहिण योजनेच्या लाभार्थी महिला खालीलप्रमाणे सोप्या पद्धतीने ई-केवायसी प्रक्रिया पूर्ण करू शकतात.

१. अधिकृत संकेतस्थळ: सर्वप्रथम योजनेच्या अधिकृत संकेतस्थळाला भेट द्या: https://ladakibahin.maharashtra.gov.in](

२. ई-केवायसी पर्याय निवडणे: वेबसाइटच्या मुख्यपृष्ठावर (Homepage) 'ई-केवायसी' (e-KYC) किंवा 'आधार संलग्नता' असा पर्याय शोधा आणि त्यावर क्लिक करा.

३. आधार क्रमांक व पडताळणी: तुमचा आधार क्रमांक आणि योजनेचा नोंदणी क्रमांक (Registration Number) योग्य ठिकाणी भरा.त्यानंतर, 'सबमिट' बटणावर क्लिक केल्यावर, तुमच्या आधारशी संलग्न असलेल्या मोबाईल क्रमांकावर ओटीपी (OTP) येईल.

४. प्रक्रिया पूर्ण करणे: हा ओटीपी दिलेल्या बॉक्समध्ये टाकून पडताळणी (Verify) करा. एकदा पडताळणी यशस्वी झाल्यास, तुमची ई-केवायसी प्रक्रिया पूर्ण होईल आणि तुम्हाला मोबाईलवर संदेश मिळेल.

(टीप: ज्या महिलांना ही प्रक्रिया स्वतः करणे शक्य नसेल, त्यांनी जवळच्या महा-ई-सेवा केंद्र किंवा आपले सरकार सेवा केंद्र येथे जाऊन ही प्रक्रिया पूर्ण करावी.)

आदिती तटकरे यांची पोस्ट

मुख्यमंत्री माझी लाडकी बहीण योजनेमध्ये पारदर्शकता येण्यासाठी व लाभार्थ्यांना नियमितपणे आर्थिक लाभ मिळण्यासाठी e-KYC सुविधा उपलब्ध करून देण्यात आली आहे. या प्रक्रियेत अधिक सुसूत्रता आणण्याबाबत आज मंत्रालयात बैठक घेतली.

दिनांक १८ सप्टेंबर २०२५ पासून https://ladakibahin.maharashtra.gov.in या अधिकृत संकेतस्थळावर e-KYC सुविधा उपलब्ध आहे. यासाठी २ महिन्यांचा कालावधी देण्यात आला असून आतापर्यंत बहुतांश लाडक्या बहिणींनी ही प्रक्रिया पूर्ण केली आहे. उर्वरित लाभार्थी भगिनींनीही १८ नोव्हेंबर २०२५ पूर्वी e-KYC प्रक्रिया पूर्ण करावी असे मी सर्वांना आवाहन करते.

मुख्यमंत्री माझी लाडकी बहीण योजनेमध्ये पारदर्शकता येण्यासाठी व लाभार्थ्यांना नियमितपणे आर्थिक लाभ मिळण्यासाठी e-KYC सुविधा उपलब्ध करून देण्यात आली आहे. या प्रक्रियेत अधिक सुसूत्रता आणण्याबाबत आज मंत्रालयात बैठक घेतली.

दिनांक १८ सप्टेंबर २०२५ पासून https://t.co/gBViSYZxcm या…

— Aditi S Tatkare (@iAditiTatkare) October 28, 2025