गुन्हा दाखल झाल्यानंतर आयएएस पूजा खेडकर उचलणार हे पाऊल, या 3 चुका भोवणार

पुणे: महाराष्ट्र केडरमधील प्रशिक्षणार्थी आयएएस अधिकारी पूजा खेडकर यांच्या अडचणी दिवसेंदिवस वाढत आहेत. व्हीआयपी सुविधांची मागणी केल्यानंतर पुण्याहून वाशिमला त्यांची बदली केली. त्यांच्या दीव्यांग प्रमाणपत्रांवर प्रश्न उपस्थित करण्यात आले. त्यांना कारणे दाखवा नोटीसही मिळाली आणि यूपीएससीने गुन्हाही नोंदवला.

उमेदवारी का रद्द करु नये?

युपीएससीने प्रशिक्षणार्थी आयएएस अधिकारी पूजा खेडकर यांना त्यांची उमेदवारी रद्द का करू नये असे विचारले आहे. याशिवाय भविष्यातील परीक्षांना बसण्यासही बंदी घालण्यात यावी. त्यावर त्यांना नोटीस बजावण्यात आली असून त्यांचा जबाब मागवण्यात आला आहे. या सर्व प्रकारानंतर पूजा खेडकरही तिच्या बचावासाठी मोठे पाऊल उचलणार आहे.

न्यायालयात धाव घेण्याचे संकेत

युपीएससीने एफआयआर नोंदवल्यानंतर पूजा खेडकरची पहिली प्रतिक्रिया समोर आली आणि मीडियाशी बोलताना खेडकर यांनी न्यायालयात धाव घेण्याचे संकेत दिले आहेत. पुण्यातून बदली झाल्यानंतर वाशिम जिल्ह्यात रुजू झालेल्या पूजा खेडकर म्हणाल्या, 'न्यायव्यवस्था आपले काम करेल. काहीही झाले तरी मी न्यायालयात उत्तर देईन. विशेष म्हणजे पुण्यातील प्रशिक्षणादरम्यान व्हीआयपी सुविधांची मागणी करून चर्चेत आलेल्या IAS पूजा खेडकरचे प्रशिक्षण मध्यंतरी थांबवण्यात आले आहे.

प्रशिक्षण केंद्रात हजर राहा

प्रशिक्षण बंद झाल्यानंतर पूजा वाशिम जिल्ह्यातील एका गेस्ट हाऊसमध्ये राहात होती. त्याला वाशिमहून मसुरी येथील एलबीएसएनएए येथे बोलावण्यात आले. महाराष्ट्र सरकारने त्यांना 23 जुलैपर्यंत मसुरी येथील आयएएस ट्रेनिंग अकादमीमध्ये हजर राहण्याचे आदेश दिले आहेत.

नाव, पत्ता बदलून परीक्षा

नागरी सेवा परीक्षा 2022 मध्ये पूजा खेडकर यांनी अनेक नियमांचे उल्लंघन केल्याचे तपासात समोर आले आहे. युपीएससीने असेही म्हटले आहे की, पूजा खेडकर यांनी नागरी सेवा परीक्षा 2022 मध्ये तिचे नाव, पालकांचे नाव, फोटो, ईमेल आयडी, फोन नंबर आणि पत्ता बदलून तिची ओळख लपवली. बनावट कागदपत्रांचा वापर करून त्या तब्बल अकरा वेळा यूपीएससी परीक्षेला बसल्याचेही समोर आले आहे.

पूजा खेडकर यांच्या या तीन चुका

1. पूजा यांनी त्यांचे नाव बदलून युपीएससी परीक्षा दिली. सन 2019-20 मध्ये, पूजा दिलीपराव खेडकर हे नाव होते, तर 2021-2022 मध्ये, नाव बदलून पूजा मनोरमा दिलीप खेडकर करण्यात आले. 2019-20 पर्यंत वडिलांच्या नाव दिलीप असे होते, ते 2021 मध्ये बदलून दीप असे करण्यात आले.
2. पूजा यांचे वडील आणि सेवानिवृत्त IAS दिलीप खेडकर यांनी 40 कोटी रुपयांची संपत्ती जाहीर केली. पूजा यांच्याकडे 14 कोटींची संपत्ती आहे. तर त्यांनी आठ लाख रुपयांपेक्षा कमी उत्पन्न दाखवून ओबीसी नॉन क्रीमी लेयरचा लाभ घेतला.
3. पूजा खेडकर फक्त 7 टक्के अपंग आहे. एका दिवसात पुरावा मिळणे संशयास्पद आहे. प्रमाणपत्र संशयाच्या भोवऱ्यात

English summary

Pooja Khedkar Vs UPSC Cheating Case Latest Update