Get Updates
Get notified of breaking news, exclusive insights, and must-see stories!

Ganesh Visarjan 2024 : पुढच्या वर्षी लवकर या! लालबागच्या राजाची विसर्जन मिरवणूक निघाली

By
Time

Ganesh Visarjan 2024 : लाडक्या बप्पांचे आज विसर्जन होत आहे. महाराष्ट्रासह संपूर्ण देशात दहा दिवसांच्या गणेशाचे ठिकठिकाणी विसर्जन सुरु असून मिरवणुकाही निघत आहेत. मुंबईत लालबागच्या राजाची मिरवणूक आज सकाळी अकरा वाजता निघाली असून ठिकठिकाणी घरगुती गणपतीचे विसर्जन होत आहे.

गणेश उत्सवाचा आज अखेरचा दिवस असून गणपती बप्पांना आज निरोप देण्यात येत आहे. त्यासाठी राज्यात सर्वत्र चोख पोलिस बंदोबस्त ठेवण्यात आला असून मानाचे पुणे आणि मुंबईतील बप्पांसह राज्यातील सर्वच गणपतींना निरोप देण्यासाठी आज सकाळी मिरवणुका निघाल्या आहेत.

Ganesh Visarjan 2024 Live Updates

या वेळेत गणेश विसर्जन करता येणार

चतुर्दशी तिथीची सुरुवात - 16 सप्टेंबर, 2024 दुपारी 03:10 वाजता चतुर्दशी तिथी समाप्ती - 17 सप्टेंबर 2024 सकाळी 11:44 वाजता

गणेश विसर्जन शुभ मुहूर्त

  • सकाळ - 20 सप्टेंबर 17 - 17:24 सकाळी 38 ते दुपारी 01:13 पर्यंत
  • दुपारचा मुहूर्त - 17 सप्टेंबर 2024 - दुपारी 02:44 ते दुपारी 04:16
  • संध्याकाळची वेळ - 17 सप्टेंबर 2024 - 07:16 P.M. रात्री 08:44 पर्यंत
  • रात्रीची वेळ - 17 सप्टेंबर 2024 रात्री 10:13 P.M.
  • 18 सप्टेंबर रोजी सकाळी 02:38 पर्यंत

गणेश विसर्जन पूजा विधी

  • सकाळी लवकर उठून पूजा विधी सुरू करण्यापूर्वी स्नान करा.
  • घर आणि पूजा क्षेत्र स्वच्छ करा.
  • गणपती विसर्जन पूजेसाठी नातेवाईक आणि मित्रांना आमंत्रित करा.
  • विविध विशेष पदार्थ आणि मिष्टान्न तयार करा.
  • देशी तुपाचा दिवा लावा आणि तिलक आणि कुंकू लावा, लाडू आणि मोदक अर्पण करा.
  • मुर्तीला फुले व हारांनी सजवा.
  • "जय गणेश जय गणेश जय गणेश देवा" आणि "सुखकर्ता दुख हरता वार्ता विघ्नाची" आरती करा. यानंतर गणेश मूर्तीचे विसर्जन करा.

3:50 PM, 17 Sep

गोंदियात इको फ्रेंडली पद्धतीने घरघुती श्री गणेशाचे विसर्जन

गोंदियात इको फ्रेंडली पद्धतीने घरघुती श्री गणेशाचे विसर्जन
गोंदिया शहरात देखील घरगुती गणपती बापाचे विसर्जन इको फ्रेंडली पद्धतीने करण्यात आले असून गोंदिया शहरात दोन ठिकाणी विसर्जना साठी व्यवस्था करण्यात आली आहे तर काही ठिकाणी तलावावर तर काही ठिकाणी नदी नाल्यावर देखील श्री गणेशाचे विसर्जन करण्यात आले.
3:00 PM, 17 Sep

नाशिकच्या रामकुंड परिसरात बाप्पाला निरोप देण्यासाठी गर्दी

दहा दिवसानंतर आज लाडक्या बाप्पाला निरोप दिला जात आहे नाशिकच्या रामकुंडा परिसरामध्ये घरगुती गणपतीचे विसर्जन करण्यासाठी गणेश भक्तांची मोठी गर्दी पाहायला मिळत आहे.
2:44 PM, 17 Sep

चिंतामणीची निघाली मिरवणूक

चिंचपोकळीच्या चिंतामणीच्या मिरवणुकीला सुरूवात झाली आहे. आरती झाल्यानंतर बाप्पाला विसर्जन मिरवणुकीसाठी मंडपातून बाहेर काढण्यात आले आहे.
2:06 PM, 17 Sep

ठाण्यातील टेंभीनाका येथे दुर्गेश्वरी मातेच्या मंडपात पोहचले सीएम शिंदे

ठाण्यातील टेंभीनाका येथे दुर्गेश्वरी मातेच्या मंडपात गणेश पुजन सोहळ्यात मुख्यमंत्री एकनाथ शिंदे यांनी गणेश आराधना केली आहे.
1:54 PM, 17 Sep

धुळ्यात घरगुती गणपतीचं विसर्जन

धुळ्यात घरगुती गणपतीचं विसर्जन
धुळे शहरात आज अनंत चतुर्थीचे निमित्त गणेश विसर्जन सुरू झाले आहे सकाळच्या सत्रात प्रामुख्याने घरगुती गणेशाला निरोप दिला जात आहे धुळे शहरातील पांजरा नदी काठावर भाविक लाडक्या बाप्पाला निरोप देत आहेत यासाठी महापालिकेची पदके नियुक्त करण्यात आले आहे तसेच कृत्रिम हौदाची ही व्यवस्था करण्यात आली आहे.
1:40 PM, 17 Sep

राज्यपाल देवेंद्र फडणवीसांच्या घरी, गणपतीचे घेतले दर्शन

महाराष्ट्राचे राज्यपाल सीपी राधाकृष्णन उपमुख्यमंत्री देवेंद्र फडणवीस यांच्या सागर निवासस्थानी पोहोचले आहेत. राज्यपाल सीपी राधाकृष्णन देवेंद्र फडणवीस यांच्या निवासस्थानी गणपतीचे दर्शन घेतले.
12:48 PM, 17 Sep

नागपुरात गणरायाला निरोप, विसर्जन सुरु

दहा दिवस बाप्पांच्या भक्तीत तल्लीन झालेला प्रत्येक जण बाप्पाला निरोप देत आहेत .मंगळवार पासून सार्वजनिक मूर्तीचे विसर्जन सुरू झालेले आहे.विसर्जनामुळे पर्यावरण बाधित होऊ नये याकरिता महापालिका प्रशासनाने त्यांच्या मूर्तीच्या विसर्जनासाठी कृत्रिम टॅकची व्यवस्था केली आहे.शहरात ३४ ठिकाणी मूर्तीचे विसर्जन होणार आहे. ठिकठिकाणी पोलिस बंदोबस्त तैनात करण्यात आला आहे. मुख्य विसर्जनस्थळी विशेष व्यवस्था करण्यात आली आहे.
12:32 PM, 17 Sep

खासदार संजय देशमुख विसर्जन मिरवणूकीत वाद्यांच्या तालावर थिरकले

खासदार संजय देशमुख विसर्जन मिरवणूकीत वाद्यांच्या तालावर थिरकले
राज्यामध्ये सर्वाधिक काळ चालणाऱ्या गणेश विसर्जन मिरवणूकित वाशिम शहरातील गणेश विसर्जन मिरवणूक गणल्या जाते. या मिरवणुकीत दिनांक 17 सप्टेंबर रोजी वाशिम यवतमाळ लोकसभा मतदारसंघाचे खासदार संजय देशमुख यांनी छत्रपती शिवाजी महाराज आणि शहरातील मानाचा समजला जाणारा जय शिवशंकर गणेश मंडळाच्या गणेशाची पूजा केली. खासदारांनी वाद्याच्या तालावर शिवसेना उद्धव बाळासाहेब ठाकरे गटाचे पदाधिकारी सुधीर कव्हर, सुरेश मापारी, कॅप्टन प्रशांत सुर्वे, राजा पवार, नागोराव ठेंगडे, नितीन मडके, भांडूर्गे यांच्यासह नृत्याचा ठेका धरत सहभाग घेतला.
12:14 PM, 17 Sep

गिरगांवच्या राजाचे विसर्जन

गिरगांवचाचा राजा या गणेश मंडळाची सुरुवात 1928 रोजी बाळ गंगाधर ठिळकांनी केली.. शाडूच्या माती ने बनवण्यात येणारी या भव्य दिव्य मुर्तीचं कौतुक पंतप्रधान नेरेंद्र मोदींने आपल्या मन की बात या कार्यक्रमात ही केला.. भक्तांनी या गणपतीला अत्यंत उत्साह ने निरोप दिला.
11:59 AM, 17 Sep

आमदार भावना गवळी यांनी गणेश विसर्जन मिरवणुकीत वाजवला ढोल

वाशिम शहरातील गणेश विसर्जन मिरवणुकीला सकाळी नऊ वाजल्यापासून सुरुवात झाली असून सदर गणेश विसर्जन मिरवणूक शहरातील छत्रपती शिवाजी महाराज चौक येथे आले असता या ठिकाणी या मिरवणुकीचे स्वागत विधान परिषदेच्या आमदार भावना गवळी यांनी पुष्प उधळून केले तसेच कार्यकर्त्यांसह मिरवणुकीमध्ये ढोल वाजून नवचैतन्य निर्माण केले.
11:40 AM, 17 Sep

लाल बागचा राजाची मिरवणूक सुरु

लाल बागचा राजाची मिरवणूक सुरु झाली असून अनेक गणेशभक्तांनी गर्दी केली आहे.
11:08 AM, 17 Sep

लालबागच्या राजाची आरती संपन्न

लालबागचा राजाची शेवटची आरती संपन्न झाली आहे. गणपती बाप्पाला आज निरोप दिला जाणार आहे. विसर्जन मिरवणुकीआधी लालबागचा राजाची शेवटची आरती करण्यात आली.
10:36 AM, 17 Sep

कोल्हापुरात तुकाराम माळी तालीम मंडळाच्या मिरवणुकीला सुरुवात

तुकाराम माळी तालीम मंडळाच्या मिरवणुकीला सुरुवात कोल्हापुरातील पहिला मानाचा गणपती तुकाराम माळी तालीम मंडळाच्या बाप्पाच्या विसर्जन मिरवणुकीमध्ये महिलांनी खूप मोठ्या संख्येने सहभाग घेतला आहे. महिलांकडून विसर्जन मिरवणुकीमध्ये फुगड्या, पारंपरिक गाणी म्हणत आपल्या लाडक्या बापाला निरोप दिला जातो.
10:28 AM, 17 Sep

छत्रपती संभाजीनगर येथे गणेश विसर्जनाला सुरुवात

छत्रपती संभाजीनगर येथे गणेश विसर्जन मिरवणुकीची जोरदार तयारी सुरु असून काही घरगुती गणपतीच्या विसर्जनासाठी गणेशभक्त घराबाहेर पडले आहेत. गणेश मिरवणुकीच्या पार्श्वभुमीवर शहर पोलिसांनी चोख बंदोबस्त ठेवला आहे.
10:14 AM, 17 Sep

पुणे पोलिसांचा गणेश उत्सवानिमित्त संदेश, व्हिडिओ शेअर

पुण्यात गणपती विसर्जनाला सुरवात झाली असून "आम्ही गणपती बाप्पाला भव्य निरोप द्यायला सज्ज आहोत" असा संदेश पोलिस आयूक्त अमितेश कुमार यांनी दिलाआहे. सर्व शहरभर वॉच टॉवर्स आणि पोलिस मदत केंद्रांसह शांततापूर्ण विसर्जनाची खात्रीही करण्यात आली असल्याचे पुणे पोलिसांनी म्हटले आहे. नागरिकांना विनंती करण्यात आली आहे की त्यांनी ग्राउंड अधिकाऱ्यांशी समन्वय साधावा आणि कोणत्याही संशयास्पद हालचालींची माहिती ताबडतोब जवळच्या पोलिस अधिकाऱ्यांना द्यावी.
9:45 AM, 17 Sep

मुंबईत गणपती विसर्जनाला सुरुवात

मुंबईत गणपती विसर्जनाला सुरुवात झाली असून गिरगाव चौपाटीवर गणेश मुर्तीचे विसर्जन करताना गणेशभक्त
9:22 AM, 17 Sep

मुंबईचा राजा विसर्जनासाठी निघाला..

मुंबईचा राजा विसर्जनासाठी निघाला..
गणेश गल्ली, परळ येथील मुंबईचा राजा विसर्जनासाठी निघाला असून दगडूशेठ हलवाई गणपती चार वाजता मिरवणूक सुरु होणार आहे.
8:55 AM, 17 Sep

परळ येथे पार पडली मुंबईचा राजाची आरती

VIDEO गणेश गल्ली, परळ येथील मुंबईचा राजा पंडाल येथे आरती केली जात आहे.
8:47 AM, 17 Sep

बुलडाणा, खामगाव शहरात विसर्जनाची तयारी

बुलडाणा शहरात संगम तलाव येथे‎विसर्जनासाठी शहरातील मुख्य जयस्तंभ‎चौक, संगम चौक मार्ग संगम तलाव. तर‎येळगाव धरणावर शहरातील मुख्य‎जयस्तंभ चौक मार्ग, तहसील चौक,‎जगदंबा देवी माता रोड, सहकार विद्या‎मंदिर मार्ग, येळगाव धरण, तर पैनगंगा‎नदीला जाण्यासाठी हाच मार्गावरील‎टोल नाका व पैनगंगा नदी. तर खामगाव‎येथील विसर्जन मार्ग हा फरशी भागातून ‎सुरूवात होणार आहे. ही मिरवणुक‎महावीर चौक, सरकी लाईन, निर्मल‎टर्निंग, मस्तान चौक, राणा गेट,‎सावरकर चौक, कालिका माता चौक,‎शिवाजी वेस, बोरी पुरा, श्रीराम चौक,‎भगतसिंग चौक, मार्ग भारतरत्न डॉ.‎बाबासाहेब आंबेडकर न.प. मैदानातील‎विहिरीवर व मोठ्या गणेश मूर्तीसाठी‎जनुना तलाव येथे व्यवस्था करण्यात ‎आली आहे.‎
8:40 AM, 17 Sep

अजित पवारांकडून श्रीमंत दगडूशेठ हलवाई गणपतीची पुजा

VIDEO महाराष्ट्राचे उपमुख्यमंत्री अजित पवार यांनी आज गणेश विसर्जनाचे औचित्य साधत पुण्यातील श्रीमंत दगडूशेठ हलवाई गणपतीची पुजा केली.
8:30 AM, 17 Sep

60 पेक्षा जास्त मंडळ अकोल्यातील मुख्य मिरवणुकीत राहतील सहभागी

दहा दिवसानंतर आज लाडक्या गणरायाला निरोप देण्यात येणार आहे. अकोल्यात मानाच्या श्रीबाराभाई गणपतीचे पूजन झाल्यानंतर मिरवणुकीला प्रारंभ होणार आहे. जुने शहरातील सितला माता मंदिराजवळ असलेल्या श्रीबाराभाई गणपतीचे सकाळी 9.30 वाजता मंदिरात पूजन होणार आहे. त्यानंतर जवळच असलेल्या जयहिंद चौकात श्रीबाराभाई गणपतीचे 10.30 च्या सुमारास महाआरती होईल. महाआरतीनंतर येथूनच मुख्य विसर्जन मिरवणुकीला प्रारंभ होणार आहे.
8:12 AM, 17 Sep

मिरवणुकीदरम्यान अमरावती‎त रात्री 12 वाजेपर्यंत शहरात जड वाहनांना बंदी‎

आज श्री गणेश‎विसर्जन होत आहे. मुर्ती विसर्जना‎साठी सकाळपासून भाविक घराबाहेर‎ पडत आहे. त्यामुळे वाहतूक‎विभागाने शहरातील सर्व मार्गांवर सर्व‎मालवाहू व इतरही जड वाहनांना‎वाहतूक बंदी केली आहे. दस्तूरनगर ते‎छत्रीतलाव मार्गावर विसर्जनासाठी ‎येणारी वाहनं सोडून सर्व वाहनांसाठी‎मार्ग बंद राहणार आहे.
8:05 AM, 17 Sep

मुख्यमंत्री एकनाथ शिंदे यांच्या गणेश भक्तांना अनंत चतुर्दशीच्या शुभेच्छा

राज्याचे मुख्यमंत्री एकनाथ शिंदे यांनी गणेश विसर्जनानिमित्त भाऊक संदेश देत गणेशभक्तांना शुभेच्छा दिल्या.
7:54 AM, 17 Sep

पुढच्या वर्षी लवकर या...! लाडक्या बप्पांच्या विसर्जनाला थोड्याच वेळात सुरुवात

लाडक्या बप्पांचे आज विसर्जन होत आहे. महाराष्ट्रासह संपूर्ण देशात दहा दिवसांच्या गणेशाचे ठिकठिकाणी विसर्जन सुरु असून मिरवणुकाही निघत आहेत. सर्वच ठिकाणी मिरवणुकीची जय्यत तयारीही झाली असून मुंबईत लालबागच्या राजाची मिरवणूक आज सकाळी अकरा वाजता निघणार आहे.

ganesh chaturthi ganeshotsav celebration and pandals
Notifications
Settings
Clear Notifications
Notifications
Use the toggle to switch notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out