दिशा सालियन प्रकरणात अहवाल येताच संजय राऊत कडाडले! CM फडणवीस, शिंदेवर आगपाखड, काय म्हणाले वाचा

Disha Salian case : दिशा सालियन प्रकरणात पोलिसांनी न्यायालयात दाखल केलेल्या अहवालातून दिशाची आत्महत्याच असल्याचे पुन्हा एकदा सिद्ध झाले. जर आदित्य ठाकरेंना दिशा सालियन प्रकरणात क्लिन चीट मिळाली आहे तर त्यांना बदनाम केल्याप्रकरणी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि भाजप नेते नितेश राणेंन माफी मागा अशी मागणी शिवसेना उद्धव बाळासाहेब ठाकरे पक्षाचे खासदार तथा प्रवक्ते संजय राऊत यांनी करत त्यांच्यावर जोरदार टीका केली.

दिशा सालियन प्रकरणात आज विशेष तपास पथकाने पुन्हा न्यायालयात प्रतिज्ञापत्र सादर केले. यामध्ये दिशा सालियानचा मृत्यू आत्महत्येमुळेच झाला असून बलात्कार किंवा हत्येचा आरोप फेटाळला आहे. त्यानंतर आता आदित्य ठाकरेंच्या विरोधकांवर संजय राऊत बरसले आणि त्यांना दिशा प्रकरणात आदित्य ठाकरे यांच्यासोबतही बिनबुडाचे आरोप झाले हे पुन्हा एकदा म्हटले आहे.

#WATCH | Mumbai, Maharashtra | On Mumbai Police SIT's report to Bombay High Court ruling out 'foul play' in Disha Salian death case, Shiv Sena (UBT) MP Sanjay Raut says, "Now, Maharashtra CM Devendra Fadnavis should apologise (to Aaditya Thackeray). Narayan Rane's son Nitish… pic.twitter.com/FOusGlckuZ

— ANI (@ANI) July 3, 2025

काय म्हणाले संजय राऊत?

दिशा सालियन मृत्यू प्रकरणात 'फसवणूक' झाल्याचे मुंबई पोलिसांच्या एसआयटीच्या अहवालावर शिवसेना (यूबीटी) खासदार संजय राऊत म्हणाले, दिशा सालियन प्रकरणात जर आदित्य ठाकरेंबाबत क्लिन चीटचा अहवाल आला असेल तर मुख्यमंत्री फडणवीस आणि आरोप करणाऱ्यांनी माफी मागावी. देवेंद्र फडणवीस यांच्यासोबतच नीतेश राणे, एकनाथ शिंदे यांनी (आदित्य ठाकरे यांची) माफी मागावी. त्यांनी आदित्य ठाकरेंसारख्या एका तरुण नेत्यांची बदनामी केली.

काय म्हणाले नाना पटोले?

दिशा सालियन प्रकरणात पोलिसांनी न्यायालयात दाखल केलेल्या अहवालातून पुन्हा एकदा सिद्ध झाले आहे की भाजप हा खोटारडा पक्ष आहे. त्यांचा मार्ग म्हणजे त्यांच्या विरोधकांचे चारित्र्यहनन करणे. दिशा प्रकरणात आदित्य ठाकरे यांच्यासोबतही असेच घडले. त्यांनी राजीव गांधींना दिशा दिली ज्यांनी तरुणांना सक्षम करण्यासाठी देशात संगणक आणले. भाजपने त्यांच्यावर बोफोर्स घोटाळ्याचा खोटा आरोप केला आणि ते सत्तेत आले. पण आता महाराष्ट्रातील लोकांना भाजपबद्दलचे सत्य कळले आहे.

हेही वाचा : दिशा सालियानची आत्महत्या की हत्या? आदित्य ठाकरेंचा संबंध आहे का? मुंबई पोलिसांचा मोठा खुलासा!

तपास पथकाच्या प्रतिज्ञापत्रात काय आहे?

• दिशा सालियन प्रकरणी गठीत एसआयटीच्या तपासात दिशावर लैंगिक किंवा शारीरिक हल्ल्याचे कोणतेही संकेत नाहीत असे दिसून आले आहे.
• दिशा तिच्या मृत्यूपूर्वी ती खूप मद्यधुंद होती, याची स्पष्टता कलिना प्रयोगशाळेच्या फॉरेन्सिक अहवालातून झाली असल्याचेही तपास पथकाने आपल्या प्रतिज्ञापत्रात म्हटलेआहे.
• घटनेच्या रात्रीचे सीसीटीव्ही फुटेज आणि मोबाईल कॉल रेकॉर्ड तपासण्यात आले, परंतु 'कोणतीही संशयास्पद किंवा आक्षेपार्ह हालचाल यामध्ये आढळली नाही.