अधिकाऱ्यांनी आता CM एकनाथ शिंदेंची बॅग तपासली; ठाकरेंना टोला लगावत म्हणाले- कपडे आहे, युरीन पॉट नाही

Maharashtra Assembly Elections 2024: महाराष्ट्र विधानसभा निवडणुकीच्या प्रचारादरम्यान माजी मुख्यमंत्री आणि शिवसेना ठाकरे गटाचे प्रमुख उद्धव ठाकरे यांच्या बॅग तपासणी केल्यानंतर राज्यात चांगलाच आरोप प्रत्यारोप झाले. ठाकरे यांनी निवडणूक अधिकाऱ्यांना धारेवर धरत जशी माझी बॅग तपासली तशीच मोदी-शहांची तपासता का?, असा सवाल उपस्थित केला.

दुसरीकडे ठाकरे गटासह महाविकास आघाडीच्या नेत्यांनी देखील महायुतीवर जोरदार हल्लाबोल चढवला होता. आता बुधवारी निवडणूक अधिकाऱ्यांनी हेलिपॅडवर मुख्यमंत्री एकनाथ शिंदे यांच्या हेलिकॉप्टरमध्ये ठेवलेल्या बॅगांचीही तपासणी करण्यात आली. त्याचा व्हिडिओ समोर आला असून यात मुख्यमंत्री शिंदे यांनी ठाकरेंना टोला लगावत म्हणाले की, माझ्या बॅगमध्ये कपडे आहेत, युरीन पॉट तर अजिबात नाही.

पालघरमध्ये निवडणूक आयोगाच्या अधिकाऱ्यांनी मुख्यमंत्री एकनाथ शिंदे यांची बॅग तपासली. महाराष्ट्र विधानसभा निवडणुकीच्या प्रचारासाठी मुख्यमंत्री शिंदे पालघरमध्ये आले होते. शिवसेनेच्या अधिकृत पेजवरुन बॅग चेकिंगचा व्हिडिओ शेअर केला आहे. ज्यामध्ये निवडणूक आयोगाचे अधिकारी मुख्यमंत्री शिंदे यांच्या हेलिकॉप्टरमध्ये ठेवलेले सामान तपासताना दिसत आहेत.

#WATCH महाराष्ट्र: पालघर पुलिस ग्राउंड हेलीपैड पर मुख्यमंत्री एकनाथ शिंदे के बैग की जांच की गई, वहां वे चुनाव प्रचार के लिए पहुंचे थे।

(सोर्स: शिवसेना) pic.twitter.com/eNHMsaITLK

— ANI_HindiNews (@AHindinews) November 13, 2024

या व्हिडिओमध्ये मुख्यमंत्री शिंदे हेलिकॉप्टरच्या बाहेर उभे असल्याचे दिसत आहे. तर अधिकारी त्यांची बॅग तपासताना दिसत आहेत. एवढेच नाही तर निवडणूक अधिकाऱ्यांनी हेलिकॉप्टरमध्ये ठेवलेली बॅग उघडून तपासणी सुरू केली. तेव्हा सीएम शिंदे हसताना दिसले. त्यात फक्त कपडे आहेत, लघवीचे भांडे नाही, असा उपरोधिक टोला देखील त्यांनी ठाकरेंना तपासला. मुख्यमंत्री एकनाथ शिंदे यांचे म्हणणे ऐकून उपस्थित शिवसैनिक आणि इतर लोक हसू लागले.

लगातार दोन दिवस ठाकरेंच्या बॅग्स तपासल्या

सोमवार आणि मंगळवारी सलग दोन दिवस माजी मुख्यमंत्री उद्धव ठाकरे त्यांच्या शिवसेनेच्या प्रचारासाठी अनुक्रमे यवतमाळ आणि लातूरला पोहोचले होते, तेव्हा निवडणूक आयोगाच्या अधिकाऱ्यांनी त्यांचे सामान आणि त्यांच्या हेलिकॉप्टरमध्ये ठेवलेली बॅग तपासली होती. त्यावर उद्धव ठाकरे भडकले आणि त्यांनी तपास अधिकाऱ्यांना विचारले, तुम्ही लोक पीएम मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांचे हेलिकॉप्टर आणि बॅग तपासता का?

हे ही वाचा : उद्धव ठाकरेंपाठोपाठ अमोल कोल्हेंची अधिकाऱ्यांनी तपासली बॅग; ठाकरे म्हणाले- माझं युरीन पॉटही तपासा

एवढेच नाही तर उद्धव ठाकरेंनी निवडणूक आयोगाने कश्या बॅग तपासल्या याचा व्हिडिओ देखील शेअर केला आहे. त्यावर विरोधी पक्षांच्या नेत्यांनी भाजपवर हल्लाबोल करत निवडणूक आयोगावर पक्षपाती वृत्तीचा आरोप केला. एवढेच नाही तर असे करून त्यांच्या निवडणूक प्रचारात अडथळे आणल्याचा आरोप शिवसेना यूबीटीने केला होता.

अजित पवारांच्या बॅगेत निघाल्या चकल्या

उद्धव ठाकरे यांच्या या टीकेनंतर राज्याचे वातावरण चांगलेच तापले आहे. पण आता उपमुख्यमंत्री देवेंद्र फडणवीस व अजित पवार यांच्याही बॅगांची तपासणी होत असल्याचे समोर आले आहे. अजित पवार बुधवारी सकाळी बारामती येथे प्रचार करत असताना निवडणूक आयोगाच्या कर्मचाऱ्यांनी त्यांच्या हेलिकॉप्टर व बॅगांची तपासणी केली. यावेळी अजित पवार यांच्या सर्व बॅगा तपासण्यात आल्या. यावेळी अजित पवार शांतपणे फोनवर बोलत होते. तसेच स्वतःहून आपल्या बॅगा अधिकाऱ्यांना दाखवत होते. यावेळी एका बॅगेत चकल्या निघाल्या. त्यावर अजित पवार अधिकाऱ्यांना त्या खा - खा असे म्हणाले.