रशियात 8.7 रिश्टर स्केलचा मोठा भूकंप! त्सुनामीचा इशारा! भारतीयांसाठी हेल्पलाईन, ट्रम्पचेही आवाहन

Russia Tsunami warning A major earthquake : जगातील मोठ्या भूकंपापैकी एक शक्तिशाली भूकंप रशियात झाला आहे. हा भूकंप आज बुधवार, ३० जुलै २०२५, रोजी भारतीय प्रमाणवेळेनुसार ८ वाजता रशियाच्या कामचटका द्वीपकल्पात जाणवला. या भूकंपानंतर जपान, अमेरिका आणि रशियाच्या किनाऱ्यांवर त्सुनामीचा इशारा जारी करण्यात आला आहे.

प्राप्त माहितीनुसार, जपानच्या हवामान संस्थेने पूर्वीच्या इशाऱ्याला त्सुनामीचा इशारा दिला आहे, जपानच्या पॅसिफिक किनाऱ्यावर तीन मीटर (यार्ड) उंच लाटा येण्याचा इशारा दिला आहे. किनारी भागातून लोकांना बाहेर काढण्यात येत असून प्रादेशिक आपत्कालीन परिस्थिती मंत्री सर्गेई लेबेदेव यांच्या मते, कामचटका येथील लोकांना 'द्वीपकल्पाच्या किनाऱ्यापासून दूर जाण्याचे' आवाहन करण्यात आले आहे.

हवाईसाठी देखील त्सुनामीचा इशारा जारी करण्यात आला आहे आणि ते परिस्थितीवर लक्ष ठेवून आहे. तर दुसरीकडे या त्सुनामीची झळ बसू नये म्हणून भारतीयांना सूचना देण्यात आल्या आहेत. डोनाल्ड ट्रम्प यांनीही सावधानतेचे आणि दक्ष राहण्याचे आवाहन केले आहे.

The Consulate General of India in San Francisco is monitoring the potential tsunami threat following the recent 8.7 magnitude earthquake off Russia's Kamchatka Peninsula.

Indian nationals in California, other US West Coast states, and Hawaii are advised to take the following… pic.twitter.com/TcwP0tNU0L

— ANI (@ANI) July 30, 2025

भारतीयांसाठी सूचना

रशियाच्या कामचटका द्वीपकल्पात अलिकडेच झालेल्या ८.७ रिश्टर स्केलच्या भूकंपानंतर सॅन फ्रान्सिस्कोमधील भारतीय वाणिज्य दूतावास संभाव्य त्सुनामीच्या धोक्यावर लक्ष ठेवून आहे. कॅलिफोर्निया, इतर यूएस वेस्ट कोस्ट राज्ये आणि हवाईमधील भारतीय नागरिकांना खालील पावले उचलण्याचा सल्ला देण्यात आला आहे.

• स्थानिक सूचनांचे पालन करा.
• स्थानिक आपत्कालीन व्यवस्थापन आणि यूएस त्सुनामी इशारा केंद्रांसह अमेरिकन अधिकाऱ्यांकडून येणाऱ्या अलर्टचे काळजीपूर्वक निरीक्षण करा.
• त्सुनामी अलर्ट जारी झाल्यास उंच ठिकाणी जा.
• किनारी क्षेत्रे टाळा.
• आपत्कालीन परिस्थितीसाठी तयारी करा आणि उपकरणे चार्ज ठेवा.
• आपत्कालीन हेल्पलाइन क्रमांक +१-४१५-४८३-६६२९ किंवा [email protected] या ईमेलवर संपर्क साधा.

Due to a massive earthquake that occurred in the Pacific Ocean, a Tsunami Warning is in effect for those living in Hawaii. A Tsunami Watch is in effect for Alaska and the Pacific Coast of the United States. Japan is also in the way. Please visit https://t.co/wdFzeu1I0h for the…

— Donald J. Trump (@realDonaldTrump) July 30, 2025

डोनाल्ड ट्रम्प यांचे आवाहन

दरम्यान, भूकंपानंतर त्सुनामीची शक्यता व्यक्त केली जात आहे, यावर डोनाल्ड ट्रम्प यांनी आवाहन केले आहे, ते म्हणाले "पॅसिफिक महासागरात झालेल्या एका मोठ्या भूकंपामुळे, हवाईमध्ये राहणाऱ्यांसाठी त्सुनामी इशारा लागू आहे. अलास्का आणि अमेरिकेच्या पॅसिफिक किनाऱ्यावर त्सुनामी वॉच लागू आहे. जपान देखील या मार्गात आहे. नवीनतम माहितीसाठी कृपया https://tsunami.gov ला भेट द्या. मजबूत रहा आणि सुरक्षित रहा!"