israel attack iran : इस्रायलचा इराणवर हल्ला, तेहरानमध्ये भीषण स्फोट, इराणचे चीफ ऑफ स्टाफचे निधन

israel attack iran : इस्रायलने इराणवर भीषण हल्ला केला आहे. इस्रायलचे संरक्षण मंत्री इस्रायल काट्झ यांनी याची पुष्टी केली. त्यांनी सांगितले की, त्यांच्या लढाऊ विमानांनी शुक्रवारी सकाळी शत्रू देशावर हल्ला केला.

इराणच्या सरकारी माध्यमांनी पुष्टी केली आहे की, इस्रायलच्या हल्ल्यात इस्लामिक रिव्होल्यूशनरी गार्ड कॉर्प्स (IRGC) कमांडर हुसेन सलामीचा मृत्यू झाला आहे. हुसेन सलामी इराणी सैन्यात सर्वात महत्त्वाचे पद भूषवत होते. त्यांच्या नेतृत्वाखाली, IRGC इराणची बॅलिस्टिक क्षेपणास्त्र प्रणाली हाताळत असे.

इस्त्रायलने काय केला दावा?

इस्रायलने दावा केला आहे की इराणचे लष्करप्रमुख मोहम्मद बघेरी, इतर वरिष्ठ लष्करी अधिकारी आणि काही वरिष्ठ अणुशास्त्रज्ञ देखील हल्ल्यात मारले गेले आहेत. हे सर्व इस्रायली सैन्याच्या सुरुवातीच्या हवाई हल्ल्यांचे लक्ष्य होते.

इराणने धोकादायक क्षेपणास्त्रे बनवली आहेत

संभाव्य धोक्याबद्दल इशारा देताना स्टीव्ह विटकॉफ यांनी आठवड्यापूर्वी सांगितले होते की, इराणचा प्रत्युत्तर हल्ला इस्रायलच्या सुरक्षेत घुसू शकतो आणि मोठे नुकसान करू शकतो. यामध्ये मोठ्या प्रमाणात मृत्यू होण्याची भीती देखील आहे.

इराणने आधीच म्हटले आहे की जर त्यांच्या अणु तळांवर हल्ला झाला तर ते प्रत्युत्तर देईल आणि या प्रदेशातील अमेरिकन तळांवर हल्ला करेल. अशा परिस्थितीत, हा धोका आता वाढला आहे.

अहवालानुसार, विटकॉफ यांनी इराणच्या मुद्द्यावर रिपब्लिकन सिनेटरच्या गटाशी चर्चा केली. यावेळी त्यांनी इराणच्या बॅलिस्टिक क्षेपणास्त्र क्षमतेचा उल्लेख केला.

त्यांनी सांगितले की इराणच्या हवाई संरक्षण प्रणाली इराणकडून येणाऱ्या शेकडो क्षेपणास्त्रांच्या हल्ल्याला तोंड देऊ शकणार नाही. त्यांनी इराणच्या बॅलिस्टिक क्षेपणास्त्र शस्त्रागाराचे वर्णन इराणच्या अणु क्षमतांप्रमाणेच इराणसाठी धोका असल्याचे सांगितले.

इस्रायलमध्ये शाळा आणि कार्यालये बंद

इस्रायली सैन्याने शुक्रवारी रात्री स्थानिक वेळेनुसार दुपारी ३ वाजता घोषणा केली की देशभरातील शाळा बंद राहतील, गर्दी जमण्यास मनाई असेल. आवश्यक कार्यालये वगळता सर्व कार्यालये बंद राहतील. जेरुसलेममध्ये सायरनच्या आवाजात १०० हून अधिक लोक भूमिगत पार्किंगमध्ये लपून बसले आहेत.