तळीरामांसाठी गूड न्यूज! India-EU डीलमुळे विदेशी व्हिस्की-बिअर अन् वाईन होणार स्वस्त; वाचा नवे दर!

India EU free trade agreement alcohol : तब्बल १८ वर्षांच्या दीर्घ प्रतीक्षेनंतर भारत आणि युरोपियन युनियन (EU) यांच्यात ऐतिहासिक मुक्त व्यापार करार (FTA) अखेर २०२६ मध्ये संपन्न झाला आहे. या कराराचा सर्वात मोठा आणि थेट परिणाम आयात केल्या जाणाऱ्या प्रीमियम मद्य उत्पादनांवर होणार आहे.

युरोपमधून येणाऱ्या व्हिस्की, बिअर आणि वाईनवरील आयात शुल्कात (Import Duty) मोठी कपात करण्यात आल्याने, आता जागतिक दर्जाची मद्य उत्पादने भारतीय ग्राहकांसाठी अधिक परवडणाऱ्या किमतीत उपलब्ध होणार आहेत.

मद्य प्रेमींसाठी मोठी मेजवानी: नव्या कर दरांची यादी

या एफटीए अंतर्गत अल्कोहोल क्षेत्रातील कर रचनेत क्रांतिकारी बदल करण्यात आले आहेत. सध्याचे दर आणि नवीन प्रस्तावित दर खालीलप्रमाणे आहेत:

• मद्य प्रकार : जुने आयात शुल्क : नवीन आयात शुल्क (FTA नंतर)
• बिअर (Beer) : ११०% : ५०%
• स्पिरिट्स/व्हिस्की (Spirits) : १५०% : ४०%
• वाईन (Wine) : १५०% : २०% ते ३०%

या कपातीमुळे युरोपियन ब्रँड्सच्या किमतीत लक्षणीय घट होणार असून भारतीय बाजारपेठेत त्यांची स्पर्धात्मकता वाढणार आहे.

९०% उत्पादनांवरील टॅरिफ हटणार

युरोपियन युनियनच्या मते, या करारामुळे भारतात प्रवेश करणाऱ्या ९०% पेक्षा जास्त युरोपियन वस्तूंवरील आयात शुल्क एकतर पूर्णपणे काढून टाकले जाईल किंवा ते नाममात्र केले जाईल. यामुळे युरोपियन निर्यातदारांची दरवर्षी सुमारे ४ अब्ज युरोची बचत होणार आहे. २०३२ पर्यंत युरोपची भारताला होणारी निर्यात दुप्पट होण्याचा अंदाज यातून वर्तवण्यात आला आहे.

रोजगार निर्मिती आणि आर्थिक स्थैर्य

हा करार केवळ व्यापारापुरता मर्यादित नसून तो दोन्ही अर्थव्यवस्थांना मजबूती देणारा आहे.

लाखो नोकऱ्या: सध्या युरोपियन युनियनची भारताला होणारी निर्यात सुमारे ८ लाख युरोपियन नोकऱ्यांना आधार देते. या करारामुळे भारतातही लॉजिस्टिक, रिटेल आणि वितरण क्षेत्रात रोजगाराच्या नवीन संधी निर्माण होतील.

सर्वात मोठी सवलत : भारताने आपल्या कोणत्याही व्यापारी भागीदाराला दिलेली ही आतापर्यंतची सर्वात मोठी व्यापार सवलत मानली जात आहे.

'ग्रीन ट्रान्झिशन'साठी ५४ अब्ज रुपयांची मदत

केवळ व्यापारच नाही तर पर्यावरणाच्या दृष्टीनेही हा करार महत्त्वाचा आहे. भारताच्या 'ग्रीन ट्रान्झिशन' (स्वच्छ ऊर्जा संक्रमण) मोहिमेला गती देण्यासाठी युरोपियन युनियन पुढील दोन वर्षांत ५०० दशलक्ष युरो (सुमारे ५४ अब्ज भारतीय रुपये) देणार आहे. या निधीचा वापर हरितगृह वायू उत्सर्जन कमी करण्यासाठी आणि पर्यावरणपूरक तंत्रज्ञानासाठी केला जाईल.

कोणत्या क्षेत्रांना होणार लाभ?

मद्याव्यतिरिक्त या कराराचा मोठा फायदा खालील क्षेत्रांना मिळेल:

• अन्न उत्पादने व रसायने
• यंत्रसामग्री (Machinery)
• औषधनिर्माण (Pharmaceuticals)
• एरोस्पेस आणि ऑटोमोटिव्ह

कोणती दारू स्वस्त होणार?

Scotch/ Single Malts

Chivas Regal (सिवास रीगल)
Johnny Walker (जॉनी वॉकर)
Glenfiddich (ग्लेनफिडिक)
Dewar's (ड्यूअर्स)
100 Pipers (हंड्रेड पाइपर्स)

Whiskey

Ballantine's (बैलेनटाइन)
Royal Salute (रॉयल सेल्युट)
The Glenlivet (द ग्लेनलिवेट)
Diageo (डिआगो)
The Macallan (द मैकेलन)
Pernod Ricard- (एब्सॉल्युट वोदका, जेमसन व्हिस्की आदि ब्रांड्स)
Black & White (ब्लैक एंड व्हाइट)

Beer

Heineken (हैनिकेन)
Pilsner (पिल्सनर)
Krombacher (क्रॉम्बैकर)
Beck's Ice (बैक्स आइस)
Bavarian Classics (बावेरियन क्लास)
Warsteiner (वॉरस्टीनर)
Craft & Speciality (क्राफ्ट एंड स्पेशियलटी)