ट्रम्प आणि झेलेन्स्की यांच्यात जोरदार वाद,अमेरिकन राष्ट्राध्यक्ष म्हणाले - तुमचे वाईट दिवस सुरु

Donald Trump and Zelensky Meeting: अमेरिकाचे राष्ट्राध्यक्ष डोनाल्ड ट्रम्प आणि युक्रेनचे राष्ट्राध्यक्ष वोलोदिमिर झेलेन्स्की यांच्यात 28 फेब्रुवारीच्या रात्री व्हाईट हाऊसमध्ये भेट झाली. रशिया आणि युक्रेनमधील दीर्घकाळ चाललेला संघर्ष थांबवण्यासाठी ट्रम्प यांच्या प्रयत्नांदरम्यान ही बैठक महत्त्वाची मानली जात होती. परंतु या काळात अमेरिकेचे अध्यक्ष डोनाल्ड ट्रम्प आणि युक्रेनचे अध्यक्ष झेलेन्स्की यांच्यात जोरदार वाद झाला आहे.

वॉशिंग्टनमध्ये झालेल्या पत्रकार परिषदेत ट्रम्प यांनी झेलेन्स्की यांच्यावर ओरडले. ट्रॅम्प म्हणाले की, "तुम्ही युद्ध हरत आहात, तुमच्या हातात कार्ड नाहीत." शिवाय ट्रम्प यांनी युक्रेनच्या अध्यक्षांना सांगितले की, अमेरिकेच्या सुरक्षा हमीसाठी युक्रेनचा दबाव जागतिक संघर्षाचा धोका निर्माण करू शकतो.

ओव्हल ऑफिसमध्ये डोनाल्ड ट्रम्प यांच्याशी वाद घातल्याबद्दल झेलेन्स्कीलाही फटकारण्यात आले. ट्रम्प म्हणाले की हे अमेरिकेसाठी खूप अपमानास्पद आहे, हा तो देश आहे ज्याने तुम्हाला पाठिंबा दिला. तुम्ही आमचे आभार मानले पाहिजेत. अशाप्रकारे आपल्याला एकत्र काम करणे कठीण होईल.

युक्रेन तिसऱ्या महायुद्धाला आमंत्रण देत आहे

ट्रम्प यांनी झेलेन्स्कीला सांगितले की, "तुम्हाला लाखो लोकांच्या जीवाशी खेळण्याचा कोणताही अधिकार नाही." असे करून तुम्ही तिसऱ्या महायुद्धाला आमंत्रण देत आहात. ट्रम्प यांनी जोर देऊन सांगितले की तुम्ही आमचे त्यांचे आभार मानले पाहिजेत. यासोबतच त्यांनी इशारा दिला की अशा प्रकारे काम करणे आव्हानात्मक असेल.

युक्रेनला तडजोड करावी लागेल, अन्यथा...

ट्रम्प यांनी झेलेन्स्कीला अल्टिमेटम दिला की, युक्रेनने रशियाशी "तडजोड" करावी अन्यथा त्याचे परिणाम भोगावे लागतील. ट्रम्प यांनी झेलेन्स्कीच्या परिस्थितीबद्दलच्या दृष्टिकोनावर खेद व्यक्त केला आणि म्हटले की, "तुम्ही लाखो लोकांच्या जीवनाशी खेळत आहात.

तुम्ही तिसऱ्या महायुद्धाचा जुगार खेळत आहात. तुम्ही जे करत आहात ते या देशाचा खूप अपमान करणारे आहे." युक्रेनच्या रशियासोबत सुरू असलेल्या संघर्षावर सुरू असलेल्या जोरदार वादाच्या पार्श्वभूमीवर हे विधान आलं आहे., जे तीन वर्षांपूर्वी पूर्ण प्रमाणात आक्रमणात रूपांतरित झाले. कोणत्याही परिस्थीत तडजोड करण्याची गरज असल्याचं ट्रम्प यांनी सांगितले.

Watching Trump and Vance gang up and bully Zelensky, I have never been so disgusted and ashamed to be an American in my life. 😡😡😡👇 pic.twitter.com/EjwPkTPAfW

— Bill Madden (@maddenifico) February 28, 2025

अमेरिकेच्या राष्ट्राध्यक्षांनी झेलेन्स्कोला विचारले, तुम्ही...

उपराष्ट्रपती जे.डी. व्हान्स यांनीही झेलेन्स्की यांच्यावर टीका केली. ओव्हल ऑफिसमध्ये अमेरिकन मीडियासमोर ट्रम्पशी वाद घालण्याबद्दल त्यांना "लज्जास्पद" म्हटले. झेलेन्स्कीने कधी कृतज्ञता व्यक्त केली आहे का, असा प्रश्न त्यांनी उपस्थित केला.

युक्रेनच्या राष्ट्रपतींनीही दिले समर्पक उत्तर

दरम्यान, युक्रेनचे राष्ट्राध्यक्ष झेलेन्स्की यांनी युद्धाचे फोटो दाखवले आणि शांतता करारात कोणत्याही "खूनी" (रशियन राष्ट्राध्यक्ष पुतिन) सोबत कोणतीही तडजोड केली जाऊ शकत नाही असे सांगितले. झेलेन्स्की यांनी युक्रेनवरील तीन वर्षांच्या आक्रमणादरम्यान रशियाच्या आक्रमक कृती आणि युद्ध गुन्ह्यांचा उल्लेख केला. ते म्हणाले, मला वाटतं ट्रम्प आमच्यासोबत आहेत.

ट्रम्प यांनी हे उत्तर दिले

झेलेन्स्कीच्या निषेधाला न जुमानता ट्रम्प यांनी टीका केली. झेलेन्स्की कृतघ्न असल्याचा आणि त्यांच्या देशाच्या हितासाठी काम करत नसल्याचा आरोप ट्रम्प यांनी केला. यापूर्वी ट्रम्प म्हणाले होते की, झेलेन्स्की रशियन राष्ट्राध्यक्ष पुतिन यांचा खूप द्वेष करतात. दरम्यान, त्यांनी असेही म्हटले की, दुसरी बाजू म्हणजेच रशियालाही झेलेन्स्की किंवा युक्रेन अजिबात आवडत नाही. ट्रम्प म्हणाले की इतके कठोर होऊन तुम्ही कधीही करार करू शकणार नाही.