Shubanshu Shukla : कोण आहेत शुभांशू शुक्ला? कारगिल युद्धातून प्रेरणा! राकेश शर्मानंतर अंतराळात जाणार

Who is Shubanshu Shukla Biography Education Life Journey : भारतीय अंतराळ संस्था इस्त्रो नवीन किर्तीमान रचत असतानाच आता अंतराळ क्षेत्रात भारताचा एक सुपूत्र एक नवा इतिहास रचणार आहे. ग्रुप कॅप्टन शुभांशु शुक्ला हे Axiom Mission 4 (Ax-4) अंतर्गत आंतरराष्ट्रीय अंतराळ स्थानकाला (ISS) भेट देणार आहेत, नासाकडून त्यांची निवड करण्यात आली आहे.

राकेश शर्मानंतर ते असे पहिले भारतीय अंतराळवीर बनणार आहेत, या मोहिमेचा भाग बनणार आहे. ते अंतळामध्ये पथकासह कधी जाणार याची तारीखही आता स्पष्ट झाली आहे. फ्लोरिडातील नासाच्या केनेडी स्पेस सेंटरमधून ते अंतराळात झेप घेणार आहेत.

अंतराळात 14 दिवसांचे मिशन

मे 2025 मध्ये ही मोहीम साकार होणार आहे. X-4 मोहिमेचे नेतृत्व नासाचे माजी अंतराळवीर पेगी व्हिटसन आणि पोलंडचे सावोझ उझनान्स्की-विस्निव्स्की आणि हंगेरीचे टिबोर कापू हे मिशनचे तज्ज्ञ असतील. या 14 दिवसांच्या मिशनचे उद्दिष्ट सूक्ष्म गुरुत्वाकर्षणामध्ये वैज्ञानिक प्रयोग, शैक्षणिक पोहोच आणि व्यावसायिक क्रियाकलाप आयोजित करणे आहे.

Launch Update 🚀

Axiom Mission 4 (Ax-4), the fourth private astronaut mission to the @Space_Station, is targeted to launch no earlier than May 2025 from @NASAKennedy in Florida.

Learn more about private astronaut missions: https://t.co/YxrgiAActD pic.twitter.com/Zuapfgorwd

— NASA Space Operations (@NASASpaceOps) April 2, 2025

अंतराळातही भारताची विविधतेत एकता दिसणार

शुभांशू शुक्ला हे विविध प्रदेशांतील कलाकृती घेऊन जाण्याची योजना आखत आहेत म्हणजेच एकप्रकारे तिथेही भारताची विविधतेत एकता दिसणार नाही. अंतराळात योगासने करून भारताचा सांस्कृतिक वारसा ते प्रदर्शित करेल.

अंतराळात खाजगी अंतराळवीराचा प्रवेश

शुभांशु शुक्लाचा सहभाग जागतिक अंतराळ संशोधनातील भारताच्या वाढत्या भूमिकेचे प्रतिबिंबित करतो, राकेश शर्माच्या पावलावर पाऊल ठेवत, ज्यांना 1984 मध्ये अंतराळात पहिले भारतीय बनण्याचा मान मिळाला आहे. NASA, Axiom Space आणि ISRO यांच्यातील सहकार्यामुळे खाजगी अंतराळवीरांना कमी पृथ्वीच्या कक्षेत जाण्यासाठी वाढीव प्रवेश दर्शवतो, ज्यामुळे अवकाश संशोधनाचा मार्ग मोकळा होतो.

• कोण आहे शुभांशु शुक्ला?
• शुभांशु शुक्ला हे भारतीय वायूदलात कॅप्टन आहेत, ते या मोहिमेत स्पेसएक्स ड्रॅगन स्पेसक्राफ्टवर मिशन पायलटच्या रुपात काम करणार आहेत.
• 39 वर्षीय ग्रुप कॅप्टन शुभांशु शुक्ला हे उत्तर प्रदेशची राजधानी लखनौचे रहिवासी आहेत.
• 1985 साली जन्मलेले शुभांशु शुक्ला हे 18 वर्षे भारतीय हवाई दलात कॅप्टन या पदावर आहेत.
• शुभांशु शुक्ला यांनी प्रतिष्ठित राष्ट्रीय संरक्षण प्रबोधिनीत प्रशिक्षण घेतले आहे.
• शुभांशु शुक्ला यांना 2006 मध्ये भारतीय हवाई दलात कमिशन मिळाले.
• शुभांशु शुक्ला हे फायटर कॉम्बॅट लीडर आणि 2000 तासांहून अधिक उड्डाणाचा अनुभव असलेले चाचणी वैमानिक आहेत.
• शुभांशु शुक्ला यांना सुखोई-३० MKI, MiG-21S, MiG-29S, Jaguar, Hawks Dorniers आणि An-32 सारखी लढाऊ विमाने उडवण्याचा अनुभव आहे.

कारगील युद्धातून प्रेरणा

शुभांशु शुक्ला यांच्या कुटुंबीयांच्या मते, कारगिल युद्धादरम्यान भारतीय जवानांच्या शौर्य आणि बलिदानाच्या शौर्यगाथा जाणून घेतल्यानंतर शुभांशु शुक्ला यांनी भारतीय सैन्यात भरती होण्याचा निर्णय घेतला होता. 1999 मध्ये कारगिल युद्ध झाले तेव्हा शुभांशु शुक्ला 14 वर्षांचे होते. तेव्हापासून त्यांना सैन्यात भरती होण्याची इच्छा होती.