संसदेच्या नव्या इमारतीच्या छतावरून पाणी गळती, काँग्रेस खासदारांनी शेअर केला व्हिडिओ

नवी दिल्ली : देशाच्या नव्या संसदेत छताच्या टपकणाऱ्या पाण्यावरुन काँग्रेस चांगलीच आक्रमक झाली आहे. लोकसभेतील काँग्रेसचे नेते मणिकम टागोर यांनी सोशल मीडियावर पोस्ट केली आहे. 'बाहेर पेपर लीक, संसदेत पाणी लीक. राष्ट्रपती वापरत असलेल्या संसदेच्या लॉबीतील पाण्याची गळती धक्कादायक आहे.

संसदेच्या नवीन इमारतीत हे घडल्याने प्रश्नचिन्ह उपस्थित केले जात आहेत. संसदेचे बांधकाम पूर्ण होऊन अवघ्या वर्षभरात ही संपूर्ण घटना उघडकीस आली आहे. काँग्रेस खासदाराने हा गंभीर मुद्दा असल्याचे म्हटले असून या संदर्भात लोकसभेत स्थगन प्रस्तावाची सूचना दिली आहे.

Paper leakage outside,
water leakage inside. The recent water leakage in the Parliament lobby used by the President highlights urgent weather resilience issues in the new building, just a year after completion.
Moving Adjournment motion on this issue in Loksabha. #Parliament pic.twitter.com/kNFJ9Ld21d

— Manickam Tagore .B🇮🇳மாணிக்கம் தாகூர்.ப (@manickamtagore) August 1, 2024

अखिलेश म्हणाले- पुन्हा जुन्या संसदेत का जात नाही

समाजवादी पक्षाचे प्रमुख खासदार अखिलेश यादव यांनीही नव्या संसदेच्या छतावरून टपकणाऱ्या पाण्यावर प्रश्न उपस्थित केला. एक्स सोशल मिडीयावर व्हिडिओ पोस्ट करताना त्यांनी लिहिले की, 'या नवीन संसदेपेक्षा जुनी संसद चांगली होती, जिथे जुने खासदारही येऊन भेटू शकत होते.

किमान कोट्यवधी रुपयांच्या निधीतून उभारलेल्या संसदेचे पाणी वाहून नेण्याचा कार्यक्रम सुरू होईपर्यंत तरी जुन्या संसदेचे कामकाज पुन्हा का होऊ दिले जात नाही. भाजप सरकारच्या काळात बांधलेल्या संसदेच्या छतावरून टपकणारे पाणी हा त्यांच्या विचारपूर्वक केलेल्या रचनेचा भाग आहे का, असा प्रश्न जनता विचारत आहे, असं अखिलेश यांनी आपल्या पोस्टमध्ये म्हटलं आहे.

इस नई संसद से अच्छी तो वो पुरानी संसद थी, जहाँ पुराने सांसद भी आकर मिल सकते थे। क्यों न फिर से पुरानी संसद चलें, कम-से-कम तब तक के लिए, जब तक अरबों रुपयों से बनी संसद में पानी टपकने का कार्यक्रम चल रहा है।

जनता पूछ रही है कि भाजपा सरकार में बनी हर नई छत से पानी टपकना, उनकी… pic.twitter.com/PpJ36k6RJm

— Akhilesh Yadav (@yadavakhilesh) August 1, 2024

नवीन संसदेचे छत गळू लागल्याने नेटक-यांनी प्रश्न उपस्थित केले

बुधवारी दिल्लीत झालेल्या मुसळधार पावसादरम्यान नवीन संसदेच्या आत धक्कादायक फोटो समोर आली आहेत. संसदेच्या कॅम्पसच्या गेटवर पाणी साचल्याची फोटो समोर आली आहेत जिथून खासदार फिरतात. इतकंच नाही तर नव्या संसदेच्या लॉबीमध्ये छतावरून पाणी टपकल्याचे फोटोही सोशल मीडियावर व्हायरल झाले आहेत. अशा परिस्थितीत सोशल मीडियावर नेटक-यांनी संसदेच्या बांधकामाबाबत प्रश्न उपस्थित केले.

एका यूजरने लिहिले की, तुम्हाला माहिती आहे की नवीन संसद 1,200 कोटी रुपयांमध्ये बांधली गेली आहे. एक प्रकारे, नेटक-यांनी संसदेच्या नवीन इमारतीच्या बांधकामानंतर अवघ्या वर्षभरात पाणी टपकण्याबाबत प्रश्न उपस्थित केले.

दिल्ली-एनसीआरच्या अनेक भागात आज मुसळधार पावसाचा इशारा देण्यात आला आहे. मुसळधार पावसामुळे देशाची राजधानी दिल्ली बुधवारी संध्याकाळी जलमय झाली. हवामानाचे स्वरूप इतके बदलले की अनेक भाग जलमय झाले. ल्युटियन्स दिल्ली असो वा इतर भाग, मुसळधार पावसामुळे नागरिकांचे जनजीवन विस्कळीत झाले. दिल्लीत अनेक भागात पाणी साचल्याने ठिक- ठिकाणी वाहतूक कोंडी दिसून आली.