विराट कोहली आणि रोहित शर्मा नव्या वर्षात किती सामने खेळणार? पाहा संपूर्ण वेळापत्रक आणि तारखा

Published: Thursday, January 1, 2026, 12:42 [IST]

Virat kohli rohit sharma cricket schedule 2026 odi ipl match list : क्रिकेट जगतातील दोन दिग्गज फलंदाज, विराट कोहली आणि रोहित शर्मा, २०२६ या नवीन वर्षात पुन्हा एकदा मैदानात धमाका करण्यासाठी सज्ज झाले आहेत. २०२५ मध्ये आरसीबीला (RCB) पहिले जेतेपद मिळवून दिल्यानंतर आणि कसोटी क्रिकेटमधून निवृत्ती घेतल्यानंतर विराट कोहली आता पूर्णपणे मर्यादित षटकांच्या क्रिकेटवर लक्ष केंद्रित करणार आहे. दुसरीकडे, रोहित शर्मा देखील आपल्या आक्रमक फलंदाजीने प्रतिस्पर्ध्यांना धूळ चारण्यासाठी तयार आहे.

विराट कोहली: घरगुती क्रिकेटमधून वर्षाची सुरुवात

विराट कोहलीच्या २०२६ च्या मोहिमेची सुरुवात अत्यंत भावूक आणि खास असेल. तब्बल १५ वर्षांनंतर विराट आपल्या मायभूमीसाठी म्हणजेच दिल्लीच्या जर्सीत खेळताना दिसेल. ६ जानेवारी रोजी रेल्वेविरुद्ध होणाऱ्या विजय हजारे ट्रॉफीमधील सामन्यातून तो मैदानात उतरेल.

२०२६ मधील वन-डे सामन्यांचे वेळापत्रक

रोहित शर्मा आणि विराट कोहली या वर्षी भारतासाठी एकूण १५ एकदिवसीय (ODI) सामने खेळणार आहेत. या सामन्यांचे नियोजन खालीलप्रमाणे आहे.

मालिका	सामन्याचे स्वरुप	महिना (२०२६)
न्यूझीलंड विरुद्ध भारत	३ वनडे (घरगुती)	जानेवारी
अफगाणिस्तान विरुद्ध भारत	३ वनडे (घरगुती)	जून
इंग्लड विरुद्ध भारत	३ वनडे (परदेशात)	जुलै
वेस्ट इंडिज विरुद्ध भारत	३ वनडे (घरगुती)	ऑक्टोबर-नोव्हेंबर
न्यूझीलंड विरुद्ध भारत	३ वनडे (परदेशात)	नोव्हेंबर-डिसेंबर

IPL 2026: चॅम्पियन आरसीबीची प्रतिष्ठा पणाला

२०२५ मध्ये आरसीबीला विजेतेपद मिळवून दिल्यानंतर, विराट कोहली यावर्षी 'डिफेंडिंग चॅम्पियन' म्हणून मैदानात उतरेल. आयपीएल २०२६ मध्ये विराट किमान १४ टी-२० सामने खेळणार आहे. गेल्या हंगामात १५ सामन्यांत ६५७ धावा करणाऱ्या विराटच्या कामगिरीकडे संपूर्ण जगाचे लक्ष असेल.