PM Modi Birthday : मोदींच्या वाढदिवसानिमित्त खास भेट! प्रत्येक महिलेच्या खात्यात जमा होईल 5000 रुपये

PM Modi Birthday :आज पंतप्रधान नरेंद्र मोदी यांचा वाढदिवस असून पंतप्रधान 74 वर्षांचे झाले आहेत. त्यांचा जन्म 17 सप्टेंबर 1950 रोजी झाला. ओडिशा सरकारची सुभद्रा योजना सुरू असून पीएम मोदी आज त्यांच्या वाढदिवसानिमित्त ही योजना लाॅंच करणार आहेत.या योजना महिलांसाठी आहे आणि या अंतर्गत सरकार महिला लाभार्थ्यांच्या खात्यात वर्षातून दोनदा 5000-5000 रुपये जमा करणार आहे. म्हणजेच एका वर्षात त्यांच्या खात्यात 10,000 रुपये ट्रान्सफर होतील. जाणून घेऊया कशी आहे ही योजना?

21-60 वर्षे वयोगटातील महिलांना लाभ मिळेल

सुभद्रा योजना ही ओडिशा सरकारची एक योजना आहे ज्या अंतर्गत राज्यातील 21 ते 60 वर्षे वयोगटातील पात्र महिला लाभार्थ्यांच्या खात्यात दरवर्षी 10,000 रुपये जमा केले जातील. म्हणजेच, या योजनेंतर्गत, महिला लाभार्थ्यांना पाच वर्षांत एकूण 50,000 रुपयांची आर्थिक मदत मिळू शकेल. ओडिशाचे मुख्यमंत्री मोहन चरण माझी आज पंतप्रधान नरेंद्र मोदी यांच्या वाढदिवसानिमित्त ही योजना सुरू करणार आहेत. विशेष बाब म्हणजे या योजनेला ओडिशाचे प्रमुख देवता भगवान जगन्नाथ यांची धाकटी बहीण देवी सुभद्रा यांचे नाव देण्यात आले आहे.

रक्कम दोन हप्त्यांमध्ये हस्तांतरित केली जाईल

या शुभारंभानंतर, सुभद्रा योजनेंतर्गत, 2028-29 पर्यंत 5 वर्षांत राज्यातील 1 कोटींहून अधिक महिलांना वार्षिक 10,000 रुपयांचे अर्थसहाय्य प्रदान केले जाईल. पैशांचे हस्तांतरण दोन हप्त्यांमध्ये केले जाईल. यातील एक हप्ता आंतरराष्ट्रीय महिला दिनी म्हणजेच 8 मार्च रोजी महिला लाभार्थ्यांच्या खात्यात जमा केला जाईल, तर दुसरा हप्ता रक्षाबंधनाच्या निमित्ताने हस्तांतरित केला जाईल. योजनेअंतर्गत, ही रक्कम आधारशी जोडलेल्या बँक खात्यात जमा केली जाईल आणि या योजनेचा लाभ घेण्यासाठी ई-केवायसी आवश्यक असेल.

ही योजना कशी काम करेल?

या योजनेचा लाभ 21-60 वर्षे वयोगटातील महिला लाभार्थ्यांना मिळेल आणि सरकार त्यांच्यासाठी सुभद्रा डेबिट कार्ड जारी करेल. यामध्ये आणखी एक फायदा असा होईल की, प्रत्येक ग्रामपंचायत आणि शहरी स्थानिक संस्था क्षेत्रात जास्तीत जास्त डिजिटल व्यवहार करणाऱ्या एकूण 100 लाभार्थ्यांना 500 रुपये अतिरिक्त प्रोत्साहनपर रक्कम दिली जाईल. रिपोर्टनुसार, सरकारने 2024-25 ते 2028-29 या पाच वर्षांसाठी 55,825 कोटी रुपयांचे बजेट निश्चित केले आहे.

या महिलांना मिळणार नाही लाभ

आर्थिकदृष्ट्या संपन्न कुटुंबातील महिला, सरकारी कर्मचारी आणि आयकर रिटर्न भरणाऱ्या महिलांना ओडिशा सरकारच्या या योजनेचा लाभ मिळणार नाही, याशिवाय, जर कोणतीही महिला इतर कोणत्याही सरकारी योजनेंतर्गत दरमहा रु. 1,500 किंवा त्याहून अधिक (किंवा रु. 18,000 किंवा अधिक (प्रति वर्ष)) लाभ घेत असेल तर अशा महिलांनाही सुभद्रा योजनेचा लाभ घेता येणार नाही.

काय आहे पात्रता

महिला लाभार्थी मूळची ओडिशाची असावी.
महिलेचा राष्ट्रीय अन्न सुरक्षा कायदा किंवा राज्य अन्न सुरक्षा योजनेंतर्गत शिधापत्रिकेत समावेश करावा.
याशिवायही लाभ मिळतील, परंतु त्यांचे एकूण कौटुंबिक उत्पन्न 2.50 लाखांपेक्षा जास्त नसावे.
योजनेसाठी पात्र होण्यासाठी, पात्रता तारखेनुसार अर्जदाराचे वय 21-60 वर्षे असावे.

ऑनलाइन किंवा ऑफलाइन अर्ज करता येईल

सुभद्रा योजनेच्या पात्र महिला या योजनेचा लाभ घेण्यासाठी ऑनलाइन किंवा ऑफलाइन अर्ज करू शकतात. ऑनलाइन अर्जासाठी, त्यांना सुभद्रा पोर्टलचा वापर करावा लागेल, तर ऑफलाइन अर्जासाठी, ते स्थानिक बँका, पोस्ट ऑफिस आणि सामान्य सेवा केंद्रांमध्ये जाऊन या योजनेसाठी नोंदणी करू शकतात. ज्या महिलांनी अर्ज केले आहेत, त्यांच्या अर्जांची सरकार पडताळणी करणार आहे. यामध्ये आधारमध्ये दिलेली माहितीच अंतिम मानली जाईल.