Makar Sankranti 2026 : तुमच्या राशीनुसार करा 'या' वस्तूंचे दान; आयुष्यात येईल सुख, शांती आणि समृद्धी

Makar Sankranti 2026 : मकर संक्रांती हा हिंदू धर्मातील अत्यंत पवित्र आणि महत्त्वाचा सण आहे. जेव्हा सूर्य धनु राशीतून बाहेर पडून मकर राशीत प्रवेश करतो, तेव्हा 'मकर संक्रांती' साजरी केली जाते. 14 जानेवारी 2026 रोजी साजरा होणाऱ्या या सणाला ज्योतिषशास्त्रात दानाचे अनन्यसाधारण महत्त्व आहे.

भारतात हा सण विविध नावांनी साजरा होतो. उत्तर भारतात 'खिचडी', आसाममध्ये 'बिहू' तर दक्षिण भारतात 'पोंगल'. या दिवशी पवित्र नद्यांमध्ये स्नान आणि सूर्यदेवाची उपासना केल्याने पुण्यप्राप्ती होते, अशी श्रद्धा आहे. आजच्या लेखात आपण तुमच्या राशीनुसार या दिवशी काय दानधर्म केला पाहिजे, याविषयी जाणून घेणार आहोत.

राशीनुसार दान: ज्योतिषशास्त्रीय महत्त्व

मकर संक्रांतीला आपल्या राशीच्या स्वामी ग्रहाशी संबंधित वस्तूंचे दान केल्यास ग्रहदोष दूर होतात आणि जीवनात प्रगतीचे मार्ग मोकळे होतात. जाणून घेऊया तुमच्या राशीनुसार तुम्हाला काय दान करणे शुभ ठरेल:

१. मेष (Aries)

मेष राशीचा स्वामी मंगळ आहे.

काय दान करावे : गूळ, शेंगदाणे, तीळ आणि गरजू व्यक्तीला लाल कपडे.

२. वृषभ (Taurus)

वृषभ राशीचा स्वामी शुक्र आहे. करिअरमध्ये यशासाठी आणि संपत्ती वाढीसाठी खालील वस्तू दान करा.

काय दान करावे : पांढरा तांदूळ, पांढरे तीळ, पांढरे कपडे आणि दही.

३. मिथुन (Gemini)

मिथुन राशीचा स्वामी बुध आहे.

काय दान करावे : हरभरा डाळ, तांदूळ आणि ब्लँकेट (कांबळी).

४. कर्क (Cancer)

कर्क राशीचा स्वामी चंद्र आहे. मनाच्या शांतीसाठी पांढऱ्या वस्तूंचे दान महत्त्वाचे आहे.

काय दान करावे : तांदूळ, साखर, तीळ, दूध किंवा शुद्ध तूप.

५. सिंह (Leo)

सिंह राशीचा स्वामी स्वतः सूर्यदेव आहे.

काय दान करावे : तांबे, सोने, गहू, लाल वस्त्र आणि गरिबांना ब्लँकेट.

६. कन्या (Virgo)

कन्या राशीचा स्वामी बुध आहे.

काय दान करावे : अख्खे हिरवे मूग, खिचडी, शेंगदाणे आणि हिरवे कपडे.

७. तूळ (Libra)

तूळ राशीचा स्वामी शुक्र आहे.

काय दान करावे : उबदार कपडे, मध, साखर आणि ब्लँकेट.

८. वृश्चिक (Scorpio)

वृश्चिक राशीचा स्वामी मंगळ आहे.

काय दान करावे : गूळ, तीळ आणि लाल रंगाचे वस्त्र.

९. धनु (Sagittarius)

धनु राशीचा स्वामी गुरु (बृहस्पति) आहे.

काय दान करावे : पिवळे कापड, पिवळी डाळ (हरभरा), हळद आणि केशर.

१०. मकर (Capricorn)

मकर राशीचा स्वामी शनी आहे. या दिवशी शनीला प्रिय असलेल्या वस्तूंचे दान करा.

काय दान करावे : तेल, काळे तीळ, काळे कपडे किंवा काळे बूट.

११. कुंभ (Aquarius)

कुंभ राशीचा स्वामी देखील शनी आहे.

काय दान करावे : काळ्या वस्तू (उदा. छत्री, तीळ) आणि गरिबांना अन्नदान.

१२. मीन (Pisces)

मीन राशीचा स्वामी गुरु आहे.

काय दान करावे : रेशमी कापड, तीळ, हरभरा डाळ आणि तांदूळ.

मकर संक्रांतीचे लाभ

खिचडीचे महत्त्व: या दिवशी खिचडी खाणे आणि दान करणे हे आरोग्यासाठी व धार्मिकदृष्ट्या शुभ मानले जाते.

सूर्य उपासना : सूर्याला अर्घ्य दिल्याने आत्मविश्वास आणि तेज वाढते.

स्नान व जप : गंगास्नानामुळे पापांचे क्षालन होऊन सकारात्मक ऊर्जा मिळते.

(अस्वीकरण: वरील माहिती पारंपारिक श्रद्धा आणि ज्योतिषीय मान्यतेवर आधारित आहे. कोणताही उपाय करण्यापूर्वी किंवा रत्न धारण करण्यापूर्वी तज्ज्ञ ज्योतिषाचा सल्ला घेणे हिताचे ठरेल. त्याचा वनइंडिया मराठी यासंदर्भात कोणताही दावा करत नाही.)